Новости за 11.07.2019

Орусиянын президенти Владимир Путин менен Украинанын лидери Владимир Зеленский телефон аркылуу сүйлөштү. Кремлдин маалымат кызматы кабарлагандай, сүйлөшүүнү украин тарап сунуштаган. Кремлдин билдирүүсүндө «Украинанын чыгышындагы кырдаалды жөнгө салуу боюнча суроолор жана эки тарапта тең кармалып тургандарды бошотуу боюнча биргелешип кызматташуу маселелери талкууланды. Эксперттердин деңгээлинде сүйлөшүүлөрдү улантуу келишилди», - деп жазылган. Зеленскийдин администрациясы телефондук сүйлөшүү тууралуу комментарий бере элек. Читать дальше...

Миграция – трагедия эмес, бирок миграциядагы жашоо адамды психологиялык жактан басынтып, ден соолугун жейт. Чет жакта кара жанын карч уруп иштеп жүргөн мигранттарга, жугуштуу жана өнөкөт ооруга чалдыккан мекендештерге ким кам көрөт?

Кыргызстандык күрөшчү кыз Мээрим Жуманазарова ушул күндөрү Таиланддын Чонбури шаарында өтүп жаткан күрөш боюнча жаштар арасындагы Азия чемпионатында алтын медал тагынды.

Бейшемби күнү Москвада Жогорку сот "Хизб ут-Тахрир" уюмунун мүчөсү деп соттолгон төрт крым татарынын апелляциялык арызын карап жаткан маалда имараттын сыртына чогулган 50дөн көп кишини полиция кармап кетти. Бул тууралуу «ОВД-Инфо» укук коргоо уюмунун активисттери маалымдашты.

Чаткал районунда кен казуу иштерин алып барган "Кичи-Чаарат" компаниясынын жумушчулары маянанын аздыгын жана иштөө шартынын оордугун айтып чыгышты.

Кремлдин расмий сайты жазып чыккандай, бүгүн, 11-июлда Москвада Кыргызстан жана Орусиянын президенттери Сооронбай Жээнбеков менен Владимир Путиндин жолугушуусу өттү. Жээнбеков Швейцариядан кайтып келатып Москвада кыска мөөнөттө иш сапар менен болду.  Путин Москвага тийип, эки тараптуу алакалардын бүгүнкү абалы тууралуу сүйлөшүүгө убакыт тапканы үчүн Сооронбай Жээнбековго ыраазычылык билдирди.  Өз кезегинде Жээнбеков да Путинге ыраазычылык билдирип, кыргыз-орус мамилеси, достук жана өнөктөштүк ийгиликтүү өнүгүп жатканына токтолду. Читать дальше...

Босния жана Герцеговинада 1995-жылы Сребреница аймагында 8 миң мусулман өлтүрүлгөн кандуу окуя эскерилди.

Чүй облустук сотунун чечимине ылайык, Кой-Таштагы №73809 аскер бөлүгүндөгү жоокерлерге зомбулук көрсөткөн деген кине менен камалган үч офицер бошотулду.

Орусиянын Москва облусунун Мытищи аймагындагы "Түндүк" жылуулук электр станциясында өрт чыгып, бир адам каза тапты. Өзгөчө кырдаалдар министрлиги дагы 13 адам жабыркаганын билдирди. "ТАСС" маалымат агенттиги өзүнүн булактарына таянып, өрт жогорку чыңалуудагы газ станциясында тутанганын жазды. Электр станциянын жанында "Июнь" деп аталган ири соода борбору жана курулуп бүтө элек жатакана бар. Мытищидеги "Түндүк" жылуулук электр борбору 1992-жылы ишке берилген. Анда негизинен табигый газ жагылат жана станциянын кубаттуулугу 1060 МВт.

Лондон Ирандын үч кемеси Ормуз кысыгында Британиянын мунай ташыган танкеринин жолун тороого аракеттенгенин билдирди. Украинанын президенти Володимир Зеленский мурда карактоо беренеси менен соттолгон аткаминерди жыйындан кууп чыкты. Москвада Крым татарларынын колдоп чыккандар кармалды.

Гапар Айтиев атындагы көркөм-сүрөт музейин текшерүү боюнча түзүлгөн комиссия анда сакталган 250 картинанын ичинен эки сүрөт жасалма экенин аныктады. Музейдин мурдагы директору Юристанбек Шыгаев бул дооматты четке кагып, комиссия бир тараптуу иштеп жатканын айтууда.

