Сирияда химиялык чабуул жасалдыбы?
Сириянын Дума шаарында химиялык курал колдонулганы тууралуу тараган кабардан улам БУУнун Коопсуздук кеңешинин кезексиз шашылыш жыйын өткөрөт. Аны Франция сунуштап, АКШ, Британия баштаган сегиз өлкө колдоду. 7-8 апрель күндөрү "Сириянын Дума шаарында тартылды" деп Интернетке чыккан видеолордо ондогон кишилер, алардын арасында аялдар жана балдар ооздорунан көбүк агып, көздөрү аңтарылып жатканын көрүүгө болот. Сириядагы адам укуктарына байкоо жүргүзгөн, Британияда жайгашкан обсерватория уулуу газы бар бомба Думадагы ооруканага ташталганын билдирди.