ზოდიაქოს ნიშნები და მათი კოშმარებად ქცეული შიშები
ალბათ, ცხოვრებაში ერთხელ მაინც დაგსიზმრებიათ საშინელი კოშმარი. გამოცდის წინა დღეს გესიზმრებათ, თითქოს გამოცდაზე აგვიანებთ. ან დამღლელი დღის ბოლოს სიზმარში ხედავთ, რომ არასასურველ სიტუაციაში ხართ და გაქცევა არ შეგიძლიათ. ეს ქვეცნობიერი რეფლექსია, სიზმრებში იმას ვხედავთ, რაც გვაწუხებს, რაც დიდი ხნის განმავლობაშია ჩვენს გონებაში დალექილი. შესაძლოა, სულაც თვეების წინ მომხდარი ფაქტი იქცეს კოშმარის გამომწვევ მიზეზად, რადგან გონებამ მისი დავიწყება და გაშვება ვერ მოახერხა.
ყველა ზოდიაქოს ნიშანს დამახასიათებელი გამოკვეთილი შიში აქვს, რომელიც შეიძლება მის აკვიატებადაც კი იქცეს და ცუდი სიზმრები ან შფოთვები გამოიწვიოს. ამიტომაც არის მნიშვნელოვანი სტრესისა და ნეგატიური ფიქრებისგან თავის დაცვა, რათა ამან თქვენს ცხოვრებაზე ნეგატიური გავლენა არ იქონიოს.
ვერძი
ვერძი თავდაჯერებული და ძლიერი ზოდიაქოს ნიშანია. მას ლიდერობისკენ სწრაფვა ახასიათებს. ამიტომ ყველაზე მეტად შეუმჩნევლად ყოფნის ეშინია. ვერძი ცუდ სიზმრებში ხედავს, რომ შეუმჩნეველია და სხვა ადამიანები მასზე რეაგირებას არ ახდენენ.
კურო
პრაგმატული, მიზანდასახული და შრომისმოყვარეა. მას უყვარს შენება, დაგროვება, ზრუნვა. კუროს ყველაზე მეტად დანაკარგის ეშინია. ამიტომ იგი კოშმარულ სიზმარში, შესაძლოა, ხშირად ხედავდეს ცარიელ სახლს.
ტყუპები
ტყუპები უდარდელი და თავგადასავლების მოყვარული ნიშანია. იგი არ ღელავს მომავალზე და მომენტით ცხოვრობს, თუმცა ეს ზოდიაქოს ნიშანი ყველაზე ცუდ სიზმარში ხედავს, რომ საფრთხეშია და ვიღაც კვალდაკვალ დაჰყვება.
კირჩხიბი
კირჩხიბი დაცულობის და გარკვეულობის მოყვარული ნიშანია, თუმცა ამავდროულად ძალიან ემოციურია, ამიტომ ყველაზე მეტად დევნის ეშინია.
ლომი
ლომს ვერძის მსგავსად ყურადღება ძალიან უყვარს. მას სოციალიზაციის გარეშე ცხოვრება არ შეუძლია. მისი ყველაზე დიდი შიში მარტო დარჩენას უკავშირდება. ამიტომაც ხშირად ხედავს სიზმარში, რომ მარტო ტოვებენ.
ქალწული
ქალწული პერფექციონისტია. იგი დეტალებზე ძალიან ორიენტირებულია, ზოგჯერ ზედმეტადაც კი, ამიტომ ეს მის შფოთვებს აძლიერებს და ხშირად აკვიატებად ექცევა იმაზე ფიქრი, რომ შეიძლება რამე მნიშვნელოვანი დაავიწყდეს.
სასწორი
სასწორიც სოციალური ცხოვრების მოყვარული ნიშანია, მას სტაბილურობა იზიდავს, ამიტომ ყველაზე მეტად ნგრევის ეშინია. სასწორისეული კოშმარი აპოკალიფსსა და სამყაროს დასასრულს უკავშირდება.
მორიელი
მორიელი ძალიან კომპლექსური და მისტიკური ზოდიაქოს ნიშანია. მისთვის მნიშვნელოვანია საკუთარი იმიჯი, მისი შფოთვები და შიშები საზოგადოების წინაშე შერცხვენას უკავშირდება. ეშინია, რომ რეპუტაციას დაკარგავს.
მშვილდოსანი
იგი ყოველთვის თავის სურვილებს და ვნებებს მიჰყვება. არ შეუძლია ერთ ადგილას ყოფნა, სტაბილურობა მისი სტილი არ არის. თავგადასვლები ძალიან უყვარს და საფრთხეც იზიდავს. მშვილდოსანი თავის კოშმარულ სიზმარში ხედავს, რომ ხაფანგშია გაბმული და თავის დაღწევა არ შეუძლია.
თხის რქა
ძალიან ამბიციურია, მიზანდასახული, ყოველთვის იღებს იმას, რაც უნდა. მისი ყველაზე დიდი ქვეცნობიერი შიში ერთ ადგილას გაჩერებაა. ეშინია, რომ ვერ განვითარდება და სასურველს ვერ მიაღწევს. ამიტომ თხის რქა ცუდ სიზმრებში საკუთარ თავს ისევ სკოლაში ხედავს, სადაც შეიძლება გაკვეთილის მოყოლა დაავიწყდეს.
მერწყული
გარეგნულად ჩანს, რომ არ ადარდებს, რას ფიქრობენ მასზე სხვა ადამიანები, თუმცა გულის სიღრმეში იცის, რომ ასე არ არის. იგი ძალიან ემოციური და ამავდროულად ემპათიურია. მერწყულის კოშმარი წყალს და ცურვას უკავშირდება.
თევზები
მზრუნველი, მგრძნობიარე, მოსიყვარულე ზოდიაქოს ნიშანია. მისთვის ოჯახი და მეგობრები ყველაფერია. მიუხედავად იმისა, რომ მარტო ყოფნა ძალიან უყვარს, ყველაზე მეტად იზოლირების და ცივილიზაციისგან მოწყვეტის ეშინია. თევზები კოშმარულ სიზმარში უკაცრიელ კუნძულზეა და გვერდით არავინ ჰყავს.
წყარო/ფოტო: Best Life