Новости за 26.07.2018

Пакистанда 26-июлда өткөн парламенттик шайлоонун баштапык жыйынтыктарына ылайык, оппозиция лидери Имран Хандын "Техрик-е-Инсаф" партиясы алдыда келе жатат. "Reuters" агенттиги добуштардын 30 пайызы саналып бүткөнүн, Хандын партиясы 272 округдун 113үндө алдыга чыкканын билдирди. Азыр камакта отурган мурдагы премьер-министр Наваз Шарифтин "Пакистандын мусулмандар лигасы" партиясы 66 округда атаандаштарынан озуп чыкканы кабарланууда. Аталган партияны бул шайлоодо Шарифтин иниси Шахбаз жетектеп барды. Читать дальше...

Жогорку сот “бийликти басып алууга аракеттенген” деген айып менен камалган Бишкек шаардык сотунун мурдагы төрагасы Марат Султановго карата жаза чарасынын айрымдарын жокко чыгарып, айрым жерлерин күчүндө калтырды. Мекеменин басма сөз кызматы кабарлагандай, 25-июлда Жогорку соттун кылмыш иштери жана административдик мыйзам бузуу боюнча соттук коллегиясы Султановдун адвокаты Бакыт Осмоналиевдин көзөмөл даттануусун карап чыкты. Натыйжада ал Бишкек шаардык сотунун өкүмүн жокко чыгарып, Биринчи май райондук... Читать дальше...

Нарын облустук казыятына караштуу балдар медресесинде окугандар жайкы каникул учурунда ашпозчулукту жана англис тилин үйрөнүп жатышат.

Чемпиондордун дүйнөлүк аренада ийгилик жаратышына спорт медицинасынын өсүп-өнүгүшү абдан маанилүү. Ал эми Кыргызстан бул жаатта аксап турат.

Кытайдын полициясы Бээжиндеги АКШ элчилигинин жанында бир эркек киши колго жасалган чакан бомбаны жардырып жибергенин ырастады. Шектүү 26 жашта экени кабарланды. Азырынча анын бул кадамга эмне үчүн барганы так айтыла элек. Ага чейин Бээжиндеги бир катар күбөлөр Америка элчилигинин жанында жардыруунун добушун угушканын билдиришкен болчу. Элчиликтин басма сөз катчысы жардыруу 26-июлда жергиликтүү убакыт боюнча түшкү саат 1де болгонун айтты. "Бомба жардырган кишиден башка эч ким жабыркаган жок", - деди ал. Читать дальше...

Бишкектеги “Асанбай Борбор” галереясында сүрөтчү Татьяна Бизюкованын “Индия күндөлүгү” аттуу көргөзмөсү өтүп жатат. Бул тууралуу галереянын Интернеттеги расмий баракчасында кабарланды. Көргөзмөгө Индияда тартылган, ал жактын элинин жашоосун, маданий өзгөчөлүктөрүн, тарыхын чагылдырган сүрөттөр коюлду. Татьяна Бизюкова Кыргызстанда төрөлгөн. Соңку 10 жылда Азия аймагындагы бир катар өлкөлөрдү кыдырган. Көргөзмө 5-августта жабылат.

27-июлда Ысык-Көл, Нарын облустарынын айрым жерлеринде өткүн өтүп, күн күркүрөйт, бийик тоолуу райондордо жаан карга айланат.  Чүй, Талас, Ош, Жалал-Абад, Баткен облустарында тоолуу райондордо гана жаан жаап, күн күркүрөйт, дыйканчылык аймактарында жаан-чачын болбойт. Батыш тараптан келген шамалдын ылдамдыгы секундасына 4-9 метрден, Нарын, Ысык-Көл облустарында 15-20 метрге жетет. Абанын температурасы: Чүйдө түнкүсүн 11...16, күндүз 26...31, Таласта түнкүсүн 7...12, күндүз 24...29, Ошто, Жалал-Абадда... Читать дальше...

Бишкек шаардык кеңешинин көпчүлүк коалициясы мэрлик кызматка талапкер кылып Азиз Суракматовду тандады. Мындай чечим коалициянын бүгүнкү жыйынында кабыл алынганын “Азаттык” радиосуна шаардык кеңештин төрагасы Алмаз Кененбаев билдирди.  - Бүгүн көпчүлүк коалициянын жыйыны болду. Ошол жерден мэрликке талапкер кылып Азиз Суракматовду колдодук, - деди ал.  Шаардык кеңештеги көпчүлүк коалицияга КСДП, “Өнүгүү-Прогресс”, “Мекеним Кыргызстан” жана “Кыргызстан” фракциялары, жалпысынан 33 депутат кирет. Читать дальше...

