Түндүк Корея: БУУдагы карама-каршы чакырыктар
Улуттар уюмунун Коопсуздук кеңешинде АКШ Кытай жана Орусия менен Түндүк Кореяга салынган санкциялар боюнча кайым айтышты. Бээжин менен Москва соңку окуялардан улам санкциялар жеңилдетилүүсүн жактап чыгышса, Вашингтон мурдагыдай эле Пхеньяндын өзөктүк куралдан толук жана биротоло арылганы текшерүү жолу менен ырасталмайынча катаал санкциялар күчүндө калышы керек деп саноодо.