Новости за 17.09.2020

Мурдагы саламаттык сактоо министри Космосбек Чолпонбаев 15-ноябрга чейин камалды. Биринчи Май райондук соту мындай чечимди 17-сентябрда кечке жуук чыгарды. Сот чечимине ылайык, Чолпонбаев Бишкектеги №1 тергөө абагына камалды. Анын жакындары да бул маалыматты бышыкташты. Чолпонбаев "кызматта турганда шалаакылык кылган жана кызматтык абалын кыянаттык менен пайдаланган" деген шек менен 15-сентябрда кармалган. Экономикалык кылмыштарга каршы күрөш боюнча мамлекеттик кызмат (Финансы полициясы) Саламаттык... Читать дальше...

Башкы прокурор Өткүрбек Жамшитовдун 17-сентябрда Коопсуздук Кеңешинин жыйынында билдиргени боюнча, прокуратура жана башка укук коргоо органдары тарабынан 2018-2019-жылдары жана 2020-жылдын сегиз айында Кылмыштардын жана жоруктардын бирдиктүү реестрине коррупцияга жана кызматтык кылмыштарга байланышкан 6 541 факты катталып, сотко чейинки териштирүүгө алынган. Анын ичинен 1 576 жазык иши боюнча тергөө аяктаган. Соттук кароого 965 жазык иши жөнөтүлгөн. Мунун ичинде 2018-жылы 391, 2019-жылы 344, 2020-жылдын сегиз айында 230 иш. Читать дальше...

Дүйнөлүк саламаттык сактоо уюму (ДССУ) Европада коронавирус «кооптуу деңгээлде жайылып жатканын» эскертип, бул чөлкөмдөгү өлкөлөрдү карантин эрежелерин жумшартпоого чакырды. Уюмдун Европа боюнча чөлкөмдүк директору Ханс Клюге сентябрь айында статистика көбөйгөнүн, бул чөлкөмдөгү бардык өлкөлөр үчүн чоң эскертүү болушу керек экенин 17-сентябрда айтты. ДССУнун Европа боюнча бөлүмүнө мүчө болгон 55 мамлекетте эпидемия башталгандан бери беш миллиондой адамдан коронавирус табылды. 227 миңден ашуун адам COVID-19 илдетинен көз жумду. Читать дальше...

Бүгүн, 17-сентябрь күнү Коопсуздук кеңешинин жыйынында мамлекет башчы Сооронбай Жээнбеков күч органдарын коррупцияга аралашкан кызматкерлеринен тазаланууга чакырды. Ал «сот, милиция, прокурор айлык акысы аз болгону үчүн пара алат» деген сөздү четке какты. Президент мугалим менен дарыгер же пенсионер эмес, мүмкүнчүлүгү чектелген баласын баккан эненин айлыгы бүгүнкү күндө араң эле беш миң сом экенин айтты: «Анда алардын баары коррупционер болуп кетиши керек эле. Тескерисинче, үйдөгү электрге карызы жок, өз убагында төлөгөн ким? Читать дальше...

Дубайда кыргызстандык мигрант мекенине кетирбей койгону үчүн жетекчисин өлтүрүп койгон деген шек менен соттолууда.

Мурдагы саламаттык сактоо министри Космосбек Чолпонбаев Биринчи май райондук сотуна жеткирилди. Бул тууралуу анын жакындары «Азаттыкка» кабарлашты. Учурда сот Чолпонбаевдин бөгөт чарасын карап жатат. Экс-министр Космосбек Чолпонбаев кызматта турганда шалаакылык кылган жана кызматтык абалын кыянаттык менен пайдаланган деген шек менен 15-сентябрда кармалган. Экономикалык кылмыштарга каршы күрөш боюнча мамлекеттик кызмат (Финансы полициясы) Саламаттык сактоо министрлигинин жооптуу адамдарына карата... Читать дальше...

«Кыргызстан» партиясынан талапкер болгон Дастан Жумабековдун Таласта жаңы төрөлгөн ымыркайга 50 миң сом сүйүнчү бергени боюнча анын басма сөз катчысынын тараткан түшүндүрмөсү үч жолу оңдолду.

