Мурдагы премьер-министр Сапар Исаков жана Бишкек шаарынын экс-мэри Кубанычбек Кулматов камакка алынды. Учурдагы парламент депутаты, мурдагы энергетика министри Осмонбек Артыкбаевге кылмыш иши козголуп, убактылуу кармалды. Мурдагы президент Алмазбек Атамбаевдин эң жакын үзөңгүлөшүн камакка алуунун артында эмне турат? Бул суроолорго “Эксперттер талдайт” берүүсүндө жооп издейбиз. Талкууга УКМКнын мурдагы төрагасы Кеңешбек Дүйшөбаев, Жогорку Кеңештин депутаты Мурадыл Мадаминов, журналист-аналитик Арслан Койчиев жана укук коргоочу Рита Карасартова катышты.
