23-июлга карата аба ырайы тууралуу маалымат
23-июлда түнкүсүн жаан-чачын болбойт, күндүз Чүй жана Ысык-Көл облустарында өткүн өтүп, күн күркүрөйт, калган аймактарда жаан-чачын болбойт. Батыш тараптан келген шамалдын ылдамдыгы секундасына 4-9 метрден, күндүз Чүй, Нарын облустарында жана Ысык-Көл акваториясында 15-20 метрге жетиши ыктымал.
Абанын температурасы:
Чүйдө түнкүсүн 18...23, күндүз 32...37,
Баткенде, Ошто жана Жалал-Абадда түнкүсүн 19...24, күндүз 34...40,
Таласта түнкүсүн 12...17, күндүз 30...35,
Нарында түнкүсүн 10...15, күндүз 28...33,
Ысык-Көлдө түнкүсүн 12...17, күндүз 24...29,
Бийик тоолуу райондордо түнкүсүн 1...6, күндүз 12...17 градус болот.
Бишкекте түнкүсүн жана күндүн биринчи жарымында жаан-чачын болбойт, экинчи жарымында өткүн өтүп, күн күркүрөйт. Абанын түнкү төмөнкү температурасы 19…21°, күндүзгү жогорку температурасы 35…37° болот.