Бишкектеги Жугуштуу илдеттер боюнча республикалык оорукананын реанимациясында учурда үч наристе оор абалда жатат. Бул тууралуу 26-июлда “Азаттык” радиосуна башкы дарыгер Гүлжигит Алиев билдирди. Анын айтымында, жайкысын ичеги-карын ооруларына чалдыккандардын саны көбөйдү: - Бир күндө 270-300 адам келип жатат. Орун жетиштүү, батпагандарын коридорго жаткырып жатабыз. Негизинен ичеги-карын инфекциясына чалдыккандар. Оор ахыбалда келгендери да бар. Азыр үч бала реанимацияда. Абалы оор. Бирөө жасалма дем алдыруу аппаратында. Читать дальше...

Айыл чарба, тамак-аш өнөр жай жана мелиорация министрлиги Кыргызстанда балык чарбасын өнүктүрүү багытында 2018-2027-жылдарга программасын ишке ашыруу үчүн алгачкы улуттук форум өткөрүп жатат. Форум Ысык-Көл районунун Тамчы айылындагы пансионаттардын биринде болууда.  Талкууга өкмөт жана парламент өкүлдөрү, балык өстүргөн чарбалардын жетекчилери, фермерлер, каржы институттарынын өкүлдөрү катышууда. Иш-чаранын негизги максаты балык чарбасындагы бүгүнкү күндөгү маселелерди көтөрүп, аларды чечүү жолдорун аныктоо экени айтылды. Читать дальше...

Москвада жыныстык органына пластикалык операция жасатам деп барып каза тапкан кыргызстандык келиндин окуясы Кыргызстандын Орусиядагы элчилиги менен бирге иликтенүүдө. Кыргызстандын Ички иштер министрлиги 26-июлда маалымдаганына караганда, окуя 23-июлда болгон. Операция Кыргызстандан барган, кийин, 2010-жылы орус жарандыгын алган адам иштетип жаткан “АсклепийМед” клиникасында жасалган. Алдын ала маалыматка караганда, 40 жаштагы келиндин өлүмүнө ага операция учурунда Лидокаин сайылганы себеп болгон. Читать дальше...

Орусиянын Мамлекеттик Думасы бир канча айдан бери талаш жараткан тил мыйзамын жактырды. Ага ылайык, Орусиянын жумурияттарындагы мектептерде окуучу кайсы тилди эне тил предмети катары окуй турганын мындан ары анын ата-энеси чечмекчи. Татарстан сыяктуу жумурияттардын активисттери эми чакан этностордун тили орус тилинин көлөкөсүндө калат деп кабатыр болуп жатышат.

Эң мыкты гол FIFA сайтында добуш берүү менен аныкталган.

Жалал-Абадда шакек жутуп алып, оор абалга кептелген наристе ооруканадан аман-эсен үйүнө чыкты. Бул тууралуу бүгүн “Азаттык” радиосуна Ош облустук ооруканасынын ЛОР бөлүмүнүн башчысы Жангара Абдухаликов билдирди: - Келгенде абалы оор эле. Себеби шакек чоң экен. Дем алуу органдарынын иши буулуп калган. Шакекти алгандан кийин абалы жакшырды. Азыр кенен дем алып, жутуп жатат. Бүгүн үйүнө чыгардык. Дарыгердин айтымында, сегиз жаштагы кызды Жалал-Абад облусунан алып келишкен. Ал ойноп жүрүп оозуна салып алган шакек кекиртегине тыгылып калган. Читать дальше...

Баткенде бир нече айдан бери маянасын ала албай жаткан жол куруучуларга айлык акы 30-июлда төлөнө баштайт. Бул тууралуу бүгүн “Азаттыкка” Транспорт жана жол министрлигинин басма сөз кызматы кабарлады. Мекеменин маалыматына караганда, 21-июлда Үч-Коргон айылында министр Жамшитбек Калиловдун жана Ислам өнүктүрүү банкынын Инвестициялык долбоорлорду ишке ашыруу тобунун директору Эркинбек Осоевдин катышуусунда жыйын өткөрүлгөн. Анда жалдануучу “Алке Иншаат” (Азербайжан) компаниясынын менежерине эмгек... Читать дальше...

Тажикстанда быйыл бир да жолу эрежесиз уруш жана кадимки бокс боюнча турнир өткөрүүгө уруксат берилген жок. Мындан улам спортчулар эл аралык мелдештерден сыртта калып жатат.

Экономикалык кылмыштарга каршы күрөш боюнча мамлекеттик кызмат (Финансы полициясы) психикалык жактан оорулуу адамга айдоочулук күбөлүк берүү фактысына байланыштуу кылмыш иши козголгонун маалымдады. Финполициянын билдиргенине караганда, Чоң-Алай районунун Кызыл-Тоо айылынын тургуну психикалык диспансерде каттоодо турганына карабастан ага “дени сак” деген маалымкат жана ошонун негизинде айдоочунун күбөлүгү берилген. 24-июлда Финансы полициясы чогулткан материалдардын негизинде Чоң-Алай районунун... Читать дальше...