Пакистандын бийлиги дагы жүзгө чукул адам жараат алганын кабарлады. Адам өлүмү менен аяктаган кырсык 11-июлда, таңга маал Рахим-Яр-Хан шаарга жакын жердеги станцияда болду. Лахор шаарынын Белужистан провинциясын көздөй эл ташып бараткан поезд жолдо жүк жүктөлүп турган вагонду сүзүп алды. Кагылышуудан кийин поезддин кеминде үч вагону жолдон чыгып кеткен, башкы вагон толугу менен кыйраган. Кырсыктын себептери азырынча белгисиз. Пакистанда адам өлүмү менен аяктаган поезд кырсыктары буга чейин да болгон. Читать дальше...

Азия биринчилиги Таиланддын Чонбури шаарында өтүп жатат. Ага Кыргызстандан тогуз спортчу катышууда.

Кыргызстандык балбан Мээрим Жуманазарова ушул күндөрү Таиланддын Чонбури шаарында өтүп жаткан күрөш боюнча жаштар арасындагы Азия чемпионатында алтын медал тагынды. Биргелешкен Күрөш Дүйнөсү (UWW) уюмунун расмий сайтындагы маалыматка таянсак, 11-июлда кыз-келиндердин эркин күрөшүнөн беш салмакта байгелер ойнотулду. Кыргызстандын атынан бул күнү Назира Марсбек кызы (59 кг.) жана Мээрим Жуманазарова (68 кг.) килемге чыгып, экөө тең финалдык таймашка чейин жетти. 68 килограммга чейинки салмакта... Читать дальше...

Жалал-Абад шаарында убактылуу жашап жаткан Орусиянын Астрахань шаарынын 45 жаштагы «Иса» аттуу тургуну мыйзамсыз ок атуучу курал сактоо боюнча айып менен кармалды. Облустук милициянын басма сөз кызматы тараткан маалымат боюнча 8-июлда шектүү тергөөгө чакырылып, анын көрсөтмөсү менен шаардагы мүрзөлөрдүн биринде көмүлгөн куралдар табылды. 7,62 калибрдеги сайлуу, колдо жасалган бир даана курал, Иж К-20 үлгүсүндөгү ок атуучу курал жана 20 даана 7,62 калибрдеги октор казылып алынды. Алынган далил буюмдарга тиешелүү экспертизалар дайындалып... Читать дальше...

Араван районундагы Юсупов айыл аймагында бала бакчанын жетишсиздигинен улам башталгыч мектептин эки бөлмөсү бала бакчага берилген.

Премьер-министр Мухаммедкалый Абылгазиев өзгөчө кырдаалдар жана калкты таза суу менен камсыз кылуу боюнча атайын жыйын өткөрүп, алдын алуу иштерин күчөтүүнү тапшырды. Өзгөчө кырдаалдар министри Нурболот Мирзахмедов акыркы күндөрү Жалал-Абад, Баткен, Ош жана Нарын облустарынын айрым тоолуу аймактарында сел жүргөн учурлар көбөйгөнүн билдирди.  - Биздин айылдар менен шаарларды селден, жер титирөөдөн, жер көчкүдөн коргош үчүн жана өзгөчө кырдаалдардын алдын алыш үчүн сапаттуу, комплекстүү иш аткарышыбыз керек. Читать дальше...

11-июлда Лахор шаарынын Белужистан провинциясын көздөй жүргүнчү ташып бараткан поезд жолдо жүк жүктөлүп турган вагонду сүзүп алды. Кырсыкта 16 адам өлүп, дагы жүздөй киши жарадар болду.  Полициянын маалыматына караганда, окуя таңга маал, Рахим-Яр-Хан шаарына жакын жердеги станцияда болгон. Кагылышуудан кийин поезддин кеминде үч вагону жолдон чыгып кеткен, башкы вагон толугу менен кыйраган. Кырсыктын себептери азырынча белгисиз.  Пакистанда адам өлүмү менен аяктаган поезд кырсыктары буга чейин да болгон. Читать дальше...

