Аба ырайы: 2-июлда өткүн өтөт
2-июлда түнкүсүн Ысык-Көл, Нарын облустарында өткүн өтүп, күн күркүрөшү мүмкүн. Бийик тоолорго кар жаайт. Күндүз Чүй, Талас, Ысык-Көл, Нарын облустарынын көпчүлүк аймактарында, Баткен, Ош, Жалал-Абад облустарынын тоолуу райондорунда жамгыр жаайт. Батыштан соккон шамалдын ылдамдыгы секундасына 4-9 метрге, күндүз 15-20 метрге жетет.
Абанын температурасы:
Чүй өрөөнүндө түнкүсүн 15...20, күндүз 29...34,
Талас жергесинде түнкүсүн 10...15, күндүз 27...32,
Баткен, Ош, Жалал-Абад облустарында түнкүсүн 15...20, күндүз 30...35,
Ысык-Көл дубанында түнкүсүн 9...14, күндүз 21...26,
Нарын облусунда түнкүсүн 6...11, күндүз 21...26,
Бийик тоолуу аймактарда түнкүсүн -4...+1, күндүз 8...13 градус болот.
Бишкек шаарында түнкүсүн жаан-чачын болбойт, күндүз өткүн өтөт. Абанын түнкү температурасы 17…19, күндүз 31…33 градус болот.