Новости за 15.11.2020

Пентагондун жетекчисинин милдетин аткаруучу Кристофер Миллер АКШнын Куралдуу күчтөрүнө кайрылып, Ооганстандан жана Жакынкы Чыгыштан америкалык аскерлерди алып чыгуу жараяны ыкчамдай турганын айтты. Миллердин 13-ноябрда жарыяланган кайрылуусунда «бардык согуштар токтотулушу керек жана үйгө кайтууга убакыт келди» деп айтылат. Ал өзү бул кызматка жакында эле дайындалган. Миллер АКШ мурдагыдай эле «Аль-Кайида» террордук тобуна сокку урууга милдеттүү экенин белгиледи. Бул топтун согушкерлери АКШда... Читать дальше...

15-ноябрда Румыниянын түндүк-чыгышында жайгашкан Пьятра-Нямц шаарындагы ооруканада COVID-19 илдетинен дарыланган бейтаптар жаткан бөлүмдө өрт чыгып, он киши көз жумду. Бир нече киши жараат алды. Бул тууралуу Румыниянын Өзгөчө кырдаал боюнча улуттук агенттиги билдирди. Көз жумган бейтаптар өпкөсү жасалма дем алдырчу аппаратка кошулуп, интенсивдүү дарылоодо жатканын "Эркин Европа/Азаттык" радиосунун румын кызматы кабарлады. Бейтаптардын өмүрүн сактап калууга аракеттенген дарыгердин териси 40% чейин күйүккө чалдыккан. Читать дальше...

Жекшембиде президент Дональд Трамп Демократиялык партиянын талапкери Жо Байден 3-ноябрда өткөн шайлоодо жеңгенин моюнга алгандай болду. Бирок Трамп шайлоонун жыйынтыгы "бурмаланды" деп  дагы кайталады. Ал “Твиттердеги” баракчасына “Шайлоо бурмаланганы үчүн ал жеңди” деп жазды. АКШдагы маалымат каражаттары Жо Байден жеңишке жеткенин сегиз күн мурун шайлоонун алдын ала жыйынтыгына таянып жарыялашкан. Демократиялык партиянын талапкери шайлоочулар коллегиясынын 290 добушуна ээ болгону кабарланган. Читать дальше...

Спортчуга жакын кишилердин маалыматына ылайык, Кейн футболчуларды карактаган кылмыштуу топтун курмандыгы болгон.

Кызмат иргөө, жетекчилик орунду аныктоо учурунда иши кылып «жаштар келсин!» деген ураан астына эмес, «жашына карабастан, кесипкөй реформачыл адис келсин!» деген ураан астында жүргөнү орундуу. Элмурат Кочкор уулунун кезектеги блогунун маңызы ушундай.

15-ноябрда Кытай баштаган 14 өлкө Түштүк-Чыгыш Азия өлкөлөрүнүн биримдигинин (AСEAН) жыйынында жаңы экономикалык макулдашууга кол койду. Эл аралык уюмдун быйылкы жыйыны Вьетнамдын Ханой шаарында уюштурулуп, бирок делегациялар видео-конференция аркылуу жыйынга катышты. Макулдашууга кол коюу дагы виртуалдык режимде өттү. Аймактык кеңири экономикалык өнөктөшүк деп аталган макулдашуу ага кошулган 15 мамлекеттин ортосунда соода-сатыкта тарифтерди төмөн кармоону көздөйт. Ошондой эле компаниялар макулдашууга... Читать дальше...

Тоолуу Карабактагы алты аптага созулган согушту токтотуу боюнча тынчтык келишиминин негизинде Армения Тоолуу Карабактагы мурда Азербайжанга таандык аймактарды өткөрүп бериши керек.

Борбордук шайлоо комиссиясы президент болууну каалаган талапкерлердин арызын кабыл алуу жараянын аяктады. 2020-жылдын 14-ноябрында саат 23:59го карата Борбордук шайлоо комиссиясына 65 талапкерден документтер келип түшкөн. Алардын ичинен Бакыт Бакетаев менен Жыпаркул Тургуналиев арыздарын кайра кайтарып алды. Ушуну менен Боршайкомдо 63 талапкердин документи калды. Алардын 62си президенттикке талапкерлигин өзүн-өзү көрсөттү, бир адам саясий партиянын атынан сунуш кылынды. Шайлоого талапкер болуп... Читать дальше...

Бүгүн (15-ноябрда) Беларус полициясы президент Александр Лукашенконун кызматтан кетишин талап кылып, нааразылык жыйындарга чогулгандардын бир нече ондогон өкүлүн кармап кетти. Нааразылык иш-чараларды уюштуруп жаткандар быйыл августтагы талаш-тартыштуу президенттик шайлоонун жыйынтыгын бурмаланган жыйынтык катары жокко чыгарууну талап кылышууда. Бүгүн өлкөнүн борбору Минск шаарынын Пушкинская метро бекетине жакын чогулган бир нече миңдей кишини таркатуу үчүн полиция жаш агызчу газ колдонду. Демонстранттар "Лукашенкону - трибуналга!"... Читать дальше...

Кыргызстанда «Дин маданиятынын тарыхы» сабагын мектептерге толук киргизүү 2020-2021-окуу жылында да ишке ашпады.

Мелдештин кезектеги беттешинде мушкер Диас оң колдоп узаткан кубаттуу соккусу менен атаандашы Бенедеттону бүк түшүргөн.

