Лондон соты Назарбаева мен Әлиевтің қымбат үйлеріне қойылған ордердің күшін жойды
Лондонның Жоғарғы соты 8 сәуірде “шығу төркіні белгісіз байлыққа алынған үш жылжымайтын мүлікті” бұғаттау ордерінің күшін жойды. Ұлыбританияның қылмыспен күрес жөніндегі агенттігі Лондондағы екі зәулім үй мен қымбат пәтерді бұғаттау туралы ордер шығарған. Құжат жүзінде бұл үйлер офшор компанияларына жазылған. Ал іс жүзінде бұл офшор компаниялары Қазақстанның экс-президенті Нұрсұлтан Назарбаевтың қызы Дариға Назарбаеваға және жиені Нұрәли Әлиевке тиесілі.