АКШ орус истребителдеринин жолун торошкон видеону жарыялады
АКШнын аскер-аба күчтөрү Орусиянын Су-30 учагын торошкон эки видеону жарыялады. Окуя 23-ноябрда жана 13-декабрда Балтика деңизинин үстүндөгү эл аралык аба мейкиндигинде катталган.
Орус учкучтары, эл аралык эреже талап кылгандай, диспетчелерге тиешелүү маалыматтары жана учуу планын айткан эмес, ошондон кийин АКШ аскер учактары аларды кармоо үчүн Литванын Шяуляй авиабазасынан учуп чыккан.
Орусиянын Коргоо министрлиги окуя болгонун тастыктап, орус учкучтары эл аралык аба мейкиндигин колдонуу эрежелердин алкагында машыгуу учууларын жүргүзгөнүн маалымдады.
Видео америкалык аскер-аба күчтөрүнүн Литвадагы төрт айлык миссиясы аягына чыгып жаткан учурга тушташ жарыяланды.