Алматыдағы Төле би көшесінде жолаушылар мінген автобус шұңқырға түсіп кетті
"Бұрыла алмады": не болғаны белгілі болды
Куәгерлердің айтуынша, Өтеген батыр көшесінен Төле би көшесіне бұрылыста автобустың дөңгелегі шұңқырға түсіп кеткен. Жүргізуші алдымен өз күшімен шығуға тырысқан, бірақ нәтиже шықпады: "гармошка" автобустың артқы бөлігі бұрылыста қалып қойған.
Instagram-дағы бұл жарияланымды көру
Tengri Almaty (@tengri.almaty) жарияланымы
Автобусқа не болды?
Қалалық жол инфрақұрылымын дамыту басқармасы жағдайға қатысты пікір білдірді.
"Өтеген батыр көшесінде Жұбанов көшесінен Райымбек даңғылына дейінгі аралықта орташа жөндеу аясында жол төсемін фрезерлеу жұмыстары жүргізілді. Жауын-шашыннан кейін жекелеген учаскеде шұңқыр пайда болды", - деп хабарлады басқарма.
Анықтама: Жол төсемін фрезерлеу - бұл асфальттың үстіңгі қабатын арнайы жол машинасы - фрезамен сыдырып алу. Яғни, бетін тегістеп, жаңа асфальт төсеу үшін әдетте ескі немесе зақымдалған асфальт қабаты кесіп алынады.
Ведомство мәліметінше, ақау жойылды. Өтеген батыр көшесіндегі орташа жөндеу жұмыстарын жаздың аяғына дейін толық бітіру жоспарланған. Басқарма дерегінше, автобус зақымдалмаған және қазір желіде жүр.
Айта кетейік, Алматыда LRT бірінші желісінің құрылысы жалғасып жатыр. Қазір мердігерлер Төле би және Бауыржан Момышұлы көшелерінде жұмыс істеп жатыр, ал келесі учаске Абылай хан даңғылы болады.
Тағы оқыңыз: Алматыда Абай даңғылы ішінара жабылады