ხედავს სოციალური შემწეობის სისტემა მათ, ვისაც ყველაზე მეტად უჭირს?
ყოველი მესამე ადამიანი საქართველოში სოციალურ შემწეობას ან უკვე იღებს, ან ითხოვს. ასეთი მოქალქეების რიცხვი კი წლიდან წლამდე არათუ მცირდება, პირიქით, იზრდება. სოციალურ პროგრამას ხარვეზები აქვს - ერთი მხრივ, სახელმწიფო ვერ ხედავს მათ ნაწილს, ვინც სიღარიბის ზღვარს ქვემოთაა, მეორე მხრივ კი, მათ, ვინც შემოსავლებს მალავს და სახელმწიფოს დახმარების მიღებას ასე ახერხებს.