Европарламент Александр Лукашенконун президенттик мөөнөтү 5-ноябрда бүткөндөн кийин аны Беларустун мамлекет башчысы катары тааныбайт. Евробиримдиктин мыйзам чыгаруу органынын мындай мазмундагы резолюциясы 17-сентябрда кабыл алынды. Европарламенттин Беларустагы кырдаалга байланыштуу төртүнчү резолюциясын 574 депутат колдосо, 38и каршы, 82и калыс болду. Депутаттар Европа кеңешинин буга чейин жарыяланган позициясын ырастап, Беларустагы 9-августта өткөн президенттик шайлоонун жыйынтыгын тааныбай турганын белгилешти. Читать дальше...

Европарламент Навальныйдын иши боюнча Орусияга каршы санкцияларды кеңейтүүгө чакырды.

Пандемияга байланыштуу алты айдан ашык тыныгуудан кийин эл аралык оюндар жандана баштады. Өлкөлөрдүн рейтинги менен материалдан таанышыңыздар.

17-сентябрда COVID-19 илдети 81 адамдан табылып, бул акыркы жети күндүн ичиндеги жогорку көрсөткүч болуп калды.

Бириккен Араб Эмираттарында (БАЭ) иштеген 21 жаштагы кыргызстандык мигрант жетекчисинин өлүмү үчүн соттолууда. Бул тууралуу 17-сентябрда «Азаттыкка» Кыргызстандын БАЭнин Дубай шаарындагы консулу Айбек Маматбеков билдирди. Анын айтымында, мигрант катышкан окуя быйыл июнда коронавирус эпидемиясы күчөп турган мезгилде болгон. БАЭнин мыйзамдары менен ал өмүрүнүн аягына чейин эркинен ажыратылышы мүмкүн. Маматбеков билдиргендей, консулдук сотко көз салып, мигранттын жазасын жеңилдетүү боюнча аракет көрүп жатат. Читать дальше...

Мурдагы элчи, Кыргызстанда «Орусиянын курамына кирүү маселеси талкууланып жатканын айтты» деген Раимкул Аттокуров - эки өлкөнүн тең жараны. Муну мурдагы элчи «Азаттыкка» өзү билдирип, Советтер Союзунан кийин жаңы паспорт алгандарга жол берилерин белгиледи: «Биз орус жарандыгын расмий түрдө алган эмеспиз. Союз кезинде келгендер ошо бойдон калып калышкан. Кыргыз жарандыгын президентке арыз жазып кабыл алгам, Союздан кийин. Азыр Кыргызстандын да, Орусиянын да жаранымын. Биздин мыйзам боюнча буга уруксат берилет. Читать дальше...

Кыргыстандын президенти Сооронбай Жээнбеков коронавирус экономикага терс таасир тийгизгенин белгилеп, Кытайга карыз төлөмдөрүн жеңилдетүү мүмүкүнчүлүгүн карап көрүүнү дагы бир жолу сунуш кылды. Пандемия Бээжиндин жалпы Борбор Азияга экономикалык жана саясий таасирин канчалык арттырышы мүмкүн?

АКШ Кыргызстандын мурдагы президенти Курманбек Бакиевдин үй-бүлөсү уурдады деген акчанын 4,5 миллион долларын 2019-жылы кайтарып берген. Бул тууралуу 17-сентябрда «Азаттыкка» Кыргызстандын Финансы министрлиги кабарлады. Мекеменин маалымат кызматы билдиргендей, кыргыз өкмөтүнүн «Бакиевдер коррупция жана мамлекеттик акчаны уурдоо жолу менен чыгарып кеткен» активдери кайтарылып, 2019-жылдын 20-мартында Башкы казыналыктын эсебине төрт миллион 560 миң 790 доллар келип түшкөн. Доллардын ошол кездеги... Читать дальше...

Коопсуздук кеңешинин бүгүнкү жыйынында коррупцияга каршы жаңы стратегия кабыл алынды. Президент Сооронбай Жээнбеков бул стратегия Кыргызстандын акыркы жылдары жасап жаткан ишинин ырааттуу уландысы болууга тийиш экенин айтып, сегиз жыл мурдагы стратегия өлкө туш болгон ошол кездеги коркунучтарга жооп бергенин белгиледи. Өлкө башчысы коррупциялашкан жетекчилер «өздөрүн бүтүндөй мамлекетке каршы коюп, саат сайын чакырык таштап, жемкорлуктун улам жаңы механизмдерин ойлоп таап» жатышканын, антикоррупциялык... Читать дальше...

