16-майга карата аба ырайы тууралуу маалымат
Синоптиктердин маалыматына караганда, 17-майга чейин туруксуз аба ырайы сакталып турат. Бул күндөрү мезгил-мезгили менен жаан жаап, күн күркүрөшү, бийик тоолуу райондордо кар жаашы күтүлөт. Чүй, Ош, Жалал-Абад, Баткен облустарынын дыйканчылык аймактарында жана Ысык-Көл ойдуңунун чыгышында катуу нөшөр болушу мүмкүн. Сел коркунучу бар.
Абанын температурасы:
Чүй өрөөнүндө түнкүсүн 5...10, күндүз 19...24,
Талас жергесинде түнкүсүн 4...9, күндүз 19...24,
Ош, Баткен, Жалал-Абад дубандарында түнкүсүн 8...13, күндүз 19...24,
Нарын жана Ысык-Көл облустарында түнкүсүн 2...7, күндүз 14...19 градус болот.
Бишкек шаарында 16-майда мезгил-мезгили менен жаан жаайт. Батыштан соккон шамалдын ылдамдыгы 4-9 метр/секунданы түзөт. Абанын температурасы түнкүсүн 8...10, күндүз 21...23 болот. (ErN)