Новости за 15.07.2018

Мындай сунуш менен мурдагы финансы министри, Жогорку Кеңештин депутаты Акылбек Жапаров чыкты. Ал “Азаттыкка” курган маегинде учурда Кыргызстандын алдында Кытайдан алынган насыяларды төлөй албай калуу тобокелдиги турганын жана бул маселени чечүү үчүн өкмөт азыртадан аракет көрүшү керектигин билдирди. Депутаттын маалыматы боюнча, Кытайга карызды төлөөнүн эң активдүү фазасы 2024-жылы башталат. Бул учурда жыл сайын 324 миллион доллардан төлөө керек жана анын 70 пайызы Кытайдын "Эксимбанкына" туура келет. Читать дальше...

Коррупция үчүн абакка кесилген Орусиянын Коргоо министрлигинин мүлк департаментинин мурдагы башчысы Евгения Васильева экс-коргоо министри Анатолий Сердюковго турмушка чыкты. Бул тууралуу орусиялык журналист Андрей Малахов жазып чыкты. Маалыматка караганда, мурдагы жетекчилер жакында үйлөнүшкөн. Орус медиасында абдан көп талкууланган Евгения Васильева 2012-жылы камакка алынган. Ага Коргоо министрлигине караштуу “Оборонсервис” ишканасынын айланасындагы коррупциялык иштер боюнча айып тагылган. Анда... Читать дальше...

Мамлекеттик Ипотекалык компаниядан насыя алгандардын көпчүлүгү Бишкектен бир бөлмөлүү батир сатып алууда. Бул тууралуу аталган компания тараткан маалыматта айтылат. Бишкектеги бир бөлмөлүү батирлердин орточо баасы 1,7 миллион сомду же 25 миң долларды түзөт. Мындай батирди алгандар алгач 10 пайыздык төгүмдү төлөгөн соң 15 жыл бою ай сайын 16 миң сомдон төлөп турушат. Өкмөт 2015-жылы мамлекеттик мекемеде иштегендерди үй менен камсыз кылуу максатында атайын программа кабыл алган. Ага ылайык, алгач насыя 10 пайыздык үстөк менен берилген. Читать дальше...

Түркия Бишкектеги Улуттук китепкананын үчүнчү кабатын оңдойт. Бул тууралуу Түркиянын Кыргызстандагы элчиси Женгиз Камил Фырат “Азаттыкка” курган маегинде билдирди. Анын айтымында, бул Чыңгыз Айтматовдун 90 жылдык мааракесинин алкаганда ишке ашырылууда. Китепкананын имараты оңдоодон өткөрүлгөн соң китепкананын үчүнчү кабаты Айтматов залы деп аталат. “Улуттук китепкананын түрк бөлүмү болот жана жазуучу Чыңгыз Айтматовдун ысымы берилет. Бул иштер сентябрь айына чейин бүткөрүлөт”,-деди элчи. Ошондой... Читать дальше...

АКШнын мамлекеттик катчысы Майк Помпео президент Дональд Трамп менен орус президенти Владимир Путиндин жолугушуусу “Америкага пайда алып келет” деп ишенет. Эки өлкө президентинин жолугушуусу 16-июлда Хельсинкиде өтөрү күтүлүүдө. 14-июлда АКШнын баш прокурорунун орун басары Род Розенстайн 2016-жылы президенттик шайлоодо кийлигишкен деген жүйө менен Орусиянын 12 жаранына айып таккан соң айрым америкалык саясатчылар Трампты Путин менен жолугушуудан баш тартууга үндөгөн. Мындай чакырык менен Сенаттагы демократтардын лидери Чак Шумер да чыккан. Читать дальше...

Израилдин аскерий аба күчтөрү Газа тилкесинде бир нече жерге сокку урду. Бул буга чейинки Израилдин аймагына жасалган ракеталык чабуулдарга жооп болгону айтылды. Акыркы чабуулдан палестиналык ХАМАС радикал тобунун бир нече объектиси: кампалары, туннеллер жана штаб-квартирасы бузулганын Израилдин аскерлери кабарлады. Соккунун натыйжасында эки палестин жоокери каза болуп, үч адам жаракат алган. Байкоочулар бул ирет 2014-жылдан берки эң кубаттуу сокку болгонун белгилешти. Израилдин премьер-министри... Читать дальше...

