ეკა ხერხეულიძე: სააკაშვილის სახელით სპეკულირება მიუღებელია
„ერთიანი ნაციონალური“ მოძრაობის წევრი, ეკა ხერხეულიძე აცხადებს, რომ ექსპრეზიდენტ მიხეილ სააკაშვილის სახელით სპეკულირება მისთვის მიუღებელია.
მისი თქმით, საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობა ყოველდღიურად კიდევ უფრო დამძიმდება.
„არანაირი პოლიტიკური თემა არ მაინტერესებს, იცით რატომ? უინტერესოა ამ ფონზე, როდესაც ადამიანი კვდება. სააკაშვილის სახელით სპეკულირება ნებისმიერ ფორმატში, ნებისმიერი კუთხით არის აბსოლუტურად მიუღებელი ჩემთვის. იყო მიუღებელი ყველა პროცესის დაწყებამდე დასაბამიდან, როდესაც ამას საფუძველი ეყრებოდა ბევრი თვის წინ და ახლაც იმავეს ვფიქრობ.
მინდა გადარჩეს ადამიანი. ყველას გვეყოს გონიერება, ყველას გვეყოს ადამიანობა, მოვძებნოთ საკუთარ თავებში ძალები იმისთვის, რომ ეს ადამიანი გადავარჩინოთ. მე მინდა ეს და ვისაც სხვა რამის სურვილი აქვს ისაუბროს იმ საკითხებზე, ჩემთვის არის ყველაფერი დანარჩენი ამ ეტაპზე უინტერესო“, – აცხადებს ეკა ხერხეულიძე.