ҰҚК полковнигінің Қаңтар туралы "шындығы" - AzatNEWS | 9.02.2024
Ұлттық қауіпсіздік комитеті 5-департаментінің бұрынғы бастығы, "Қаңтар оқиғасына" байланысты "қылмыстық топ құрып басқарды", "билігін асыра пайдаланды", "адамды бостандығынан заңсыз айырды" деп сотталып жатқан Руслан Ысқақовтың Қазақстан халқына арнаған хаты жарияланды. "Қанды трагедияның шындығын елге ашық айту маған парыз" деп басталған хат алдымен ресейлік "Новая газета" басылымында жарық көрді. Ол хатында наразылықтың қалай дүрбелеңге ұласып кеткенін, оған президент әкімшілігі мен құзырлы орган басшыларының қандай қатысы барын жазады. Адвокат хатты Ысқақов жазғанын растайды. Азаттық хатта аты аталған органдар мен ресми тұлғалардың біразына хабарласты. Олардың баспасөз қызметкерлері ресми сауал жолдауды сұрады, кейбірі сұрақты ести тұра жауап айтпады.