Новости за 29.10.2018

Өзбекстандын премьер-министринин айыл жана суу чарба, айыл чарба продукцияларын кайра иштетүү боюнча орун басары Зойир Мирзаев кызматтан алынды. Ал кызматтан эгин талаасына суу келбей калганы үчүн Ташкент облусунун Аккурган районунда алты адамды арыкка тургузуп, "жазалаган" окуядан кийин бошотулду. Ал арада Өзбекстандын Башкы прокуратурасы Аккурган районунда алты кишини суу аккан арыкка салып, "жазалаган" окуя боюнча иликтөө жүргүзө баштады. 29-октябрда жарыяланган билдирүүдө бул ишке аралашкан аткаминерлер жоопко тартылаары айтылган. Читать дальше...

Федералдык коопсуздук кызматынын 29-октябрда кабарлашынча, Саха-Якутия жумуриятында баасы жарым миллион доллар болгон 13 килограмм алтынды рюкзакка катып жүргөн адам кармалды. Алтын куймаларын алып жүргөн адам Чечен-Ингуш аймагынын тургуну болгон. 52 жаштагы жаранга "баалуу металлдарды мыйзамсыз сактоо" беренеси боюнча кылмыш иши козголду. Москвадан 4900 чакырым ыраакта жайгашкан Якутияда Орусиядагы эң чоң алтын кендеринин бири жайгашкан.

Кыргызстандык програмисттер дарыгерлер менен биргеликте уникалдуу бионикалык жасалма кол иштеп чыгышты. Өмүрүн музыкага арнаган ноокаттык жандуу музыканын ышкыбоздору. Таш үстүнө чыгып "Манас" айткан таластык алты жаштагы Арсен. Жергеталдык кыргыздардын кыз узатуу салты тууралуу тасманы да бул жолку “Данисте” телетоптомунан көрө аласыз.

Тунистин Ички иштер министрлигинин маалыматына караганда, борбор шаарда жанкечти аял өзүн жардырган окуядан тогуз киши жараланды. Күбөлөрдүн маалыматына караганда, жардыруу 29-октябрда Тунистин Хабиб Бургиба борбордук проспектисиндеги шаардык театрга жакын жерде болгон. Укук коргоо органдары аял өзүн полициянын жанына келип жардырып жибергенин маалымдады. Тунис - Түндүк Африкадагы мамлекет. Анын борбор шаары да Тунис деп аталат.  2015-жылы музейдеги жана мейманканадагы чабуулдан 59 турист мерт болгон. Читать дальше...

Казакстандын Тышкы иштер министрлиги “Сирияда казакстандык аялдын өлтүрүлгөнү” тууралуу маалыматты текшерип жатат. ТИМдин басма сөз катчысы Айбек Смадияров 29-октябрдагы брифингде бул маалыматтын булагы али аныкталбаганын, ошондуктан анын чын-төгүнүн тактоо убакытты талап кыларын билдирди. “Сирия аймагында мыйзамдуу жана мыйзамсыз жүргөн жарандарыбызга байланыштуу бардык маселени Иорданиядагы элчиликке тапшырабыз” деди Смадияров.  Өткөн аптада "Актөбө таймс" басылмасы Түндүк Кавказдагы Сириядан... Читать дальше...

Индонезияда учак кыйрады. Баш-аягы 189 адам бараткан учак Ява деңизине кулап түштү. Питтсбург шаарындагы синагогада 11 кишинин өмүрүн кыйды делген адамдын соту башталууда. Өзбекстандын Башкы прокуратурасы Ташкент облусунда алты кишини суу аккан арыкка салып жазалаган окуяны иликтей баштады.

