Новости за 20.07.2018

Казакстанда көркөм муз тебүүнүн чебери Денис Тенди өлүмүнө шектелгендердин бири 20-июлда кармалды. Алматы шаарынын прокурору Берик Жуйриктаев кылмышка шектүү катары кармалган, 1994-жылы туулган Нуралы Киясов адвокатынын катышуусунда берген көрсөтмөсүндө күнөөсүн мойнуна алганын билдирди. Киясов убактылуу кармоочу жайга киргизилгени маалым болду.  Экинчи шектүүнү издөө иштери уланууда. Жергиликтүү басылмалар белгилүү спортчу менен коштошуу 21-июлда эртең менен Балуан Шолак атындагы спорт сарайында өтөрүн жазып жатышат. Читать дальше...

Кыргызстандын Улуттук гвардиясы түзүлгөнүнө 26 жыл болду. 20-июлда бул датага байланыштуу негизги аскердик бөлүктө салтанат өттү. Улуттук гвардия 1991-жылы декабрь айында президенттин жарлыгы менен түзүлгөн. Алгачкы 300 гвардиячы 1992-жылдын 20-июлунда ант берген. Учурда анын курамында 1,5 миңдей аскер бар. Бүгүнкү салтанатта мыкты аскерлерге сыйлыктар тапшырылды. (RK)

Чүйдүн Арашан айылында Бишкек шаарынын мурдагы мэри Албек Ибраимовду коргоо комитети түзүлдү. Комитеттин демилгечилери "Азаттык" радиосуна билдиришкенине караганда, ага айыл аксакалдарынан 10 адам кирди. 20-июлда эртең менен Чүйдүн Аламүдүн районуна караштуу Арашан айылында Албек Ибраимовдун тарапкерлери жыйын куруп, жалпысынан 50 чакты адам чогулду. Алар Ибраимов негизсиз камалганын айтышты. Ошону менен катар УКМК кызматкерлери Ибраимовду кармап кетип жатканда анын күзөтчүлөрүн сабап, үйүндөгү... Читать дальше...

Элүүгө чукул орусиялык аял президент Владимир Путинден жардам сурап кайрылды.

Американын Миссури штатындагы көлдө туристтерди алып бараткан кайык көмкөрүлүп кетип, кеминде 11 киши курман болду. Арасында балдар да бар. Бул тууралуу жергиликтүү бийлик маалымдады.  Каунти аймагынын шерифи Дуг Радер беш кишинин дайыны табылбай жатканын жана жети адам ооруканага жеткирилгенин кошумчалады. 19-июлда Тейбл- Рок көлүндө болгон кырсыкка аба-ырайынын бузулушу себеп болушу мүмкүндүгү айтылууда.  Cууда да, кургакта да жүрө алчу DUKW үлгүсүндөгү мындай кайыктарды "автобус-амфибия" деп атап коюшат. Читать дальше...

Экономикалык кылмыштарга каршы күрөш боюнча мамлекеттик кызмат (Финансы полициясы) санарип телекөрсөтүү сигналдарын жеткирүүчү ишканага байланыштуу козголгон кылмыш ишине түшүндүрмө берди. Мекеменин басма сөз кызматы бүгүн тараткан билдирүүдө бардык иш-аракеттер ыкчам маалыматтарга негизделгени, ашыкча коротулган акчанын суммасы 81 миллион 631 миң сом болгону айтылат. Ошондой эле “тергөөнүн жыйынтыгы менен тиешелүү кызмат адамдарына юридикалык баа берилет” деп да белгиленди. Финансы полициясы... Читать дальше...

Бишкек шаарынын район аралык сотунун судьясы Гүлжан Есеналиева кызматынан мөөнөтүнөн мурда бошотулду. Бул тууралуу жарлыкка бүгүн мамлекет башчысы Сооронбай Жээнбеков кол койду. Жарлыкта "Судьялар кеңешинин сунушунун негизинде Бишкек шаарынын район аралык сотунун судьясынын ыйгарым укуктарын жүргүзүп жаткан Есеналиева Гүлжан жергиликтүү соттун судьясынын кызматынан бошотулуп, анын аталган соттогу судьялык ыйгарым укуктары өз каалоосу менен мөөнөтүнөн мурда токтотулду" деп жазылган.