Кыргыз балбаны Зулкайнар Шайбек уулу Калифорниянын ачык чемпионатында 76 килограммдык салмакта кимоночон жана кимоносу жок кармаш өткөргөн.

Өзбек-тажик чек арасы ачылганы менен кайра эркин соодага тоскоолдук жаралып жатканын жергиликтүү ишкерлер билдирип чыгышты.

Узап бараткан аптанын урунттуу окуяларына сереп.

“Күлкү кербендин” бул жолку чыгарылышы футбол жаатындагы азилдерге арналмакчы.

Премьер-министр Мухамммедкалый Абылгазиев баш болгон делегация Тбилиси шаарында өтө турган “Ачык өкмөт" ("Open Government Partnership") саммитине катышат. Бул тууралуу кыргыз өкмөтүнөн кабарлашты. 16-июлда башталчу саммитке бул демилгеге мүчө болгон 70тен ашуун өлкөнүн өкүлдөрү катышат. Анда ар кыл өлкөлөрдүн ачык-айкын саясат жүргүзүү тажрыйбалары жөнүндө талкуу болуп, бул жаатта Кыргызстанда аткарылып жаткан иштери тууралуу маалымат берилет. Кыргызстан “Ачык өкмөт" ("Open Government Partnership")... Читать дальше...

Баткендин Сүлүктү шаарында шахтада уранды алдында калган адамдын сөөгү табылды. Бул тууралуу Өзгөчө кырдаалдар министрлигинен кабарлашты. Маалыматка ылайык, 37 жаштагы адам шахта ичинде жүргөн учурда урандынын алдында калган. Аны менен кошо иштеп жаткан эки адам чыгып кетүүгө үлгүргөн. Шахта шаардагы Байкал аталышындагы ишканага таандык. (BkA)

Сириянын түндүгүндөгү Идлиб провинциясына президент Башар Асаддын аскерлери чабуул жасаса, Орусия менен Түркия ортосунда Астанада кол коюлган келишимди жокко чыгат. Бул тууралуу түрк президенти Режеп Тайып Эрдоган Орусиянын президенти Владимир Путин менен телефон аркылуу сүйлөшкөндө билдиргенин Reuters агенттиги түрк президентинин жакындарына шилтеме берип жазып чыкты. Маалыматка ылайык, баарлашуу учурунда Эрдоган Сириянын түштүгүндөгү Дераа аймагынын тургундары туш болгон абал боюнча тынчсыздануусун билдирген. Читать дальше...

Орусияда өтүп жаткан футбол боюнча дүйнөлүк чемпионатта үчүнчү орунду Бельгиянын курама командасы ээледи. Бул орун үчүн бельгиялыктар Англиянын футбол командасы менен беттешип, 2-0 эсебинде жеңишке жетишти. Беттештин жүрүшүндө бельгиялыктар үчүн оюндун 4-мүнөтүндө Томас Менье алгачкы голду киргизсе, оюн бүтөргө сегиз мүнөт калганда Эден Азар экинчи топту киргизип, ишенимдүү жеңишке жетишти. Дүйнө чемпионатында үчүнчүлүк Бельгия курамасынын тарыхындагы эң жакшы көрсөткүч болуп калды. Ал эми бүгүн чемпионаттын жеңүүчүсү аныкталат. Читать дальше...

Мелдешке 10 мамелкеттин спортчулары катышмакчы.

Кийинки чемпионат 2022-жылы Катарда өтөт.

Акциянын жүрүшүндө калаанын жигердүү тургундары Оштун көйгөйлөрүн атайын туш кийизге тизмектешти. Тизмеде Ак-Буура дарыясынын жээгиндеги жер тилкелерин мыйзамсыз сатууну токтотуу, мэрияда гендердик тендикти сактоо, үй-бүлөлүк зомбулукту азайтуу, жергиликтүү салык топтоону ачыкка чыгаруу, көмүскө экономиканы азайтуу сыяктуу көйгөйлөр камтылган. Туш кийизде тиркелген ар бир көйгөй боюнча жарандык коомдун өкүлдөрү жана шаар тургундары түшүндүрмө беришти. Алар бул көйгөйлөрдү Ош шаарынын мэрлигине талапкерге талап катары тапшырышмакчы. Читать дальше...