29-октябрда Түркиянын Стамбул шаарында үчүнчү аэропорттун биринчи этабынын ачылыш аземи өттү. Ага түркиялык кызматташы Режеп Тайып Эрдогандын чакыруусу менен барган Кыргызстандын президенти Сооронбай Жээнбеков да катышты. Стамбул шаарындагы жаңы аэропорттун курулушунун бардык этаптары аяктагандан кийин дүйнөдөгү ири аэропортторунун катарына кирет. Анын жалпы аянты 76,5 миллион чарчы метрди түзүп, 26,14 миллиардга бааланган курулуш уланып жатат. Аэропортун башка этаптары 2023-жылга чейин ишке киргизилип... Читать дальше...

Керек-жарак бирикмесинин Ошто жайгашкан административдик имараты акционерлер менен мурунку депутат Мамат Орозбаевдин ортосунда талашка түштү.

Кошмо Штаттарда бүгүн Питтсбург шаарындагы синагогада ок аткан адам сотко жеткирилгени жатат.

Германиянын канцлери Ангела Меркелдин 29-октябрда Берлиндеги басма сөз жыйынында билдиргенине караганда, ал 2021-жылы мөөнөтү аяктагандан кийин канцлердик кызматтан биротоло кетет жана депутат катары да кайра шайлануу ниети жок. Меркелдин бул билдирүүсүнө чейин Берлинде ал жетектеген Христиан-демократиялык партиянын жабык жыйыны өткөн. Ал жыйында Меркел партиянын башчылыгынан да кете турганын жарыялаган.  Саясатчы Христиан-демократиялык бирикмесин 2000-жылдан, ал эми Германиянын өкмөтүн 2005-жылдан бери башкарып келе жатат. Читать дальше...

Икрамжан Илмияновго каршы козголгон кылмыш ишинин жаңы жагдайлары ачыкка чыга баштады.

Эмне үчүн Кыргызстанда мектептеги кенже класстын окуучуларынын 64% окуганын түшүнбөйт? Канткенде үй-бүлөдө китептин ордун жогорулата алабыз? Энелер китеп окуйбу? “Эже-сиңдилер” баарлашуусунда ой бөлүшүү үчүн студияга филология илимдеринин доктору Үмүт Култаеваны, “Келгиле окуйбуз” долбоорунун жетекчиси Догдуркүл Кендирбаеваны, акын, котормочу Назгүл Осмонованы чакырганбыз.

Рустам Тыналиев, Нуржан Мелисбек уулу сыяктуу белгилүү көк бөрүчүлөр Кыргызстандын чемпионатына кичи мекенинин атынан катышууда. Бирок айрымдары түрдүү себептер менен оюнга чыгуудан баш тарткан.

Кыргызстан социал-демократиялык партиясы (КСДП) "Икрамжан Илмиянов алды" деген акчага байланыштуу УКМКнын тергөөчүсүнөн келген катты жана ага жазылган жоопту жарыялады. Атайын кызматтан келген, "24-октябрда жазылды" деген катта "тергөөнүн жүрүшүндө 2017-жылы 8-августта штабдын башчысынын орун басары Икрамжан Илмиянов "Дизел комплект" аттуу компаниянын өкүлдөрүнөн 150 миң долларды "демөөрчүлүк жардам" катары алганы аныкталды" деп айтылган. Ушундан улам КСДПнын эсебине ушунча акча түшкөн-түшпөгөнүн тактоо боюнча суроо берилген. Читать дальше...

Индонезияда бортунда экипаж мүчөлөрүн кошкондо 189 адам бар учак Ява деңизине кулап түштү. Бийлик азыр учактын ичиндегилердин арасында тирүү калгандар бар-жогун айта элек. "Lion Air" авиакомпаниясына таандык учак баш калаа Жакартадан Панкал Пинанг шаарына бараткан.