Бир жума ичинде эле Москвадагы элчиликте консулдук каттоого турган кыргыз жарандары эки эсе көбөйдү. Төрт күндө эки миңдей мигрант форма-2 арызын жазды. Шайлоочулардын тизмеси кеминде дагы 2-3 миңге көбөйөт деген божомол бар. Элчиликте ачылган эки тилке шайлоочулардын баарына добуш берүүгө мүмкүнчүлүк түзүп бере алабы?

Өзбекстандык укук коргоочулар менен чет өлкөдө жашаган мурдагы саясий туткундар Швейцария өкмөтүнө ачык кат жазып, Гүлнара Каримованын активдеринин Өзбекстанда кайрадан коррупциялык схемалар аркылуу уурдалышына жол бербөөгө чакырышты.  Адам укуктары боюнча өзбек-немис форумунун демилгеси менен даярдалган ачык кат 16-сентябрда Uzbekforum.org сайтына жарыяланды. Активисттер Өзбекстанга кайтарылган каражаттын коррупцияга каршы күрөшүү боюнча реформаларды колдоого багытталышын талап кылышууда.  Онго жакын өзбекстандык укук коргоочулар... Читать дальше...

Беларуста Тергөө комитети оппозиция лидерлеринин бири Мария Колесниковага «улуттук коопсуздукка доо келтирген чакырык жасаган» деген айып койду.

Кыргызстанда 17-сентябрга карата 81 адамдан коронавирус табылды. Ушуну менен пандемия башталгандан бери инфекцияны жугузуп алгандардын жалпы саны 45153 кишиге жетти. Алардын 41317и сакайып, 1063ү жашоо менен кош айтышты. Өкмөт илдеттин экинчи толкуну болорун эскертүүдө. Шаар тургундары экинчи толкун боюнча кандай пикирде? Вирустан коргонуу үчүн эмнелерге көңүл буруу керек?

АКШда кибер чабуул үчүн шек саналып жаткан эки ирандык жаранга айып коюлду. Бул тууралуу Кошмо Штаттардын Юстиция министрлиги 16-июлда билдирди. Маалыматка ылайык, Ирандын Хамадан шаарынан чыккан 30 жаштагы Хуман Хейдарян менен 34 жаштагы Мехди Фархади америкалыктарга жана чет өлкөлүк жогорку окуу жайларына, Вашингтондогу бир эл аралык уюмга, ошондой эле АКШдагы, Европадагы жана Жакынкы Чыгыштагы башка уюмдарга киберчабуул койгону үчүн жоопко тартылууда.  Аларга хакерлик, көз боёмочулук жана адамдын... Читать дальше...

Россиялык балбан Ысык-Көлдөгү унутулгус окуу-машыгууну эскерип, анын чоң спорттогу жолунда Кыргызстандын өзүнчө орду бар экенин белгилеген.

Президент Сооронбай Жээнбеков Кыргызстанда жемкорлукка каршы күрөш жакшы жүрүп жатат жана бир топ коррупциялык схемалар ачылды деп эсептейт. Ал муну бийликтин коррупцияга каршы саясаты коомчулукта катуу сындалып жаткан учурда айтты. 17-сентябрда Коопсуздук кеңешинин кезектеги жыйыны өттү. Анда эки маселе - укук коргоо органдарынын жемкорлукка каршы иштеринин жыйынтыгы, 2021-2024-жылдарга карата Кыргызстанда коррупцияга каршы күрөшүү жана анын себептерин жоюу боюнча жаңы мамлекеттик стратегиянын долбоору каралды. Читать дальше...

Кыргызстанда үй-бүлөлүк зомбулукка кабылган аялдарга жардам берүү боюнча ар бир кадам жазыла турган колдонмо китепче даярдалууда. Бул тууралуу 17-сентябрда «Азаттыкка» Судья аялдар ассоциациясынын аткаруучу директору Зульфия Турумбекова билдирди: «Үй-бүлөлүк зомбулукка кабылгандар кайсы жакка кайрылышы керек экенин билишпейт. Ошондуктан биздин уюм алар үчүн ар бир кадамы көрсөтүлө турган колдонмо жазып жатат. Себеби 112 номуру аркылуу да алар тийиштүү жардам ала албайт экен». Турумбекова үйүндө... Читать дальше...