Новости за 13.02.2020

Беларуста мамлекеттик гербди өзгөртүү жөнүндө мыйзам долбоору парламенттин кароосуна жөнөтүлдү. Бул тууралуу Беларустун юстиция министри Олег Слижевский ТАСС маалымат агенттигине билдирди. Анын айтымында, сунушталган өзгөртүүлөр Беларустун гербин «мамлекеттин тынчтыкты сүйгөн мүнөзүнө» шайкеш келтирүүнү максат кылат. «Эркин Европа/Азаттык» радиосунун Беларус кызматы маалымдагандай, негизги өзгөрүүлөрдүн бири гербдин төмөнкү жагындагы глобуска байланыштуу. Азыркы гербде глобустун көп бөлүгүн... Читать дальше...

АКШ менен «Талибан» кыймылы Ооганстандагы зордук-зомбулукту жети күнгө токтото турууну көздөгөн сунуш боюнча сүйлөшүү өткөрүштү. Бул тууралуу Кошмо Штаттардын коргоо министри Марк Эспер 13-февралда Брюсселде журналисттерге билдирди. Ал талибдер менен кийинки сүйлөшүүлөр «шартка жараша болорун», ал үчүн «Талибан» кыймылы Ооганстандагы зомбулукту азайтышы керек экенин белгиледи. Ошондой эле бул кыймыл согуш талаасында эч качан жеңишке жете албай турганын, алардын өкүлдөрү бир үстөлдө отуруп, мунасага келиши зарыл экенин кошумчалады. Читать дальше...

Өзбекстанда Орусиянын пайдасына тыңчылык кылган деп айыпталган коопсуздук жана күч органдарынын жооптуу кызматкерлери боюнча сот иши башталды.

Мамлекеттик салык кызматы кабарлагандай, Ош шаардык салык кызматынын башчысы Эрмек Чоюнов Жалал-Абад шаардык салык кызматынын жетекчилигине которулду. Чоюнов жаңы эмгек жамаатына 13-февралда тааныштырылды.  Ал эми анын ордуна Ош шаардык салы кызматынын салыкты көзөмөлдөө бөлүмүнүн башчысы Рахман Аданов убактылуу милдетин аткаруучу болуп дайындалды.  Эрмек Чоюнов Ош шаардык салык кызматын 2015-жылдан бери жетектеп келген. 2019-жылы шаардык салык кызматы 2, 4 млрд. сом салык жыйнаган. Бул 2018-жылга караганда 300 млн. Читать дальше...

Москванын Таганск райондук соту «Твиттер» жана «Фейсбук» социалдык түйүндөрүн 63 миң долларлык айыпка жыкты. Буга эки компаниянын орусиялык колдонуучулары тууралуу маалыматты өлкө ичинде сактоодон баш тартканы себеп болду. Социалдык тармактарга каршы Орусиянын байланыш жана маалымат технологиялары тармагын көзөмөлдөгөн Роскомнадзор мекемеси сотко кайрылган. Орусияда жарандардын жеке маалыматын өлкөнүн сыртында эмес, жергиликтүү серверлерде сактоону талап кылган мыйзам 2015-жылы күчүнө кирген. Ага ылайык... Читать дальше...

Бүгүн, 13-февраль - Дооронбек Садырбаевдин туулган күнү.

Казакстандын Кордой районунда өткөн жуманын аягындагы тополоңдо 10 кишинин өмүрү кыйылды. Ал окуялар Казакстандын жаңы тарыхындагы эң кандуу улут аралык кагылышуу болуп калды.

Кытайда коронавирустан өлгөндөрдүн жана ооруну жугузуп алгандар кескин көбөйүп кетти. Казакстандын биринчи президенти Нурсултан Назарбаевдин небереси Айсултан Британия бийлигинен баш калка сурады.

Жапониянын Иокогама портундагы коронавирустан улам карантинге алынган «Diamond Princess» круиздик кемесинде төрт казак жараны бар. Бул тууралуу Казакстандын Саламаттык сактоо министрлигинин расмий өкүлү Диас Ахметшарип 13-февралда билдирди. «Круиз кемесинде 3700 жүргүнчү карантинге алынды. Анда 50 мамлекеттин жарандары, Казакстанды төрт атуулу бар. Алардын саламаттыгы канааттандырарлык», - деди Диас Ахметшарип. Кемедеги карантиндин мөөнөтү 19-февралда аяктайт. Баш-аягы 200дөн ашуун жүргүнчү коронавирусту жугузуп алганы ырасталды. Читать дальше...

Сириянын парламенти дээрлик жүз жыл мурун Осмон империясынын учурунда армяндар кабылган кыргынды геноцид деп тааныды. Тиешелүү резолюцияны жарандык согуш жүрүп жаткан бул өлкөнүн парламенти бир добуштан колдоду. Бул чечим Сириянын түндүк-батышындагы чабуулдардан улам президент Башар Асаддын өкмөтү менен Түркиянын ортосунда чыңалуу күчөп турган кезде кабыл алынды. Асаддын күчтөрү көтөрүлүшчүлөрдүн акыркы таянычы саналган Идлибди колго алууга аракет кылып жатат. Анкара Сирия менен Орусиядан бул чабуулдарды токтотууну талап кылып... Читать дальше...

Акыркы апталарда кыргыз өкмөтүндө бир катар жетекчилер алмашты.

