CNN: აშშ-ში პოლიციამ შავკანიანი მამაკაცი სასიკვდილოდ სცემა, მემფისში საპროტესტო აქციები დაიწყო
შეერთებულ შტატებში 2023 წლის იანვრის დასაწყისში პოლიციელების ჯგუფმა შავკანიან მამაკაცს სცემეს. მომხდართან დაკავშირებით საპროტესტო აქციები დაიწყო. ამის შესახებ CNN წერს.
შემთხვევა ამერიკის ქალაქ მემფისში, ტენესის შტატში, 7 იანვარს ღამით მოხდა. პოლიციელებმა გააჩერეს მანქანა, რომელსაც 29 წლის ტირე ნიკოლსი მართავდა.
მემფისის პოლიციამ შავკანიანი მამაკაცის სასტიკად ცემის ვიდეო გაავრცელა.
კადრებში ჩანს, რომ პოლიცია მამაკაცის მანქანასთან დაკავებას ცდილობდა, მაგრამ ის გაიქცა. სამართალდამცველებმა ნიკოლსი გზაჯვარედინზე დაიჭირეს და დაუწყეს ცემა მუშტებითა და წიხლებით, მათ შორის სახეში. ვიდეოში დაფიქსირებულია, თუ როგორ დაურეკა მამაკაცმა დედას, რადგან შემთხვევა მის სახლთან მოხდა.
სასწრაფო დახმარება გამოძახების ადგილზე 20 წუთის განმავლობაში არ მისულა. დაზარალებული ცემიდან მხოლოდ ერთი საათის შემდეგ გადაიყვანეს საავადმყოფოში. სამი დღის შემდეგ იგი გარდაიცვალა. როგორც CNN-ს სამედიცინო ექსპერტებმა განუცხადეს, გაკვეთამ აჩვენა, რომ ნიკოლსი „ძლიერი ცემით გამოწვეული შინაგანი დაზიანებებით გარდაიცვალა“.