Қазақстанда білім беру саласындағы кез келген кемсітушілік жойылатын болады
АСТАНА. ҚазАқпарат - Бүгін Парламент Сенатының жалпы отырысында палата депутаттары «Білім беру саласындағы кемсітушілікке қарсы күрес туралы конвенцияны ратификациялау туралы» ҚР Заңын қабылдады. Конвенция 1960 жылы 14 желтоқсанда Париж қаласында жасалған. Айта кетерлігі, Конвенцияны Кеңестер Одағы 1962 жылы ратификациялаған болатын. Қазіргі таңда Қазақстан Тәуелсіз мемлекет ретінде Конвенцияға қосылғалы отыр. Бұл ретте Қазақстанның Конституциясы мен барлық заңнамасы Конвенция ережелеріне сәйкес келетінін атап өтуге болады.