Израил-ХАМАС тиреши БУУда талкууланды
Палестинанын Газа секторундагы акыркы атышуу Улуттар Уюмунун Коопсуздук кеңешиндеги атайын жыйында каралды. Ага чейин ХАМАС кыймылы Израилдин аймагын ракетадан жана минометтон атканына жооп кылып, Израил Газадагы буталарга абадан сокку урган эле. АКШ Коопсуздук кеңешине ХАМАСтын аракетин айыптаган резолюция сунуш кылып, бирок ал Кувейттин каршылыгынан улам өтпөй калды.