Кыргызстанда шайлоо мыйзамдарын өзгөртүү боюнча жалпысынан төрт мыйзам долбоору иштелип чыкты. 21-майда президент түзгөн жумушчу топтун мыйзам долбоору тармактык комитетте биринчи окууда колдоо таап, эртеси парламентте каралды.
Акын жана жазуучу Олжобай Шакир поэзия сүйүүчүлөрдү 22-майда опера жана балет театрына чогултту. Коноктор ал калемгер гана эмес, опералык ырларды аткарган ырчы жана дүйнөлүк адабий чыгармаларды кыргыз тилине которгон көп кырдуу талант экенине ынанышты. Актерлор акындын ырларын көркөм окуду. Ал эми Олжобай Шакир өзү ырдап, театр залын өзгөчө шаңга бөлөдү. Поэзия кечесин “Роза Отунбаеванын демилгелери” эл аралык коомдук фонду уюштурду. Олжобай Шакир бул долбоордун алкагында чыгармачылык кечеси өткөн жетимиш бешинчи акын болду.
Кримтөбөл Азиз Батукаевдин бошотулушу боюнча мурдагы вице-премьер-министр Шамил Атаханов камакка алынды.
Бишкекте биринчи класска баланы «Электрондук кезек» аркылуу кабыл алуу долбоорунун биринчи этабы жыйынтыкталды. Бул маселе шаардык депутаттардын талкуусуна алынып, сын-пикирлер айтылды.
Казакстан Кыргызстандан ташылчу картөшкөгө, курмага жана алмага салынган убактылуу фитосанитардык чектөөнү алды. Бул маалыматты «Азаттыкка» Айыл чарба, тамак-аш жана мелиорация министрлигинин басма сөз кызматы ырастады. Ага ылайык, чектөөнү алуу жөнүндө чечим эки тараптын 13-14-майда Нур-Султан шаарында өткөн сүйлөшүүсүнөн кийин кабыл алынган. Мындан сырткары, чектөө эки өлкөнүн вице-премьер-министрлери карантиндик көзөмөл боюнча жол картасына байланыштуу кол койгон протоколду ишке ашыруунун алкагында алынды. Читать дальше...
Ооганстандын Газни провинциясында жанкечтинин машинеси жарылып, бери деген үч адам мүрт кетип, ондон ашык киши жарадар болду. Өлкөнүн Ички иштер министрлигинин маалыматына ылайык, полиция өткөрмө бекеттен токтобой, катуу ылдамдыкта бараткан, ичи жардыруучу заттарга толгон машинеге ок ачкан. Ошол замат машине жарылып кеткен. Мерт болгондордун арасында эки полиция кызматкери жана бир бала бар. Шаардык оорукананын башчысы Баз Мухаммед Хемат, жардыруудан бери дегенде 15 киши курман болгонун айтты. Читать дальше...
Жергиликтүү активисттер Нарын мамлекеттик жаратылыш коругунанан былтыр Аксыга көчүрүлгөн бугу-маралдар кароосуз калып, жоголуп баратканын айтышууда.
Баткен районунун Кара-Бак айылында кыргыз-тажик чек арасында ок атылды. Индонезияда шайлоодон кийинки башаламандыкта кеминде алты киши мерт болду. Ирак АКШ менен Ирандын ортосундагы чыңалууну басаңдатуу үчүн Вашингтонго жана Тегеранга делегация жиберет.
Кыргызстандын Ички иштер министрлиги 22-майда кримтөбөл Азиз Батукаевдин иши боюнча кармалган мурдагы вице-премьер-министр Шамил Атахановдун арызы боюнча билдирүү таратты. Анда Бишкек шаардык милициясынын убактылуу кармоочу жайында Атахановдун укуктары бузулганы тууралуу айтылгандар четке кагылган. "Тилекке каршы, убактылуу кармоочу жай курорт эмес. Кызматкерлер кармалган жарандын денесинде жаракаттар бар экенин аныктаган учурда гана медициналык кароодон өтөт. Ошондой эле жактоочусу менен жолугушуу... Читать дальше...
Италиянын Тоскана облусунда орусиялык туристтер бараткан автобус оодарылып кетти. Кырсыктан бир адам өлүп, дагы он киши жабыркады. - Жабыркагандар ооруканага жеткирилди. Кырсык Римден 200 чакырым алыстыкта болгон. Орусиянын Италиядагы элчилигинин кызматкерлери окуя болгон жерге жөнөп кетишти, - деп айтты Орусиянын Тышкы иштер министрлигинин өкүлү Мария Захарова. Баштапкы маалыматтарга караганда, Сиена шаарынан Флоренцияга бараткан автобуста 50 турист болгон. Кырсыктын себептери азырынча белгисиз.
