Тартысты матч: Аргентина Англияны жеңіп, Әлем чемпионатының финалына шықты
Еске салайық, жартылай финалға дейінгі жолда ағылшындар Конго ДР құрамасын 2:1 есебімен тізе бүктірді. Кейін Мексиканы 3:2 есебімен қапы қалдырып, ширек финалға жолдама алды, ал одан кейін овертаймда Норвегиядан (2:1) басым түскен болатын.
Ал аргентиналықтар қосымша уақытта Кабо-Вердені 3:2 есебімен жеңіп, кейін Египетпен болған 90 минуттық ойынның қосымша 2-минутында жеңіс голын салып, дәл осындай есеппен жеңіске жетті. Ал ширек финалда Швейцарияны экстра-таймдардан кейін 3:1 есебімен еңсерді.
Матч барысы
Ойынның бірінші бөлігінде командалар гол соға алмады, екі құрама бар болғаны 0,08 күтілетін гол (xG) көрсеткішін жасады. Бірінші тайм шиеленіскен күреспен есте қалды: аргентиналықтар 12 рет, ал ағылшындар 7 рет ереже бұзды.
Instagram-дағы бұл жарияланымды көру
433 (@433) жарияланымы
Екінші таймның 55-минутында есеп ашылды: Морган Роджерс қапталдан айып алаңына доп асырды, оны Энтони Гордон түйіндеп, қақпаға дәл бағыттады.
Одан кейін Аргентина бірнеше қауіпті сәт жасады, бірақ ағылшындардың қақпашысы Джордан Пикфорд шеберлік танытты.
Матч аяқталар тұста Англия бірнеше қорғаушыны алаңға шығарып, қорғанысқа көшті.
Алайда 85-минутта аргентиналықтар есепті теңестіріп кетті: Энцо Фернандес айып алаңының сыртынан алыстан соққы бағыттап, допты торға тоғытты.
Instagram-дағы бұл жарияланымды көру
433 (@433) жарияланымы
Ал 90+2-минутта Аргентина алға шықты: Лионель Месси оң қапталдан доп асырды, ал Лаутаро Мартинес басымен қақпаны дәл көздеді.
Instagram-дағы бұл жарияланымды көру
433 (@433) жарияланымы
Матчтың қорытынды есебі — 1:2, Аргентина құрамасы жеңіске жетті.
Осылайша, Аргентина құрамасы ӘЧ-2026 финалына шықты, онда Испаниямен кездеседі. Бұл матч 20 шілдеге қараған түні Қазақстан уақытымен сағат 00:00-де өтеді.
Ал Англия құрамасы үшінші орын үшін Франция командасымен бақ сынасады.