Өкмөттүк аппаратынын жетекчисинин орун басарлары дайындалды
Премьер-министр Сапар Исаков 16-апрелде кол койгон буйрукка ылайык Азамат Араев мурда ээлеген кызматынан бошотулуп, өкмөттүк аппараттын жетекчисинин орун басары, коргоо, укуктук тартип жана өзгөчө кырдаалдар бөлүмүнүн башчысы болуп дайындалды.
Өкмөт башчынын ушундай эле буйругу менен өкмөттүк аппараттын жетекчисинин орун басары, эл аралык кызматташтык жана интеграция бөлүмүнүн башчысы болуп Айбек Айдарбеков дайындалды. Ал ошондой эле Кыргызстандын ЕАЭБдеги өкүлү кызматын да аркалайт.
Бул тууралуу өкмөттүн коомчулук жана маалымат каражаттары менен байланыш бөлүмү кабарлады. (ZKo)