Атамбаев: Илмиянов, Исраилов, Сүйүнбаев жөнүндө айтылгандарга ишенбейм
Экс-президент Алмазбек Атамбаев "Апрель ТВ" каналынын журналисттери менен маектешип жатып, учурунда жогорку кызматка койгон жансакчылары Улан Исраилов, Болот Сүйүнбаев жана мурдагы айдоочусу Икрамжан Илмиянов жөнүндө айтылып жаткан маалыматтарга ишенбей турганын айтты:
- Мисалы, Улан Исраилов адистешкен милиционер. Кылмыштарды каттоо ИИМде эмес, прокуратуранын жалпы эсебинде катталсын дегенге Уландын гана эрки жетти. Муну азыркы бийлик өзүнүкү кылып алгысы келип жатат, – деди Атамбаев.
Алмазбек Атамбаевдин учурунда жан сакчыларынан Болот Сүйүмбаев УКМКнын Коопсуздуктун коркунучтарын талдоо жана аныктоо кызматынын директору болуп иштеген. Ал эми Улан Исраилов ички иштер министри болгон. (TSh)