Бишкектин Көк-Жар конушундагы жаңы салынган көп кабаттуу үйлөрдүн бири өрттөнүп жатат. Өзгөчө кырдаалдар министрлигинин басма сөз кызматы билдиргендей, тилсиз жоо Куйручук көчөсүндөгү №3 үйдөн чыккан. Өрт өчүрүүчүлөргө маалымат бүгүн, 29-октябрда саат 16:30дар чамасында түшкөн. Өрттү өчүрүүгө эки бригада тартылды.  Күбөлөр Интернетке жарыялаган видео менен сүрөттөрдө тогуз кабаттуу турак-жайдын бир тарабы баштан ылдый күйүп жатканын көрүүгө болот.

Бүгүн Казакстан парламентинин төмөнкү палатасындагы өкмөттүк саат маалында ВЛКСМдин 100 жылдыгы жөнүндө сөз болуп, бул маселе депутаттардын арасында талаш жаратты.

Данисте

Грузияда президенттике талапкерлердин бири дагы жеңишти камсыздай турган 50 пайыздан ашык добуш топтой алган жок.

28-октябрда Москвада жана Санкт-Петербургда өткөн саясий туткун катары бааланган адамдамрды бошотууну талап кылган акцияларда 68 адам кармалды. Алардын айрымдары бүгүн таң аткыча камакта болсо, башкалары протокол толтурулгандан кийин эле бошотулган. Жекшембидеги акция “Сиздин жана биздин балдарыбыз үчүн” деген ураан менен өттү. Аны “Новое величие” жана “Сети” иштери боюнча кармалган жаштардын ата-энелери уюштурду. "ОВД-Инфо" укук коргоо сайтынын маалыматы боюнча, Москвадагы Федералдык коопсуздук... Читать дальше...

Бүгүн жеңилген командалар эртең оюнга чыга элек тайпалар менен кармашат.

Канцлер Ангела Меркел Германиянын Христиан-демократиялык бирикменин (ХДБ) башчылыгынан кете турганын "Bloomberg" маалымат каражаты жана "Welt" телеканалы өз булактарына таянуу менен кабарлашты. Маалыматтарда айтылганга караганда, жетекчиликтен кетүү ниетин Меркел 29-октябрда партиянын Берлиндеги жыйынында билдирген. "Welt" телеканалынын маалыматы боюнча, буга ХДБнын аймактык шайлоодо ийгиликке жетпей калганы себеп болгон. Жекшембидеги Гессен аймагындагы шайлоодо Христиан-демократиялык бирикме 27 пайыз добуш алып... Читать дальше...

Бишкек, 29-октябрь, 2018-жыл. /ca-irnews.com/. Президент Түркия Республикасынын негизделгендигине байланыштуу өткөрүлүүчү иш чарага катышат.

Сауд Арабиясынын башкы прокурору Сауд ал-Мухиб оппозициячыл журналист Жамал Хашогжинин (Хашогги) өлтүрүлүшүн Стамбулдун башкы прокурору менен талкуулайт.  Түркиянын “Анадолу” агенттигинин жазганы боюнча, ал Стамбулдун прокурору Ирфан Фидан менен жолуккандан кийин журналист киши колдуу болгон дипломатиялык өкүлчүлүктү да текшерет.  Анкара Саудиянын Стамбулдагы консулдугуна кирген журналистти өлтүрүүгө шектелип кармалган 18 адамды Түркияга экстрадициялоону талап кылууда. Сауд падышачылыгынын... Читать дальше...

Саясатчы Азимбек Бекназаров "Азаттык" радиосуна интервью берип жатып экс-президент Алмазбек Атамбаевдин саясатка аралашып жатканын сындады.  Бекназаров "Атамбаев президент кезинде да, кызматтан кеткенден кийин да Кыргызстан социал-демократиялык партиясына (КСДП) мүчө болгону туура эмес" деген пикирин билдирди.  -Ушул тагдырына кайыл болуп, "мураскорум, сен иште" деп, саясатка аралашпай отурса, аягы жакшы болот. "Сени мен адам кылганмын" деп күпүлдөй берсе, аягы жаман болот. Экс-президент катары... Читать дальше...