ვოლოდიმირ ზელენსკი უმძიმეს ვიდეოს ავრცელებს: “ზაპოროჟიე… რუსეთი ცხოველური სისასტიკით ურტყამს ქალაქს“
უკრაინის პრეზიდენტი ვოლოდიმირ ზელენსკი რუსული მხარის მიერ ზაპოროჟიეში საცხოვრებელი კორპუსის დაბომბვის შესახებ მიმართვას ავრცელებს:
“ზაპოროჟიე – რუსული რაკეტა მრავალსართულიან კორპუსს დაეცა. რუსეთი ცხოველური სისასტიკით ურტყამს ქალაქს, საცხოვრებელ ბლოკებს, სადაც უბრალო ხალხი, ბავშვები ცხოვრობენ. ტერორისტული ქვეყანა ცდილობს გაანადგუროს ჩვენი ქალაქები, ჩვენი სახელმწიფო, ჩვენი ხალხი.
ეს არ უნდა იქცეს “ჩვეულებრივ დღედ” უკრაინაში, ევროპაში ან მსოფლიოში. ჩვენ გვჭირდება მსოფლიოს მეტი ერთიანობა, რათა უფრო სწრაფად დავამარცხოთ რუსული ტერორი და დავიცვათ სიცოცხლე.“