Улуу Жорж Буш дүйнө салды
Маалыматта ал 30-ноябрда акка моюн сунганы жазылган. Акыркы сапарга узатуу зыйнаты качан өтөрү тууралуу азырынча айтыла элек.
АКШнын 41-президенти Жорж Буш беш баланы тарбиялаган, 17 небереси, сегиз чөбөрөсү бар.
Буштун жубайы Барбара Пирс да быйыл көз жумган. Алардын тун уулу кичи Жорж Буш АКШнын 43-президенти болгон. Дагы бир уулу Жеб Буш Флорида штатынын губернаторунун милдетин аркалаган.
Маркум соңку жылдары паркинсон оорусунан жабыркап, майыптар арабасында жүргөн.