Ооганстандын чыгышында 14 полиция кызматкери өлтүрүлдү
Маалым болгондой, чабуулдар 21-майдын кечинде башталып, Айристан, Карабах, Дих Як, Жагхату райондорунда 22-майда кечке чейин куралдуу кагылышуулар уланган.
Аймактык кеңештин башчысы Латифа Акбари “Талибан” кыймылынын согушкерлери чабуул койгонун ырастап, бир нече өткөрмө-текшерүү бекеттеринде салгылашуулар болгонун айтты.
Талибдердин өкүлү чабуул үчүн жоопкерчиликти мойнуна алды.
Бир күн мурда “Талибан” кыймылы ооган баш калаасында чабуулдарды күчөтүшөрүн билдирип, кабулдуктарды “аскердик очоктордон” оолак болууга чакырды. Талибдер тараткан билдирүүдө жазгы чабуулдардын алкагында “душмандардын аскердик жана чалгын борборлоруна” чабуул коюлаары айтылган.