7 საუკეთესო გზა გონების და აზროვნების გასავითარებლად
ძალიან გავრცელებულია აზრი იმის შესახებ, რომ ადამიანი ინტელექტით და თანდაყოლილი უნარებით იბადება. ნაწილობრივ ასეცაა, თუმცა ამ უნარების განვითარება მთელი ცხოვრების განმავლობაში მიმდინარეობს. გონებას, ისევე როგორც სხეულს, რეგულარული ვარჯიში სჭირდება. წინააღმდეგ შემთხვევაში, იგი ვერ იქნება საკმარისად მახვილი და გამჭრიახი.
2018 წელს ჩატარებულმა კვლევებმა აჩვენა, რომ ფიზიკური ვარჯიში დადებით გავლენას ახდენს გონებრივ განვითარებაზე. სიარული, იოგა, ცეკვა და სხვა ფიზიკური აქტივობები ხელს უწყობს გონების ჯანსაღ ფუნქციონირებას და შესაბამისად მისი უნარების განვითარებას.
მეორე უმნიშვნელოვანესი პირობა არის ძილი, რაც პასუხისმგებელია კოგნიტურ უნარებზე. თუ ადამიანს საკმარისად არ სძინავს ეს უარყოფითად მოქმედებს მის მენტალურ ჯანმრთელობაზე. უძილობა უამრავ სერიოზულ პრობლემას და უკიდურეს შემთხვევაში ჰალუცინაციებსაც კი იწვევს. ამიტომ დღე-ღამის განმავლობაში აუცილებლად უნდა გეძინოთ 7-8 საათი.
კიდევ ერთი გზა გონების გასავითარებლად არის ჯანსაღი კვება, განსაკუთრებით ნუტრინებით მდიდარი საკვების მიღება. პროდუქტები, როგორიცაა ცხიმიანი თევზი, ავოკადო, ნიგოზი, კენკრა, ისპანახი, სალათის ფურცლები, ხელს უწყობს გონების ჯანსაღ ფუნქციონირებას და მეხსიერების გაუმჯობესებას.
ინსტრუმენტზე დაკვრა ფიზიკური კოორდინაციის, მეხსიერების, ანალიტიკური უნარების გასავითარებლად კარგი საშუალებაა. ასევე ავითარებს სენსორულ და კოგნიტურ უნარებს. თუ არ იცით რომელიმე ინსტრუმენტზე დაკვრა, გახსოვდეთ, რომ სწავლა გვიანი არასდროსაა.
გასაკვირი ნამდვილად არ იქნება, თუ გეტყვით, რომ კითხვა ადამიანის გონებას აუმჯობესებს. კონცენტრაცია, ანალიზი, მეხსიერება, ვიზუალიზაცია, წარმოსახვა, მსჯელობა, ეს ის ფუნქციებია, რომელიც კითხვის შედეგად ვითარდება და ძლიერდება. ასევე ახალი ენის, ფრაზების, ლექსების სწავლა ძალიან ეხმარება ადამიანს გონებრივი უნარების განვითარებაში.
და ბოლოს, სოციალიზაცია. ადამიანური ურთიერთობების ნაკლებობა და იზოლაცია უარყოფითად მოქმედებს როგორც ფიზიკურ, ისე გონებრივ ჯანმრთელობაზე. კომუნიკაციის არ ქონა საშიში ფაქტორია ჯანსაღი გონებრივი ფუნქციონირებისთვის. თუ არ გაქვთ საშუალება ხშირად ეკონტაქტოთ ადამიანებს, ეცადეთ თავად გამონახოთ გზები. დაიწყეთ მოხალისედ მუშაობა, იარეთ რაიმე წრეზე, შეუერთდით სპორტულ ან საცეკვაო კლუბს, დაუკავშირდით ძველ მეგობრებს.
გახსოვდეთ, რომ ინტელექტი სხვა ადამიანებზე მეტის ცოდნას არ ნიშნავს, ეს გონების სტიმულირების, ახალ ცოდნის ათვისების, პრობლემების გადაჭრის უნარია. მთავარი ფაქტორი მის შესანარჩუნებლად და გასავითარებლად არის სურვილი და ინტერესი, მუდამ უნდა ეძებდეთ განვითარების შესაძლებლობას.
წყარო/ფოტო: Health Line