Новости за 28.02.2020

Маалымат каражаттарынын эркиндигине көз салган эл аралык уюмдар чечен блогери Тумсо Абдурахмановго Европада кол салуу болгонуна тынчсыздануусун билдиришти. Европа Коопсуздук жана Кызматташтык Уюмунун Медиа эркиндиги боюнча өкүлү Арлем Дезир Абдурахмановдун "көзүн тазалоо аракети" тууралуу маалыматтар камтамачылык жаратып жатканын айтты. Ал өткөн айда да Францияда жашаган дагы бир чечен блогерине кол салуу болгонун кошумчалады. "Журналисттерди коргоо комитети" да ушундай эле билдирүү жасады. Читать дальше...

Коронавирус дүйнөнүн 29 өлкөсүндө жайылууда. Европада адам өлүмү күн сайын өсүп жатат. Кыргызстанда вирус азырынча каттала элек. Бирок андан коргонуу үчүн кандай чараларды көрүү зарыл? Дүйнө элин чочуткан вирустан коргонуу жолдору кандай?

Болгария мыйзамсыз миграциянын алдын алуу үчүн Түркия менен чек арасында көзөмөлдү күчөтүүгө киришти. Бул тууралуу өлкөнүн премьер-министри Борис Бойко өкмөттүн 28-февралдагы жыйынында билдирди. "Чек арага күчтөр жөнөтүлдү жана деңиз чегин коргоо чаралары күчөтүлдү", - деди Борис Бойко. Премьер-министр бул маселени түрк лидери Режеп Тайып Эрдоган менен телефондон талкуулаганы жатканын кошумчалады. Мунун алдында айрым түрк маалымат каражаттары жүздөгөн мигранттар Түркиянын Греция жана Болгария... Читать дальше...

Эмне үчүн акыркы кезде коомдо дарыгерлерге сын күчөдү? Жаш дарыгерлерге ишенбей, ишинен шек санаган бейтаптар да жок эмес. Буга эмгек жолун кечээ баштаган дарыгерлер кандай ойдо? Алардын жашоосу менен түйшүгү мамлекетти ойлондурабы? Догдурлар үчүн өз кесибинин устаты болууга шарттар түзүлгөнбү? "Азаттык+" бул жолу ушул суроолорго жооп издеди.

Жарыш 31-майда өтүп, күлүктөр бир, беш, 14 жана 21,1 чакырымдык аралыкка чуркайт. Марафон ак илбирсти сактоого көпчүлүктүн көңүлүн бурууга шарт түзөт.

Балбанды кичи мекенинде бийлик өкүлдөрү, туугандары, достору жана спорт сүйүүчүлөрү шаң менен тосуп алды.

Сирия армиясы Орусиянын көмөгү менен Идлибге урган аба соккулардан түркиялык 33 жоокер набыт кеткенден кийин түрк армиясы өч алуу операциясын баштады. Соңку окуялардан улам Анкара менен Дамасктын өнөктөшү Москванын ортосундагы чыңалуу кучөдү.

Төрт жыл илгери эки ирет каралып, бирок өтпөй калган коммерциялык эмес уюмдардын ишмердигин жөнгө салуу боюнча мыйзам долбоору үчүнчү ирет парламентке сунушталды.

Иранда парламенттин төрт депутаты өпкөнү сезгенткен коронавирусту жугузуп алды. Межлистеги 30 депутаттын төртөө илдетке кабылганын парламенттик президиумдун мүчөсү Мохаммад Али Вакили 28-февралда “Твиттер” аркылуу кабарлады. Иранда Кытайдан чыккан COVID-19 вирусун жугузуп алган бир нече жогорку кызматтагы адамдардын арасында аялдар жана үй-бүлө маселелери боюнча вице-президент Масумех Эбтекар да бар. Бул өлкөдө вирус тездик менен жайылып, соңку бир суткада эле сегиз киши илдеттен каза тапты. Читать дальше...

