Шынығудың ең тиімді құралдары – ауа, күннің көзі және су екенін ғалымдар үнемі айтып келеді. Соның ішіндегі су – тіршіліктің көзі, өмірдің кепілі. Ал, шомылу немесе жүзу – шынығудың ең тиімді түрі. Жүзуді әдетке айналдырған ағзаның тамыр жүйесі су температурасының алмасуына ыңғайланып, микробтар мен бактерияларға төзімді болады. Бұл өз кезегінде қан айналымының жақсаруына әсер етеді. Әсіресе, адам ағзасының суыққа деген төзімділігі арттырады.
