Депутат Ысык-Көлдү сүзүп өттү
54 жаштагы Турусбеков менен катар бул акцияга казакстандык Арсений Елисеев, Даулет Курманбаев жана кыргызстандык Кайрат Талантбеков катышты.
Мелдешти Nomad Sport коомдук фонду уюштурду. Акция Ысык-Көлдү кечип өткөн Тору-Айгыр жөнүндө уламыштын негизинде сууда сүзүүнү жайылтуу максатын көздөйт.
Бактыбек Турусбеков быйыл Жогорку Кеңештин депутаттык мандатын алган. Ал кылмыш жоопкерчилигине тартылганына байланыштуу мандаттан ажыратылган Игорь Чудиновдун ордуна келди. (BkA)