Аскер комиссариатынын кызматкери пара менен кармалды
Ош шаарында аскер комиссариатынын Ж.А. аттуу кызматкери пара менен кармалды.
Ички иштер министрлигинин маалымат кызматы билдиргендей, Кара-Суу районунун тургуну баласына аскердик билет жазып берүү үчүн кызматкер аял акча сурап жатканын айтып, Криминалдык милициянын түштүк аймактык башкармалыгына кайрылган.
Ыкчам иликтөө иштеринин натыйжасында Ж.А. өзүнүн иш бөлмөсүндө 5 миң сом пара алып жаткан жеринен 12-октябрда колго түшкөн. Маалыматка караганда, ал буга чейин 19 миң сом алган.
Буга байланыштуу Ош шаардык прокуратурасы Кылмыш-жаза кодексинин 313-беренесинин негизинде (“пара талап кылуу”) кылмыш ишин козгоду. (КЕ)