Армандарымызды ақиқатқа айналдырдық: Елбасының елеулі еңбегі
ҚЫЗЫЛОРДА. ҚазАқпарат - Ширек ғасырды дәуірлер көшімен есептегенде көзі ашып-жұмғандай ғана мезет болып қалады. Осы аз уақыт ішінде тәуелсіз Қазақстанды төрткүл дүние таныды. Біз сан жағынан аз бола тұра ұланғайыр далаға иелік етіп, бізді білетін әлем жұртын таңдандырсақ, енді саяси тұрақтылығы, елдің тату-тәтті тіршілігінің арқасында қарыштап дамуға бет алдық. Өзгелер үлгі тұтатын жағдайдамыз. Әрине, бүгінгідей шат-шадыман заманның өздігінен орнай қалмасы белгілі. Тарих толқынында ұлтының тарихына түбегейлі өзгерістер әкелетін, болашағын болжай алатын нар тұлғалар кездеседі. Қазақ жұртының бағына біткен Елбасы жайлы осылай айтуға болады.