Кыргызстанда жыл башынан бери 80 киши сууга чөгүп каза тапты. Алардын 58и жайкы туристтик сезон башталгандан бери катталган учурлар.

Өкмөттүн Ысык-Көлдөгү ыйгарым укуктуу өкүлү Узарбек Жылкыбаев ошол эле кызматты эми Ош облусунда аткара турган болду. Өкмөт муну президенттин аймактык ротациялоо саясаты менен түшүндүрдү. Кадрларды которууну колдоого алгандар да, сынга алгандар да чыкты.

Уланбектин сөөгү керилген кең Кочкордун Көк-Жар айылынын жанындагы мүрзөгө коюлду. Кыргыздын катардагы бир айылы, болгону ал жерде үч миңден ашуун киши жашайт. Уланбектин үйүнүн жанында эки кабат мектеби бар, ошонун жаңы имараты бүткөндөн кийин ал жерде төрт жыл окуган.

Ысык-Көл районунун Кожояр айылындагы пансионатта 25-июлда чыккан өрттөн жабыркаган үч кишинин абалы дурус. Кожояр айыл өкмөтүнүн башчысы Эрлан Табылдиев "Азаттыкка" билдиргендей, өрттө үч киши жараат алган. Турак-жай өрттөнүп атканда ичинен жардам сурап чакыргандарга жергиликтүү балдар кирген. Ошондо газ жарылып, үч адам күйүк алып, Ананьево айылындагы ооруканага жеткирилген.  Тилсиз жоо алгач пансионаттагы имараттардын биринен чыгып, калгандарына жайылган. Жалпысынан он коттеж өрттөнгөнү тууралуу маалымат бар. Читать дальше...

БШКдагы иш-чара коомдук кеңешме форматында өтөт. Анда шайлоо жана референдумдарды, саясий партиялардын, талапкерлердин шайлоо кампаниясын каржылоонун ачык-айкындуулугу талкууланат. Иш-чара “Ачык өкмөт өнөктөштүгү" уюмунун Кыргызстандагы өкүлчүлүгү тарабынан уюштурулууда. Кыргызстан бул уюмга былтыр ноябрь айында кирген. Анын алкагында «Ачык маалыматтар» саясаты иштелип чыгып, мамлекеттик органдардын ишиндеги ачык-айкындыкты камсыз кылуу, инвестиция тартууга шарт түзүү боюнча убадалар берилген. Читать дальше...

БШКдагы иш-чара коомдук кеңешме форматында өтөт. Анда шайлоолор менен референдумдарды, саясий партиялардын, талапкерлердин шайлоо өнөктүгүн каржылоонун ачык-айкындуулугу талкууланат. Иш-чараны “Ачык өкмөт өнөктөштүгү" уюмунун Кыргызстандагы өкүлчүлүгү уюштурууда. Кыргызстан бул уюмга былтыр ноябрь айында кирген. Анын алкагында «Ачык маалыматтар» саясаты иштелип чыгып, мамлекеттик органдардын ишиндеги ачык-айкындыкты камсыз кылуу, инвестиция тартууга шарт түзүү боюнча убадалар берилген. (NT)

“Бир саатта жүз элечек оройбуз!” деп аталган акция кыргыз аялдарынын улуттук баш кийими - элечекти даңазалоо максатын көздөйт. Аны “Кийиз дүйнө - элечек” долбоорунун негиздөөчүлөрү уюштурууда. Акция “Оймо-2018” фестивалынын алкагында, үчүнчү Дүйнөлүк көчмөндөр оюндарына карата өткөрүлүп жатат. Иш-чара баш калаадагы Ала-Тоо аянтындагы Курманжан датканын айкелинин алдында өтөт. Ага бардык каалоочулар катыша алат. (NT)

Тажикстандын Мыйзамсыз баңгизат сатууга каршы күрөшүү агенттигинин Куляб аймактык өкүлчүлүгү 25-июлда тажик-ооган чек арасынан Ооганстандын аймагына өтүүгө аракеттенген дүйшөмбүлүк төрт өспүрүм кармалганын билдирди.   Маалыматка караганда, 17-18 жаштагы балдар өзүн "Ислам мамлекети" деп атап алган террордук топко кириш үчүн Ооганстанга өтүүгө аракеттенгенин моюнга алган. Алар Пянж дарыясы аркылуу ооган тарапка өтүүгө ылайыктуу жер издеп буга чейин да бир нече жолу чек арага келип кеткени айтылды. Читать дальше...