Балдардын жана өспүрүмдөрдүн сууга чөгүп каза болуп жатышына тыюу салынган жерлерде эскертүү белгилеринин жоктугу, сууга түшүү коопсуздугунун эрежелери сакталбай жатышы, анан, албетте, ата-эненин көңүл бурбагандыгы негизги себеп. Бул тууралуу бүгүн вице-премьер-министр Алтынай Өмүрбекова сууда эс алуу коопсуздугуна арналган жыйында сүйлөп жатып айтты. Өмүрбекова эл арасында алдын алуу, түшүндүрүү иштерин жүргүзүү керек экенин, буга жергиликтүү бийликти да тартуу зарылдыгын белгиледи. Өзгөчө кырдаалдар министрлигинин маалыматына караганда... Читать дальше...

Башкы прокуратура Кыргыз улуттук тарых музейин оңдоодогу каражаттын мыйзамсыз сарпталышы боюнча кылмыш ишин козгоду.

19-июлдагы жолугушууда президент Сооронбай Жээнбеков “мен жарандык коомду коррупцияга каршы күрөштө өнөктөш катары көргүм келет” деди.

Бишкекте Чоң Чүй каналына чөгүп кетип, бир жумадан бери дайынсыз болуп жаткан алты жашар баланын сөөгү 20-июлда саат 11де табылып, атасына берилди. Өзгөчө кырдаалдар министрлигинин басма сөз кызматы кабарлагандай, баланын өлүгү каналдын Сокулук районун Новопавловка айылындагы бөлүгүнөн табылды. Аны ошол аймактагы жашоочулар көрүп, жээкке алып чыгышкан. Окуя Биринчи май районунда 13-июлда Ленская көчөсүндө болгон. Бала Чоң Чүй каналына чөгүп кеткен. Ошол күндөн бери издөө иштери жүргүзүлүп, жалпысынан 113 куткаруучу тартылган.

Испанияда кармалган орусиялык кримтөбөл кыргыз паспортун Кыргызстандын Ички иштер министрлигинен алган. Бул тууралуу 20-июлда “Азаттыкка” Мамлекеттик каттоо кызматынын басма сөз катчысы Мелис Эржигитов билдирди.  Анын айтымында, Орусиянын жараны Борис Матузный Назаров Руслан Рашидович деген ат менен жазылган кыргыз паспортун 1994-жылдагы үлгүдөгү паспорттун негизинде 2003-жылдын 15-ноябрында алган. - Мурда паспортту ИИМ берчү да. Ал 2003-жылы ИИМ аркылуу алган. Ал эми Мамлекеттик каттоо кызматына... Читать дальше...

Бишкекте кыргыз аялдарынын улуттук баш кийими элечекти даңазалаган иш-чара өткөнү жатат. Бул тууралуу “Азаттыкка” анын уюштуруучусу, “Кийиз дүйнө - элечек” долбоорунун жетекчиси Айдай Асангулова билдирди.  Асангулованын айтымында, акция “Оймо-2018” фестивалынын алкагында, үчүнчү Дүйнөлүк көчмөндөр оюндарына арналып өткөрүлөт. - Элечек  - кыргыз көчмөн маданиятынын ажырагыс элементи. Элечек ороо 2013-жылдан тартып кайрадан жанданып, көп аялзаты кийе баштады. Анын көптөгөн түрлөрү энелердин жардамы менен оролуп... Читать дальше...

Бишкекте сууга чөгүп кеткен алты жашар бала дагы эле табыла элек. Өзгөчө кырдаалдар министрлигинин маалыматына караганда, окуя Биринчи Май районунда 13-июлда Ленская көчөсүндө болгон. Бала Чоң Чүй каналына чөгүп кеткен. Ошол күндөн бери издөө иштери жүргүзүлүүдө. Жалпысынан 113 куткаруучу тартылды.

Улуттук коопсуздук боюнча мамлекеттик комитеттин (УКМК) Коррупцияга каршы күрөш кызматы Жалал-Абад облусунун Турак жай-жарандык абал департаментинин Капиталдык курулуш башкармалыгынын жооптуу кызматкерлерин "мыйзамсыз келишим түзүшкөн" деп айыптап жатат. УКМКнын басма сөз кызматы кабарлагандай, аталган мекеме 2017-жылдын март айында балдар үчүн облустук психоневрологиялык оорукана курууга сынак жарыялаган. Ага катышкан компаниялардын бири сынактын жыйынтыгына макул болбой каршы чыккан. Кийин, мекеме аралык комиссиянын талабына карабастан... Читать дальше...

