“Қайрат“ бапкері Түркістанда өтетін Чемпиондар лигасының матчі туралы пікір білдірді
Софияда (Болгария) өткен алғашқы кездесуде қазақстандық команда 92-минутта жіберіп алған голдың кесірінен тең нәтижені уысынан шығарып алды.
"Соңғы минуттарда, оның үстіне рикошеттен гол жіберіп алу өте өкінішті. Бірақ не істеуге болады. Алда қарымта матч бар, өз алаңымызда сапалырақ ойын көрсетіп, оң нәтижеге қол жеткізуге тырысамыз", - деді маман баспасөз мәслихатында.
Айта кетейік, "Қайрат" қарымта кездесуді Алматыдағы "Орталық" стадионда емес, Түркістанда өткізеді. Аренаның ауысуы қалада Канье Уэсттің концерті өтетіндігіне байланысты.
Журналистердің айтуынша, "Левскимен" өткен ойыннан кейінгі баспасөз мәслихатында Оразбахтин тіпті жанкүйерлерді Алматыға шақырған, бірақ кейін жаңылғанын түсінген.
Instagram-дағы бұл жарияланымды көру
"Қайрат" ФК | FC Kairat Almaty (@f.c.kairat) жарияланымы
Чемпиондар лигасы 7 мың адамдық стадионда өтеді
Еске сала кетейік, "Орталық" стадиондағы 23 мың адамның орнына қарымта матчте командаға 7 мыңнан аспайтын жанкүйер қолдау көрсете алады.
Құны 39 миллион доллар болатын арена 2020 жылдың тамыз айында салынған және осы уақытқа дейін бірде-бір рет Чемпиондар лигасының ойындарын қабылдамаған.
"Левски" "Қайраттан" басым түсті: Чемпиондар лигасы матчіне видеошолу
Софиядағы матчте алаң иелері толық басымдыққа ие болды. Бұл, мысалы, қақпаға бағытталған соққылар статистикасынан көрінеді – "Левскидің" пайдасына 13:0.
Бұған қарамастан, алматылықтар соңғы минуттарға дейін 0:0 есебін ұстап тұрды.