Бала күннен Жәнібек Кәрменовтің орындауына тәнті болып, еліктеп өстім – дәстүрлі әнші
ӨСКЕМЕН. ҚазАқпарат – Шығысқазақстандықтардың, оның ішінде әсіресе Күршім ауданының той-думаны Есен Мәженовсіз өтпейді. Әуелете ән шырқағанда құлақ құрышын қандыратын дәстүрлі әнші көптің құрметіне бөленген. Әншілігінен бөлек, ақындығы, атбегілігі де бір төбе. Таяуда ҚазАқпарат тілшісі алпыстың ауылына таяған Есен Мәженовпен сұхбат құрған болатын. Әңгіме барысында ол «Шығыстың Шәмшісі» атанған Оралхан Көшеров жайлы естеліктерді бөлісті.