Екіжақты құжаттар, ҰҚШҰ аясындағы отырыс: Қасым-Жомарт Тоқаевтың Қырғызстанға сапарының қорытындысы
БІШКЕК. ҚазАқпарат – 27 қарашада Қасым-Жомарт Тоқаевтың Қырғызстанға мемлекеттік сапары аясында бірқатар шара ұйымдастырылды. Жалпы, осы сапар қарсаңында қырғыз тарапы егжей-тегжейлі дайындық жүргізгені байқалады. Сонымен қатар, Мемлекет басшысы 28 қарашада Бішкек қаласында Ұжымдық қауіпсіздік шарт ұйымы (ҰҚШҰ) Ұжымдық қауіпсіздік кеңесінің сессиясына қатысты. Осы орайда Қазақстан Президентінің қырғыз жерінде өткен екі күндік сапары аясындағы жұмысына шолу жасауды жөн көрдік.