Кыргызстандын Өзбекстандагы элчилиги тараткан маалыматка ылайык, Өзбекстандын «Узбекистон хаво йуллари» ишканасы менен бирге каттамды жайкы мезгилде жандантуу пландууда. Ага ылайык, Ташкент-Тамчы-Ташкент каттамындагы учак быйылкы жылдын 27-июнунан 6-сентябрына чейин апта сайын бейшемби күндөрү каттайт. Каттамды ишке киргизүүнүн башында эки өлкөнүн журналисттери үчүн атайын маалыматтык жүрүш болору маалымдалган. Ташкент-Тамчы аба каттамы былтыр да иштеп, бирок жүргүнчү аз болуп, каттам өзүн... Читать дальше...
Бишкектин мэриясы 25-майда мектепти бүтүрүүчүлөрдүн рулга отуруп, машине айдашына жол бербөөгө ата-энелерди чакырууда. Мекеменин шаршембидеги кайрылуусунда балдардын өмүрү баарынан кымбат экени айтылат. Кыргызстанда 25-майда мектепти бүтүрүү кечелери, акыркы коңгуроо салтанаттары өтөт. Буга чейин бүтүрүүчүлөрдүн машине айдаганы, аварияга кабылган учурлары катталган. Ушул айдын башында билим берүү жана илим министри Гүлмира Кудайбердиева акыркы коңгуроонун көңүл ачуу жайларында белгиленишине тыюу салынганын билдирген. Читать дальше...
Милдеттүү медициналык камсыздандыруу фонду тараткан маалыматка караганда, 2018-жылдын 1-октябрынан тартып үй-бүлөлүк дарыгерлердин айлык акысы алардын ишинин жыйынтыгына жараша төлөнүп жатат. 2018-жылдын октябрь айында үй-бүлөлүк дарыгердин эмгек акысы бардык кошумчалары менен 11 330 сомду түзсө, иш жыйынтыгына карап дагы 10 122 сом төлөнгөн. Натыйжада айлык акы 89,3% көбөйгөн. Былтыр күздө өлкө боюнча 1949 үй-бүлөлүк дарыгер катталган. Азыр алардын саны дээрлик 300гө көбөйдү. Бүгүнкү күнү үй-бүлөлүк дарыгер сертификатына 1691 врач ээ. Читать дальше...
Шанхай кызматташтык уюмунун ТИМ жетекчилеринин жыйынына катышуу үчүн Бишкекке келген Пакистандын тышкы иштер министри Шах Мехмуд Куреши сапар алдында журналисттер менен болгон маегинде жыйын алкагында Орусия жана Кытай өкүлдөрү менен Иран-Америка тирешүүлөрү тууралуу сүйлөшөрүн билдирген.
Ирак чыңалууну басаңдатып, тараптарды тынчтыкка чакырыш үчүн Вашингтон менен Тегеранга делегация жиберет.
Орусиянын Федералдык коопсуздук кызматы (ФСБ) Владимир облусунда теракт жасоону пландаган деп шек саналган эки кишини өлтүрдү. «Экөө Владимир облусундагы Кольчугино шаарында контртеррордук операция маалында жок кылынды», деп айтылат ФСБнын маалыматында. Владимир облусунда ыкчам иликтөө иштеринин жүрүшүндө теракт уюштурууну пландап жаткан эки куралдуу киши тууралуу маалымат түшкөн. Күч кызматкерлеринин багынып берүү жөнүндө сунушуна алар ок атышкан жана ошол жерде өлтүрүлгөн. Баштапкы маалыматтарга караганда... Читать дальше...
21-майда Алжирдин баш калаасында миңдеген студенттер утурумдук президент Абделкадер Бенсалах менен өкмөт башчы Нуреддин Бедуинин кызматтан кетишин талап кылып нааразылык акциясына чыгышты. Жаштар эркин жана калыс шайлоону талап кылышты. Президенттик шайлоо 4-июлга белгиленген, бирок өткөн аптада ал жылдырылышы мүмкүн деген кеп тараган. Жыйырма жылдан ашуун бийликте турган президент Абделазиз Бутефлика өткөн айда элдик толкундоолордон улам кызматтан кеткен. Бирок эски системадан калган бардык... Читать дальше...
