Түркістанда балабақша көлігінің жүргізушісі баланы қағып өлтірді
Түркістанда балаларды тасымалдау кезінде балабақша көлігінің жүргізушісі баланы қағып өлтірді, - деп хабарлайды Tengrinews.kz тілшісі.
Қайғылы оқиға 20 қазанда балабақша жүргізушісі балабақша тәрбиеленушілерін алып кеткен кезде болған. Зардап шеккен бала ауруханаға жеткізілгенімен, реанимацияда ол қайтыс болды.
"Жеке балабақша тәрбиеленушілерін тасымалдайтын Hyundai Starex маркалы автокөлік жүргізушісі баланы үйдің жанындағы жолға түсірді. Бала көліктің алдына жүгіріп бара жатқанда, оны байқамаған жүргізуші баланы қағып кетті. Сәби ауруханаға жеткізілді, бірақ реанимацияда қайтыс болды", - деп хабарлады Түркістан облысы полиция департаментінің баспасөз қызметі.
Дерек бойынша ҚР Қылмыстық кодексінің 345-бабының 3-бөлігі бойынша тергеу басталды. Ресми мәліметтерге сәйкес, жүргізуші қамауға алынды, көлік айыппұл тұрағында. Оқиғаның барлық жағдайы анықталып жатыр.
Сонымен қатар, оқиға орнына Түркістан полиция басқармасының бастығы мен қала прокуроры, сондай-ақ жедел-тергеу тобы барғаны хабарланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!