Улуттук коопсуздук боюнча мамлекеттик комитеттин (УКМК) Коррупцияга каршы кызматы Жалал-Абад облусунун Турак жай-жарандык абал департаментинин Капиталдык курулуш башкармалыгынын жооптуу кызматкерлериy мыйзамсыз келишим кабыл алышкан деп айыптап жатат. УКМКнын басма сөз кызматы кабарлагандай, аталган мекеме 2017-жылдын март айында балдар үчүн облустук психоневрологиялык оорукана курууга сынак жарыялаган. Ага катышкан компаниялардын бири сынактын жыйынтыгына макул болбой каршы чыккан. Кийин, мекеме аралык комиссиянын талабына карабастан... Читать дальше...

Эки балбан тең финалда атаандаштарын 11:00 эсебинде жеңди.

Кыргызстанда педофилдерди өлүм жазасына тартуу боюнча кайрадан демилге көтөрүлдү. 19-июлда Бишкекте өткөн талкууда жашы жете электердин арасында зордуктоого кабылгандар көбөйүп жатканы, алардын 80 пайызга жакынын жакындары кордогону айтылды.

"Мен билген Айтматов" сынагына журналист Сымбат Максүтовадан келген эскерүүнү сунуш кылабыз.

Чүйдүн Аламүдүн районуна караштуу Арашан айылында Албек Ибраимовдун тарапкерлери жыйын курууда. Жалпысынан 50 чакты адам чогулду. Алар Ибраимов негизсиз камалганын айтып, аны коргоо комитетин түзүү керектигин айтып жатышат. Ошону менен катар УКМК кызматкерлери Ибраимовду кармап кетип жатканда анын күзөтчүлөрүн сабап, үйүндөгү видеокөзөмөл тасмаларын алып кетишкенин белгилешти. Жыйынга район акими Алтынбек Намазалиев да чакырылган. Ал кандай нааразылык болсо мыйзам чегинде чечүү зарыл экенин айтты. Читать дальше...

Экономикалык кылмыштарга каршы күрөш боюнча мамлекеттик кызмат (Финансы полициясы) Маданият, маалымат жана туризм министрлигинин Маалымат жана массалык коммуникация департаменти аркылуу санариптик телекөрсөтүү үчүн казынадан төлөнгөн акчанын 81 миллион сому өөнөлгөн фактынын бетин ачканын жарыялады. Анда көрсөтүлө турган телеканаладардын саны жана эфир убактысы көп көрсөтүлүп, анын натыйжасында казынадан каражат ашыкча төлөнүп келгени белгиленди.

Казакстанда бычакталган көркөм муз тебүүнүн чебери Денис Тен алган жараатынан каза тапты. Алматы полициясы билдиргендей, спортчуга анын автоунаасынын күзгүсүн уурдагысы келген эки киши кол салган. 25 жаштагы Денис Тен 2014-жылы Сочи олимпиадасында коло медал уткан.

Казакстанда бычакталган көркөм муз тебүүнүн чебери Денис Тен алган жараатынан каза тапты. Алматы полициясы билдиргендей, спортчуга анын автоунаасынын күзгүсүн уурдагысы келген эки киши кол салган. 25 жаштагы Денис Тен 2014-жылы Сочи олимпиадасында коло медал уткан.

Президент Сооронбай Жээнбеков 19-июлда жарандык коомдун өкүлдөрү менен жолугушууда айрым активисттерге кызмат сунуштады. Жолугушууга катышкан "Сөз эркиндигин коргоо комитетинин" мүчөсү Адил Турдукуловдун Фейсбуктагы баракчасына жазганына караганда, мамлекет башчысы укук коргоочу жана жарандык активист Рита Карасартовага президенттик аппараттын бөлүмүн жетектөөнү, Темирлан Ибраимовго патрулдук милицияны реформалоо боюнча комиссияны, ЖКнын мурдагы депутаты, саясатчы Равшан Жээнбековго реформаларды... Читать дальше...

Президент Сооронбай Жээнбеков 19-июлда жарандык коом өкүлдөрү менен жолугушууда айрым активисттерге кызмат сунуш кылды. Жолугушууга катышкан "Сөз эркиндигин коргоо комитетинин" мүчөсү Адил Турдукулов "Фейсбуктагы" баракчасына жазганына караганда, мамлекет башчы укук коргоочу жана жарандык активист Рита Карасартовага президенттик аппараттын бөлүмүн жетектөөнү, Темирлан Ибраимовго патрулдук милицияны реформалоо боюнча комиссияны, ЖКнын мурдагы депутаты, саясатчы Равшан Жээнбековго Реформаларды жүргүзүү... Читать дальше...