G20: саммит алдындагы карама-каршылык
Аргентинанын борбору Буэнос-Айреске “Чоң жыйырмага" кирген мамлекеттердин лидерлери чогулууда.
Аргентинанын борбору Буэнос-Айреске “Чоң жыйырмага" кирген мамлекеттердин лидерлери чогулууда.
АКШ президенти Дональд Трамп "Твиттер" баракчасына Орусиянын президенти Владимир Путин менен Аргентинада өтчү "Чоң жыйырманын" жыйыны маалында пландалган жолугушуусу болбой турганын жазды. “Украинанын кемелери жана деңиз аскерлери өз мекенине коё берилбегендиктен президент Владимир Путин менен буга чейин белгиленген жолугушуума кызыкдар тараптар аны токтотсо туура болот” – деп жазды. Орусиянын президенти Дмитрий Песков орус медиасына Путин менен Трамптын Аргентинадагы пландалган жолугушуусу... Читать дальше...
Керч кысыгында кармалган украин кемелериндеги деңиз аскерлери Москванын "Лефортово" түрмөсүнө жеткирилди. Бул тууралуу адвокат Жемил Темишев "Фейсбукка" 29-ноябрда анын "Лефортово" абагындагы "кесиптештери" украин аскер кызматкерлери алып келингенин кабарлашканын жазды. Дагы бир адвокат Эмин Авамилева украин жарандарын Москвага "учак менен жеткиришкенин" билдирди. Кармалган украин деңиз аскерлеринин канчасы Москвага жеткирилгени тууралуу так маалымат жок. Андан тышкары кемелерде жарадар болгон үч кишинин тагдыры да белгисиз. Читать дальше...
Жогорку Кеңеш өкмөттүн 2019-жылдын бюджети жана 2019-2020-жылдарга болжолу жөнүндө сунуштаган мыйзам долбоорун жактырды. Бул тууралуу өкмөттүн аппаратынан кабарлашты. Суроо-жооп форматында өткөн жыйынга Мухаммедкалый Абылгазиев баштаган өкмөттүн мүчөлөрү, өлкөнүн административдик ведомстволорунун жетекчилери катышты. Жыйын 22:00гө чукулдап аяктады. 2019-жылдын бюджетинин киреше бөлүгү 151 млрд. 762,4 миллион сомду түзүп, анын чыгашасы 161 млрд. 913 миллион сомго барабар болду. Парламент 2017-2018-жылдардагы... Читать дальше...
Жогорку Кеңеште жаңы жылдын бюджет долбоору менен кошо өткөн эки жылдын бюджетинин аткарылышы боюнча отчеттордун күн тартибине киргизилиши айрым депутаттардын нааразылыгын жаратты.
Бишкек шаарынын Свердлов райондук сотунда ала качуунун курмандыгы болгон Бурулай Турдаалы кызынын өлүмү боюнча соттук териштирүү уланууда. Бул жолу күбөлөр толук суралып бүтүп, материалдарды изилдөө иштери жүрдү. Сот отурумунда Марс Бөдөшевдин жактоочулары отурумга кылмыш учурунда колдонулду делген бычакты алып келүүнү өтүнүп, Бөдөшевге психологиялык экспертизаны дайындоону суранышты. Бурулайдын атасы Турдаалы Кожоналиевдин жактоочулары экинчи тараптын өтүнүчтөрүн ишти созуу аракети деп эсептеп жатышат.
Орусияда ар кандай мыйзам бузуулардан улам "кара тизмеге" кирип калган кыргызстандыктарга берилген миграциялык мунапыстын оош-кыйыштары тууралуу "Биз жана дүйнө" берүүсүнүн бүгүнкү чыгарылышында сөз болот.
Жапония өкмөтү Тажикстанга балдардын төрөлүшүн жакшыраак пландоого жардам берет. Украина президенти Петро Порошенко өлкөсүн коргоого жардам иретинде НАТОдон Азов деңизине аскерий кемелерин жөнөтүүнү суранды. Норвегиялык Магнус Карлсен төртүнчү ирет шахмат боюнча дүйнө чемпиону аталды.
Башкы прокуратура Баткен облусунун мурдагы прокурору Анарбай Мамажакыповдун өлүмүнө шектүүнүн күнөөсү дээрлик далилденгенин кабарлады. Прокурордун өлүмүнүн чоо-жайы боюнча Бишкекте өткөн басма сөз жыйында кырсык болгон күнү аңчылыкка чыккан прокуратура кызматкерлеринин аттары да аталды.
АКШнын сенаторлору журналист Жамал Хашогжинин (Хашогги) өлтүрүлүшүнө байланыштуу Сауд Арабиясынын бийлигине карата саясатын өзгөртпөгөнү үчүн президент Дональд Трамптын администрациясын сындашууда.
