ლონდონში გაიმართა ბრიტანეთის ევროკავშირში დაბრუნების მომხრეთა აქცია
23 სექტემბერს ლონდონის ცენტრში ასობით მოქალაქემ გამართა აქცია, ბრიტანეთის ევროკავშირში დაბრუნების მოთხოვნით.
"დაბრუნების ეროვნული მსვლელობა" (NRM) ჰაიდ პარკთან შეიკრიბა, დემონსტრანტებს ხელში ევროკავშირის დროშები ეჭირათ. მსვლელობა, რომელსაც თან სიგნალებით მიყვებოდნენ მხარდამჭერი მოტოციკლისტები, პარლამენტის მოედანზე უნდა დასრულებულიყო.
დემონსტრანტებს ეჭირათ პლაკატები წარწერებით "ევროკავშირში დაბრუნების გზა იწყება აქ", და "დაბრუნდი, გაიხარე".
NRM-ის მოძრაობა მხარს უჭერს დაბრუნებას ევროკავშირში, საიდანაც ბრიტანეთი გავიდა 2016 წლის ბრექსიტის რეფერენდუმის შემდეგ.