Мамлекеттик каттоо кызматы жалпы жарандык паспорт даярдоо боюнча Англиянын «De la Rue» компаниясы менен кошумча келишимге кол койду. Бул тууралуу маалыматты «Азаттыкка» мекеменин басма сөз кызматынын өкүлү Адилет Бейшеналиев ырастады. Макулдашуунун негизинде 500 миң паспорт кошумча даярдалат. - Азыркы учурда паспорт маселеси жок, - деди Мамкаттоонун өкүлү. - Ушул тапта 226 миң даана жалпы жарандык паспорт бар. Ал ушул жылдын аягына чейин кеңири жетет. Жакын арада паспортту жасап келаткан «De la... Читать дальше...

Орусиянын Москва шаарында Жогорку соттун имаратынын алдына Крым татарларынын «Хиз ут-Тахрир» экстремисттик уюмунун мүчөсү деген шек менен камалышына каршы чыккан ондогон активистти полиция кармап кетти. Жогорку сотто 11-июлда «Бахчисарай тобу» деген каймана ат менен таанымал үч Крым татары боюнча Түндүк-Кавказ аскердик сотунун өкүмүнө каршы доо арыз каралып жаткан эле. Соттун бул өкүмүнө ылайык, активисттер 9 жылдан 17 жылга чейин эркинен ажыратылган. «Азаттыктын» орус кызматынын маалыматы боюнча... Читать дальше...

Орусияда оппозициячыл саясатчы, коррупцияга каршы блогдору, иликтөөлөрү менен белгилүү Алексей Навальный он күндүк административдик жаза мөөнөтүн өтөп бүткөнүнө байланыштуу 11-июлда абактан чыкты.  Ал ушул айдын башында 12-июнда болгон журналист Иван Голуновду колдогон акцияга катышканы үчүн соттолгон.  Тергөөчүлөр Навальныйды «жүздөгөн адам менен жүрүшкө чыгып, жолдорду тороп, транспортко жана жөө жүргүнчүлөргө жолтоо болгон» деп айыптаган. Навальный болсо өз кадамын туура деп эсептей турганын билдирген. Читать дальше...

Жейми Флай «Эркин Европа/Азаттык» радиосунун президенти жана аткаруучу директору болуп дайындалды. Анын кызматтык мөөнөтү 1-августта башталат.  - Жейми Флайдын геосаясатты аңдай билгени, адам укуктарына карата мамилеси, Вашингтондогу жана дүйнөдөгү карым-катышынын калыңдыгы аталган медиакорпорациянын башчысынын кызматына кынтыксыз талапкер кылды. Анын жардамы менен «Азаттык» радиосу Чыгыш Европадагы, Борбор Азиядагы, Ооганстандагы, Пакистандагы жана Ирандагы бардык платформада өтө жогорку сапаттагы берүүлөрдү даярдап... Читать дальше...

Сехудо UFC 238 турниринин алкагында мушкер Марлон Мораести техникалык нокаут менен утуп, жеңил жана өтө жеңил салмак категориясы боюнча чемпион болгон.

Казакстандын Нур-Султан шаарында жашаган, ушул учурда Алматыда тергөө абагында отурган Канат Турдалиев менен Ануар Данияров 10-июлдан бери ачкачылык кармап жатышат. Аларга 6-июлдагы Нур-Султан шаарынын жана биринчи президент Нурсултан Назарбаевдин туулган күнүндөгү «мыйзамсыз митингге катышты» деген айып коюлган жана сот аларды 10 күнгө эркинен ажыратуу тууралуу өкүм чыгарган. Активисттердин адвокаты Ермурат Муканов 11-июлда «Азаттыктын» казак кызматына кармалгандар сот чечимине нааразы болуп ушундай кадамга барышканын билдирди. Читать дальше...

Чүй облусундагы мушташ чыккан Восточное айылында элге түшүндүрүү иштери жүргүзүлдү. Азыр абал тынч. Бул тууралуу «Азаттыкка» өкмөттүн облустагы өкүлү Алтынбек Намазалиев билдирди: - Элди ар кандай чагымчыл маалыматтарга алдырбоого чакырып, түшүндүрүү иштери жүргүзүлдү. Абал тынч эле. Буга чейин Искра айыл өкмөтүнө караган Восточное айылында 10-июлда коңшулардын суу талашы мушташка чейин жетип, андан үч киши жабыр тартып ооруканага жеткирилген. Алардын экөө ата-бала, бирөө урушкандарды ажыраткан айыл тургуну. Читать дальше...