Тажикстандын Саламаттык сактоо министрлиги Токио Дүйшөмбүгө жакынкы төрт жылда атайын программанын алкагында 20 миллиондон ашуун бойго бүтүрбөөчү каражаттарды жеткирерин билдирди. Бул үчүн Жапония эки жарым миллион доллар каражат бөлгөн. Жакында эле Дүйнөлүк банк да Дүйшөмбүгө өлкөдөгү төрөт көрсөткүчүн азайтууну сунуш кылган. Адистердин эсебинде, Тажикстандагы жакырчылык менен жумушсуздук демографиялык көрсөткүчтөрдүн жогорулашына түрткү болуп жатат. Коңшу мамлекетте соңку 15 жыл ичинде калктын саны 26% көбөйгөн. Читать дальше...
Украин президенти Петро Порошенко НАТОдон өлкөсүн коргоого жардам иретинде Азов деңизине аскердик кемелерди жөнөтүүнү суранды.
Украин президенти Петро Порошенко НАТОдон өлкөсүн коргоого жардам иретинде Азов деңизине аскердик кемелерди жөнөтүүнү суранды.
Басмырлоого кабылып, маңзат колдонгон, ВИЧ менен жашаган же зомбулуктун курмандыгы болгон 16 аялдын сүрөттөрү көргөзмөгө коюлду. Анда ар бир аялдын кыялы чагылдырылган. Оор турмушуна карабастан алар башкаларга үлгү болуп, коомчулукту басмырлоого каршы биргелешип күрөшүүгө үндөшөт.
Премьер-министр Мухаммедкалый Абылгазиев өкмөттүн жаңы түзүмү жаңы жылдан кийин сунушталарын парламенттин 29-ноябрдагы жыйынында билдирди. Ал жаңы түзүм азыркыдан натыйжалуу иштей турганын айтты: - Сөзсүз өзгөртөбүз. Азыркыдай өкмөттүн түзүмү натыйжалуу иштеши кыйын. Өзүмдө да, кызматташтарымда да көз караш пайда болду. Сөзсүз түрдө өкмөттүн жаңы, натыйжалуу түзүмү иштеши керек. Буга чейин өкмөт башчы Мухаммедкалый Абылгазиев парламентте депутаттардын суроолоруна жооп берип жатып өкмөттүн түзүмүн... Читать дальше...
Бишкектин мурдагы мэри, саясий ишмер Нариман Түлеев экс-президент Алмазбек Атамбаев менен болгон жолугушуусу тууралуу “Азаттыкка” комментарий берди. Анын айтымында, учактагы жолугушуу экөөнө тең күтүүсүз болду. - Мен ал киши менен элдешкен жокмун. Мен сүрөткө түшүп койгонум - "президентиңер тирүү, өткөрүп бердим, алгыла" деп эле койдум. Башка оюм да жок, - деди ал. Журналисттин: “Ким биринчи кадам жасап, ким кимге биринчи барды?” деген суроосуна Түлеев: - Анын айырмасы эмне? Мен буга чейин "ал биринчи келди" деп айтканмын. Читать дальше...
Көк-Мойнок айылында кенди иштетүүгө айылдын айрым тургундары каршы экенин билдирип жатышат.
Баткен облусунун киши колдуу болгон прокурору Анарбай Мамажакыповдун өлүмүнө байланыштуу жаңы жагдайлар ачыкка чыкты. 18-ноябрь күнү прокурордун өлүмү менен аяктаган аңчылыкта прокурорлордон сырткары Эрнис Базарбек уулу аттуу киши да болгон. Бул тууралуу ИИМдин Тергөө кызматынын төрагасынын орун басары Нурлан Утемисов басма сөз жыйынында кабарлады. - "Столичный" арак-шарап заводунун Баткен облусу боюнча филиалы бар экен. Эрнис Базарбек уулу ошол ЖЧКнын төрагасы экен. Ал прокурорлор менен чогуу эс алууда болгон. Читать дальше...
Польшада бир катар мамлекеттерден келген эл аралык "Greenpeace" кыймылынын активисттери Белхатува карьерине жакын жердеги заводдун бийиктиги 180 метрге жеткен түтүктөрүнүн үстүнө чыгып, нааразылык акциясын өткөрүштү. Алар Польша өкмөтүнүн энергетикалык саясатына каршылыгын билдиришти. Министрлер кабинети жакында эле көмүр казуу тармагын кеңейтип, анын ичинде күрөң көмүрдү колдонууну жайылтарын жарыялаган. Бийлик 2030-жылга чейин Польшада өндүрүлгөн энергиянын 60% күрөң көмүрдөн алууну, ал эми кайра... Читать дальше...