Бир үйдүн жалгыз уулу Жакып Касымакунов быйыл 7-февралда жыйырмага толгон. Ал туулган күнүнөн үч күн өтпөй, боор алмаштыруу операциясын күтүп жатып Индияда каза болду. Жакыптын ата-энеси Тоң районунун Коңур-Өлөң айылында турат. Алар мамлекет боор ооруларын азайтууга чара көрбөсө, далай адамдын өмүрү коркунучта экенин эскертишти.

2020-жылдын 1-январынан 11-февралына чейин жакында шайлоо өтө турган шаарларга аймактардан келип каттоого турган жарандардын саны жарыяланды.

Тийиштүү өзгөртүүлөр 2020-жылдын 1-январынан тарта киргизилген. Чечим 39 делегаттын макулдугу менен кабыл алынган.

13-февралда Кытайда коронавирустан өлгөндөрдүн жана ооруну жугузуп алгандардын саны кескин көбөйүп кетти.

Тышкы иштер министрлигинин статс-катчысы болуп бул тармакта мурда иштебеген Нуржан Бардинованын дайындалганын айрым дипломаттар сындап чыгышты.

Ирандагы Ислам революциясынын жеңишинен кийинки 41 жыл ичиндеги Ирандын илим-билим, маданият, спорт жана башка жетишкендиктери жана  дүйнөдөгү орду.

Ушул жылдын 12-февралында Ош шаардык соту 8-класстын окуучусу Самат Акматовдун өлүмү үчүн шектүү эки жаранды Жазык кодексинин 130-беренеси («Киши өлтүрүү») менен күнөөлүү деп таап, ар бирин 10 жылга эркинен ажыратты. Бул тууралуу «Азаттыкка» Ош облустук сотунун басма сөз катчысы Бекзат Осмонкуловдун билдирди. Маалыматта, жабырлануучунун мыйзамдуу өкүлүнө соттолуучулардын мыйзамдуу өкүлдөрүнүн эсебинен 75 854 сом материалдык, 1 млн. сом моралдык зыян өндүрүлүшү керек экени да айтылат. 2019-жылдын... Читать дальше...

Казакстандын туңгуч президенти Нурсултан Назарбаевдин жээн небереси Айсултан Британиянын бийлигинен баш калка сурады. Бул тууралуу ал 13-февралда «Фейсбуктагы» баракчасына жазды. «Соңку беш жылдан берки жашоом кунарсыз болуп калды», -деп билдирди Айсултан. Ал үй-бүлөсү тарабынан өзүнө басым болуп жатканын, анткени ал Орусия менен Казакстандын бийлик ээлеринин ортосундагы коррупция тууралуу маалыматка ээ экенин айткан. 29 жаштагы Айсултан - Назарбаевдин тун кызы, парламент төрайымы Дарига Назарбаеванын уулу. Читать дальше...

Иранда парламенттик шайлоонун алдындагы бир жумалык үгүт өнөктүгү башталды. Ага өлкө боюнча 5 миңден ашуун талапкер катышууда. Алардын 290у гана парламентке өтөт. Сакчылар кеңеши 21-февралга белгиленген шайлоого реформачыл талапкерлердин көбүн катыштырган жок. Андыктан негизги атаандаштык ашынган эскичил көз караштарды карманган талапкерлер менен башка консерваторлордун ортосунда жүрөрү кабарланды. Бул шайлоо байистүү саясатчы деп мүнөздөлгөн президент Хасан Роухани үчүн чоң сыноо катары каралып жатат. Читать дальше...

Кыргыз Республикасынын Футбол федерациясы деген аталыш жоюлуп, Кыргыз футбол бирикмеси түзүлдү.  Мындай чечим Футбол федерациясынын 2019-жылдын 14-ноябрындагы кезексиз жыйынында кабыл алынып, уюм 2020-жылдын 1-январынан тартып жаңы аталышка өткөн. Бул тууралуу расмий маалымат 13-февралда жарыяланды.  Түшүндүрмөгө ылайык, мындай өзгөрүү ишмердикти Эл аралык футбол федерациясынын (FIFA) талаптарына ылайык келтирүү максатын көздөйт.  Кыргыз футбол бирикмеси Эл аралык футбол федерациясынын жана... Читать дальше...

Өзбекстандын Билим берүү министрлиги Тажикстанда, Кыргызстанда жана Казакстанда окуган жарандарынан 15-февралга чейин өлкөгө кайтып келүүнү талап кылды. Муну Өзбекстан кошуналарынын ЖОЖдорундагы окуунун сапаты өзүнүн улуттук рейтингине жооп бербеси менен түшүндүрдү.

Биздин шартта, биздин коомдо чоң саясатчы же улуттук деңгээлдеги лидер болуу абдан кыйын да, абдан татаал.

АКШнын республикачылар көпчүлүктү түзгөн Сенатында президент Дональд Трамптын Иранга аскердик чара көрүү мүмкүнчүлүгүн чектеген резолюция 13-февралда акыркы добушка коюлганы жатат. Бир күн мурда бул документти демократтар менен сегиз республикачыл сенатор колдоду. Мыйзамдык күчү жок бул резолюция президент Трампты Иран менен карама-каршылыктарга аралашкан америкалык аскерлерди аймактан чыгарып кетүүгө үндөйт. Ошондой эле президентти аскердик күчтөрдү колдонордон мурда Конгресстен уруксат алууга чакырат. Читать дальше...

Израилдин премьер-министри БУУнун Адам укугу боюнча кеңсесинин басылып алынган Палестина аймактарындагы жөөт конуштары менен ишкердик байланышта болгон компаниялардын кара тизмегин жарыялагандан кийин ага жооп кайтарып, санкция киргизди.