Кыргыз өкмөтү Кыргызстандын чек арасынан ID-карт менен өтүүгө 1-марттан тарта убактылуу тыюу салды. Мындай чара жарандардын коопсуздугун сактоо жана чек арадагы көзөмөлдү күчөтүү максатында киргизилгенин өкмөттүн маалымат кызматы билдирди: “Буга чейин эпидемиологиялык кырдаал начар болгон өлкөлөрдөн Москвага келгенин жашырып, мамлекеттик чек арадан ID-карта менен өтүүгө аракет жасаган кыргызстандыктар аныкталды. Алардын бардыгы карантинге алынды", - деп айтылат өкмөттүн коронавирусту алдын алуу... Читать дальше...

Кыргызстан коронавирус көп катталып жаткан Кытайдын, Ирандын, Италиянын, Жапониянын жана Түштүк Кореянын жарандарынын келишине убактылуу чектөө киргизди. Мындай чечим коронавирусту алдын алуу боюнча республикалык штабдын 28-февралдагы жыйынында кабыл алынганын өкмөттүн маалымат кызматы кабарлады. Чечимге ылайык аталган өлкөлөрдүн жарандары 1-марттан тарта ишке же туристтик максаттарда Кыргызстанга кире алышпайт. Ошондой эле 1-марттан тарта илдет жайылган өлкөлөрдүн жарандарына чакыруу жөнөтүүгө тыюу салынат. Читать дальше...

Казакстандык жана эл аралык укук коргоочулар казак бийлигинен тергөө абагында көз жумган активист Дулат Агадилдин денесиндеги кыйноонун белгилери боюнча түшүндүрмө берүүнү талап кылышты. «Ар.Рух.Хак» өкмөттүк эмес уюмунун жетекчиси, укук коргоочу Бахытжан Торегожина Интернетте пайда болгон видео Агадилдин өлтүрүлгөнүн далилдей турганын жазды. Норвегиялык Хельсинки комитетинин өкүлү Ивар Дале да маркум активист Нур-Султандагы тергөө абагында сабалган болушу мүмкүн деп шек саноодо. Укук коргоочу... Читать дальше...

Кошмо Штаттары Косово өкмөтүнүн Сербиядан импорттолгон товарларга тарифтерди убактылуу жана жарым-жартылай гана алып туруу чечимин колдобойт. Бул тууралуу АКШнын Сербия жана Косово боюнча чабарманы жана Германиядагы элчиси Ричард Гренелл билдирди. Ал Косовонун премьер-министри Албин Курти "олуттуу ката" кетирип жатканын, тарифтер толугу менен алынышы керек экенин "Твиттерге" жазды. Косово 2008-жылы Сербиядан бөлүнүп, өзүн өз алдынча мамлекет деп жарыялаган. АКШ Косовонун эгемендигин жактаган башкы мамлекеттердин бири. Читать дальше...

Кичи ажылыкка бараткан Тажикстандын жарандары жарым жолдон артка кайтарылмай болду. Буга Сауд Арабиясы коронавирус коркунучунан улам чет өлкөлүк зыяратчыларга эшигин жапканы себеп болду.

Бул тууралуу Кой-Таш окуясынын жүрүшүндө кызмат абалынан кыянат пайдаланды деп айыпталган ички иштер министринин мурдагы орун басары Курсан Асанов 28-февралдагы соттон кийин билдирди. Журналисттердин суроолоруна жооп берген Асанов өзүнө карата тагылган айыптарды "негизсиз жана ойдон чыгарылган" деп атады. Ал 2019-жылдын 7-августунда болгон окуяларга токтолуп, мурдагы президент Алмазбек Атамбаевдин үйүнө чабуул жасоого каршы болгонун билдирди: “Ошол күнү барымтадагыларды сүйлөшүү жолу менен алып чыгайын дегем. Читать дальше...

Кремлде «Эриш-аркак» жылынын ачылыш аземине арналган концертке Москва шаарындагы жана Орусиянын аймактарынан келген төрт миңдей кыргызстандык катышты.

Сирия армиясы Орусиянын көмөгү менен Идлибге урган соккудан 33 түрк аскери мүрт кетти. Анкара буга жооп кайтарды.

Бишкектин Биринчи май райондук сотунда ички иштер министринин мурдагы орун басары Курсан Асановго козголгон кылмыш иши боюнча сот отуруму уланды. Анын жүрүшүндө Асановдун адвокаты Чынара Жакупбекова сотко мурдагы президент Алмазбек Атамбаевди алып келип суракка алууну өтүндү. Адвокат иштин материалдарында Атамбаевдин көрсөтмөсү камтылганын буга себеп катары көрсөттү. Судья Адылбек Эсенбаев бул өтүнүчтү ачык калтырды. Кийинки жараян 17-мартка белгиленди. Курсан Асанов тергөө териштирүү Ички иштер... Читать дальше...