Сирия жаңжалын жөнгө салуу боюнча Орусиянын, Түркиянын жана Ирандын Астанадагы сүйлөшүүсүнөн эч кандай майнап чыккан жок. Бул тууралуу Бириккен Улуттар Уюмунун (БУУ) Сирия боюнча атайын чабарманы Стеффан де Мистура "Reuters" агенттигине бейшембиде билдирди. Дипломат сүйлөшүүдө тараптар Сирияда Конституциялык комитет түзүү боюнча бир келишимге келе албаганына өкүнүчүн билдирди. Бул комитет Мистура менен бирге Сириянын жаңы Конституциясынын долбоорун түзмөк. Ал кеңешмеге өкмөт менен оппозициядан 150 адам кирмек. Читать дальше...
Кыргыз улуттук университетинде иштеген профессор-окутуучулардын арыз-даттануусун, андагы мыйзамсыз иштерди депутаттык топ иликтейт. Бул тууралуу 29-ноябрда парламент жыйынында депутат Кенжебек Бокоев билдирди. Эл өкүлү окуу жайындагы жагдайлар, жатаканалардагы, аудиториялардагы абалдын начардыгы ректордун кемчилиги катары көрсөтүлүп жатканын айтты: - Ушуга көңүл буруп, комитет аркылуу жумушчу топ түзүп иликтөөгө албасак, илимдин кандидаттарын, профессорлорду, академиктерди жумуштан алып жаткан дүйнөдө биринчи университет болуп жатат. Читать дальше...
Бурулай Турдаалы кызынын өлүмүнө байланыштуу Бишкек шаарынын Свердлов райондук сотунда өтүп жаткан соттук отурумда шектүү Марс Бөдөшевдин жактоочулары "Марс Бурулайды катуу сүйгөн" деген ойду айтып, "сүйүүнүн күчү керемет" дегени жабырлануучу тараптын кыжырын келтирди. Марс Бөдөшевдин жактоочулары отурумга бычакты алып келүүнү өтүнүштү. Жактоочу Жуматай Абдрахманов "бычак кайдан келгени белгисиз, аны Марс байпагына салып киргени аныкталган жок" деп жүйө келтирди. Анын айтымында, бычактын... Читать дальше...
Бурулай Турдаалы кызынын өлүмүнө байланыштуу Бишкек шаарынын Свердлов райондук сотунда өтүп жаткан соттук отурумда шектүү Марс Бөдөшевдин жактоочулары "Марс Бурулайды катуу сүйгөн" деген ойду айтып, "сүйүүнүн күчү керемет" дегени жабырлануучу тараптын кыжырын келтирди. Марс Бөдөшевдин жактоочулары отурумга бычакты алып келүүнү өтүнүштү. Жактоочу Жуматай Абдрахманов "бычак кайдан келгени белгисиз, аны Марс байпагына салып киргени аныкталган жок" деп жүйө келтирди. Анын айтымында, бычактын өлчөмү тууралуу эки башка божомолдор айтылып жатат. Читать дальше...
Кытайлык таанымал сүрөтчү Лу Гуан өлкөнүн түндүк-батышындагы Шинжаң аймагына кеткен бойдон дайынсыз экенин анын аялы жана укук коргоочу уюм билдирди. Германияда жайгашкан «Коркутууга кабылгандардын» уюму Лу Гуанды үч жума мурун Шинжаңда полиция уурдап кеткенин 28-ноябрда маалымдады. Уюм өз билдирүүсүндө сүрөтчүнүн өмүрүнө «өтө кооптонуп», аны токтоосуз бошотууну талап кылат. Нью-Йоркто жашаган, "World Press Photo" сыйлыгына үч жолу татыган Лу Гуан октябрда Шинжаңда өтчү маданий иш-чараларга чакырылган. Читать дальше...
Баткен облусунун киши колдуу болгон прокурору Анарбай Мамажакыпов менен аны өлтүрдү деп шек саналып жаткан Мелис Калыков окуядан бир күн мурун тойдо бирге болушкан. Бул тууралуу Башкы прокуратуранын Тергөө жана ыкчам издөө ишмердүүлүгүн көзөмөлдөө боюнча башкармалыгынын жетекчиси Замир Бейшекеев басма сөз жыйынында билдирди: - Бир күн мурда чындыгында эле тойдо чогуу болушкан. Айыпкер Калыковдун тууганы той берип, облустук прокуратуранын жетекчилиги тойдо чогуу болушкан. "Эртең аңчылыкка чыгып эс алабыз" деп ошол тойдо эле чечилген экен. Читать дальше...