Баткен районунун Кара-Бак айылында кыргыз-тажик чек арасында ок атылды. Тажик чек арачылары асманга эки ирет ок атканын жергиликтүү тургундар «Азаттыкка» билдиришти. Ушул тапта чек арада 100дөй адам чогулуп турат.
Украинанын Бириккен күчтөр операциясы жоокерлер 22-майда эртең менен туткунга түшкөнүн маалымдады. «Алдын ала маалыматтар боюнча, бүгүн эртең менен Украинанын куралдуу күчтөрүнүн сегиз жоокери Новотроицкое калктуу конушунун жанында баратканда адашып кетип, убактылуу оккупацияланган аймакка кирип кетишкен. Ал жерде Орусиянын Куралдуу күчтөрүнүн жоочуларынын колуна түшкөн», - деп айтылат билдирүүдө. 2014-жылы мурдагы украин президенти Виктор Януковичке каршы элдик көтөрүлүштөн жана Крым жарым аралын... Читать дальше...
Кыйноонун алдын алуу боюнча улуттук борбордун кызматкерлери адвокаттын чакыруусу менен 22-майда кримтөбөл Азиз Батукаевдин иши боюнча кармалган мурдагы вице-премьер-министр Шамил Атахановдун абалынан кабар алышты. Мекеменин маалыматына караганда, кызматкерлер мурдагы вице-премьер отурган Бишкек шаардык ички иштер башкармалыгынын убактылуу кармоочу жайына барганда Атаханов милиция өзүн кармоодо эреже бузганын айтып, арыз жазган. Анда Шамил Атаханов камакка алуу тууралуу токтомду болжол менен 21-майдын кечинде алганын... Читать дальше...
Баткен райондук ички иштер башкармалыгынын убактылуу кармоочу жайын курууга Эл аралык кызыл чырым комитети каржылык колдоо көрсөттү. Заманбап шарттагы убактылуу кармоочу жай 5 камерадан туруп , 18 адамга ылайыкташкан. Өспүрүмдөр үчүн да атайын бир бөлмө каралган. Курулуш үчүн 7 млн. сомду эл аралык уюм каржылады. «Баткен райондук ички иштер бөлүмүндө буга чейин убактылуу кармоочу жай СССР убагында салынып, эскилиги жеткен, шарттары жок, өспүрүмдөр улуу кишилер менен чогуу олтурат» деп сын айтылып келген. Читать дальше...
Анкара орусиялык С-400 зениттик ракета комплекстерин сатып алуу маселесинде АКШ менен сүйлөшүүлөрдө жылышты байкады. Ошол эле маалда Анкара АКШ киргизиши мүмкүн болгон санкцияларга да даярданып жатат. Бул тууралуу Түркиянын коргоо министри Хулуси Акар журналисттерге билдирди. 20-майда президент Режеп Тайып Эрдоган Түркия Орусиядан С-400 комплекстерин сатып алууну өз убагында баштай турганын, ошол эле маалда түрк армиясы америкалык Ф-35 аскердик учактарын да алаарын айткан. Вашингтон Анкарадан... Читать дальше...
Бул жолу кыргыз эл жазуучусу Элүүбай Отунчиевдин «Жеңижок» үчилтик романы тууралуу кеп кылабыз.
«Nike», «Adidas» жана «Puma» өңдүү ири компаниялар АКШнын президенти Дональд Трампты Кытай менен «соода согушун» токтотууга чакырып, жаңы тарифтер экономикага сокку ураарын билдиришти. Трампка жазылган катта спорт кийимдерин чыгарган белгилүү 170 компания Кытайда тигилген бут кийимдерге салыкты көтөрбөөнү өтүндү. Алардын айтымында, Кытайдын товарларына салыктын 25 пайызга жогорулашы америкалыктарга да кедергисин тийгизет. Себеби АКШда сатылган бут кийимдердин 76 пайызында «Made in China» деген жазуу бар. Читать дальше...
Премьер-министр Мухаммедкалый Абылгазиев Маалыматтык технологиялар жана байланыш комитетинин төрагалык кызматына Дастан Догоевдин талапкерлигин көрсөттү. Бул тууралуу өкмөттүн маалыматтык камсыздоо бөлүмү 22-майда билдирди. Эреже боюнча өкмөттүн кайсы бир мүчөсү кызматынан бошотулган учурда премьер-министр президентке Жогорку Кеңеш жактырган талапкерди сунуш кылат. Бош кызмат ордуна жетекчи беш жумушчу күн ичинде дайындалышы керек. Комитеттин буга чейинки төрагасы Бакыт Шаршембиев 21-майда кызматтан кетүү тууралуу арыз жазган. Читать дальше...
