Спойлер деген не?
Спойлер термині ағылшын тіліндегі to spoil – бүлдіру деп аударылатын етістіктен шыққан. Біздің тілімізде бұл терминнің 3 мағынасы бар.
Біріншіден, спойлер дегеніміз – фильм немесе кітаптың басты интригасын, қызықты тұсын айтып тұрып, мазмұндап беру.
Екіншіден, спойлер дегеніміз – көліктің корпусы айналасындағы ауа ағымын реттеп отыратын бөлшегі. Спойлерді, көбіне, жарысқа қатысатын көліктерге орнатады.
Үшіншіден, спойлер деп сайлауға қатысатын «жалған» үміткер. Ол тек билікке оппозиционер кандидаттың дауыстарының бір бөлігін алып қою үшін сайлауға түседі.