Елордадағы саябаққа өрт қою оқиғасы: полиция күдікті жасөспірімдерді тапты

Астанада жергілікті саябақтар біріндегі балалар алаңына өрт қойды деп күдіктелген кәмелетке толмағандар анықталды, деп хабарлайды Tengrinews.kz Астана ПД баспасөз қызметіне сілтеме жасап.
Бұған дейін 17 маусымда таңертең әлеуметтік желілерде Триатлон саябағы аумағындағы өрт туралы ақпарат тараған болатын. Елорда орталығында түтін шығып, жасыл аймақтың бір бөлігі жанғаны хабарланды, бұл қала тұрғындарының алаңдаушылығын тудырған.
Пайдаланушылар өрт қасақана қойылған болуы мүмкін деп болжады
Полиция не дейді?
Астана Полиция департаменті қасақана өрт қоюға күдіктілердің жеке басы анықталғанын хабарлады.

"Таңертең ерте ересектердің қарауынсыз елордадағы саябақтар бірінің аумағында болған кәмелетке толмаған төрт бала көгалға қасақана өрт қойған", - деп хабарлады полиция.

Өрт дер кезінде оқшауланды, зардап шеккендер жоқ.

"Кәмелетке толмағандар полиция бөліміне жеткізілді. Бөтеннің мүлкін қасақана жою фактісі бойынша қылмыстық іс қозғалды. Балаларды тәрбиелеу жөніндегі міндеттерін тиісінше орындамағаны үшін олардың заңды өкілдері жауапкершілікке тартылады", – деп хабарлады полиция.

Полиция ата-аналарға балаларының қайда жүргенін және бос уақытын қалай өткізетінін бақылауда ұстау қажеттігін еске салды.
Бұған дейін ТЖД 112 нөміріне Алматы ауданындағы Триатлон саябағы аумағында орналасқан алаңда өрт шыққаны туралы хабар түскенін хабарлаған болатын. Оқиға орнына жеткен өрт сөндірушілер 6 минут ішінде 25 шаршы метр аумақтағы өртті сөндірді.