Орусиянын Канттагы аскер базасында кыска жана орто аралыктагы учкучсуз авиация отряды түзүлдү. Бул тууралуу Орусиянын Борбордук аскер округунун командачысы Александр Лапинге шилтеме берип, орусиялык маалымат каражаттары жазып чыгышты. Андагы маалыматка ылайык, бул отрядда орто аралыкка сокку урчу «Форпост» жана кыска аралыкка ылайыкташкан «Орлан-10» учактары жайгаштырылган. Лапин бул комплекстер Орусиянын Сириядагы операциясында колдонулуп, жакшы жыйынтыкка жетишкенин билдирген. Кыргызстандын... Читать дальше...

Дүйнөдө коронавирустан улам Кыргызстанда өтчү бир катар эл аралык мелдештер жылдырылды. Бул тууралуу Жаштар иштери, дене тарбия жана спорт боюнча мамлекеттик агенттик кабарлады. Маалыматка ылайык, бул агенттикте чукул жыйын чакырылган. Анын жыйынтыгында Кыргызстанда өтчү спорттук күрөш боюнча Азиянын лицензиялык мелдешин, шайба менен ойнолуучу хоккей IV дивизиондун дүйнө чемпионатын жана Азия жана Окения чөлкөмүндө спорттогу кызытмага каршы аракеттер боюнча өкмөт аралык жолугушууну кийинкиге жылдыруу чечилди. Читать дальше...

Кыргызстандын экономикасынын өнүкпөй жатышынын бир себеби тууралуу пикир.

Аба​ ырайы: 29-февралда Нарын облусунун кээ бир райондорунда, Ош, Ысык-Көл облустарынын тоолуу райондорунда кар жаайт. Шамалдын багыты өзгөрүлүп турат, ылдамдыгы секундасына 1-6 метрге жетет. Аба температурасы: Чүйдө түнкүсүн -3…+2, күндүз 9…14; Таласта түнкүсүн -4…1, күндүз 9…14; Баткенде, Ошто, Жалал-Абадда түнкүсүн -1…+4, күндүз 10…15; Ысык-Көлдө түнкүсүн –2…-7, күндүз 3…8; Нарында түнкүсүн -5…-10, күндүз 1…6; Бишкекте түнкүсүн жаан-чачын болбойт. Абанын температурасы түнкүсүн 0…-2... Читать дальше...

Адам укуктары боюнча Европа соту Азербайжан бийлигин журналист Хадижа Исмаиловага кенемте төлөөгө милдеттендирди. 2015-жылы журналист 7 жарым жылга түрмөгө кесилген. Исмаилова жана укук коргоочулар ал иштерди «жасалма, жок жерден ойлоп табылган» деп сыпаттап келишет. Ошондо «Эркин Европа / Азаттык радиосу» менен кызматташып жүргөн журналист «Салык төлөөдөн качуу» жана «Коомдук акчаны максатсыз пайдалануу» беренелери боюнча соттолгон. Европа соту Исмаилова кесибине байланыштуу жазаланганын белгилеп... Читать дальше...

Израилдин коргоо министри Нафтали Беннет Иордандын Батыш жээгинде 1800 жаңы үй куруу планына жашыл чырак көрсөттү.

Орусияда шайлоочулардын 25% гана президент Владимир Путин сунуш кылган конституциялык өзгөртүүлөрдү колдоп добуш берүүгө даяр. 10% добуш берүүгө катышууну көздөгөнү менен Башмыйзамды өзгөртүүгө каршы. Мындай тыянакты Москвадагы «Левада» борбору «Ачык медиа» порталынын буюртмасы менен жүргүзгөн сурамжылоо көрсөттү.  Бул сурамжылоодо ой-пикирин билдиргендердин 37% добуш берүүгө катышуу-катышпоо маселесинде бир чечимге келе элек экенин айтышса, 23% шайлоого барбай турганын белгилешкен. Бирок бул көрсөткүчтөр... Читать дальше...