შალვა ნათელაშვილი: „ალტ-ინფო“ ჩვეულებრივი მხედრიონია, რომელიც შექმნილია რუსეთის პირდაპირი დაკვეთით. იღებს უზარმაზარ დაფინანსებას რუსეთისგან
„სამარცხვინოა თქვენი ქცევა და დანაშაულებრივი“, – ამ სიტყვებით მიმართავს „ლეიბორისტული“ პარტიის ლიდერი შალვა ნათელაშვილი „ალტ-ინფოს“ წარმომადგენლებს.
„ლეიბორისტული“ პარტიის ლიდერმა „ალტ-ინფო“ მხედრიონელებს შეადარა და დასძინა, რომ მისი წარმომადგენლები ქვეყანას ფულზე ყიდიან.
„ეს „ალტ-ინფო“ ჩვეულებრივი მხედრიონია, რომელიც შექმნილია რუსეთის პირდაპირი დაკვეთით. იღებს უზარმაზარ დაფინანსებას რუსეთისგან. დაფინანსებას ლიდერები ინაწილებენ, ქუჩაში გამოსულ ხალხს კი ხინკლის ფულს უგდებენ. 35 მილიონი რომ დაიჭირეთ წითელ ხიდზე, რამდენიმე თვის უკან სად წაიღეთ, დაურიგეთ მაინც რიგით წევრებს? ვიცით რა ხდება რუსეთის ტერიტორიაზე და ისიც ვიცით, რამდენს იღებთ სამშობლოს გაყიდვაში“, – აცხადებს შალვა ნათელაშვილი.