Армения Тоолуу Карабактагы мурда Азербайжанга таандык аймактарды 15-ноябрдан тартып Азербайжан бийликтерине тапшырууга милдеттүү. Бул шарт жикчил Тоолуу Карабак аймагындагы алты аптага созулган согушту токтоткон тынчтык келишиминин бир бөлүгү болуп саналат. Калбажар (армянча "Карвачар") районунун көптөгөн армян тектүү тургундары 14-ноябрдан тартып көчүп кете баштагандыгын, алардын айрымдары кетээринде өз үйлөрүн өрттөп салышкандыгын "Азаттыктын" Армян кызматы маалымдады. Калбажар районунда мурда негизинен азербайжандар байырлашчу. Читать дальше...

Улуу жазуучу Чыңгыз Айтматовдун чыгармачылык жана өмүр жолун баяндаган «Евразиялык жазуучунун даңазалуу жолу» деген китеп Лондон шаарында жарык көрдү. Китепти жазуучу менен көп жылдар бирге иштешкен, анын чыгармаларын англис, немис тилдерине которуу жана чет өлкөлөрдө жайылтуу менен алектенип келаткан Лондондогу Чыңгыз Айтматов академиясынын жетекчиси, лингвист-профессор Рахима Абдувалиева жазган. Бул тууралуу Абдувалиева менен кызматташып жүргөн Нурболот Азамат билдирди. «Адатта Айтматов боюнча... Читать дальше...

Садыр Жапаровдун Борбордук шайлоо комиссиясындагы (БШК) ыйгарым укуктуу өкүлү Александр Мощин 15-ноябрда БШКга мурда тапшырган документтерин кайтарып алып кайра арыз тапшырганы тууралуу түшүндүрмө берди. Анын билдирүүсүн президенттин басма сөз кызматы таратты. Маалыматка караганда, Жапаров президенттикке талапкерлигин көрсөтүү үчүн Боршайкомго 14-ноябрда эртең менен документтерин толук тапшырган эмес. Ал президенттин жана премьер-министрдин ыйгарым укуктарын токтотууга жана өткөрүп берүү боюнча иштерден бошобой калгандыктан... Читать дальше...

Кыргызгидрометеорология агенттиги билдиргендей, 15-16-ноябрь күндөрү аба ырайы кескин өзгөрөт. Көпчүлүк аймактарда мезгил-мезгили менен жаан жаап, карга айланат. Тоо этектеринде жана тоолуу райондордо кар жаайт. Тоолуу райондордо жолдор тайгак жана тоңголок болуп, кар күрткүсү пайда болот. Батыштан соккон шамалдын ылдамдыгы айрым жерлерде секундасына 15-20 метрге жетет. Мындай туруксуз аба ырайы жайыттарда малды кармоону, автоунаа, энергетика жана коммуналдык кызматтардын ишин кыйындатат. Абанын температурасы... Читать дальше...

Президенттик шайлоонун жыйынтыктары аныкталганга чейин премьер-министрдин кызматтык ыйгарым укуктары токтотулду. Тиешелүү буйрукка 15-ноябрда премьер-министр Садыр Жапаров кол койгонун өкмөттүн басма сөз кызматы билдирди. Ушул эле буйрукка ылайык, шайлоо мезгилинде премьер-министрдин милдеттерин аткаруу мыйзам боюнча биринчи вице-премьер-министр Артем Новиковго жүктөлдү. Кыргызстанда 4-октябрда кезектеги парламенттик шайлоо өтүп, анын бурмаланган жыйынтыгына нааразы болгон он чакты саясий партия 5-октябрда Бишкекте митинг өткөргөн. Читать дальше...

Кыргызстанда президенттик шайлоого катышуу үчүн Борбордук шайлоо комиссиясына (БШК) 14-ноябрь, саат 23:59гө карата жалпы 65 жаран документин тапшырды. Алардын ичинен Бакыт Бакетаев менен Жыпаркул Тургуналиев арыздарын кайра кайтарып алды. Ушуну менен Боршайкомдо 63 адамдын документи калды. Алардын 62си президенттикке талапкерлигин өзүн-өзү көрсөттү, бир адам саясий партиянын атынан сунуш кылынды. Шайлоого талапкер болуп катышуу тууралуу ниетин билдиргендердин сегизи аял, 55и эркек. Президенттик... Читать дальше...

Коронавирус күнүгө 1300дөн ашык адамдан аныкталып, илдет күчөп турган маалда 15-ноябрь күнү Молдовада президенттик шайлоонун экинчи айлампасы өтүп жатат. 1-ноябрда өткөн шайлоодо учурдагы президент,  орусиячыл Игорь Додон (36,16%) жана анын башкы атаандашы, батышчыл саясатчы Майя Санду (32,61%) шайлоочулардын 50%  ашыгынын добуш ала алган эмес. Шайлоонун биринчи айлампасында шайлоочулардын катышуусу 42,76%  гана түзгөн. Эң төмөнкү добуш берүү 25 жашка чейинки жаштар арасында болду. Молдовада 2 143 шайлоо участкалары ачылды. Читать дальше...

Кыргызстанда соңку бир күндүн ичинде дагы 22 медициналык кызматкерден коронавирус аныкталды. Алардын ичинен беш медкызматкерге вирус кызыл зонада жуккан: Баткен облусунда – 4 (экөө кызыл зонада); Бишкек шаарында – 3 (экөө кызыл зонада); Чүй облусунда – 5 (бирөө кызыл зонада); Ош облусунда – 1; Жалал-Абад облусунда – 1; Талас облусунда – 2; Ысык-Көл облусунда – 6. Ал эми бир суткада жети медкызматкер үй карантинден айыгып чыкты. Жалпысынан өлкө боюнча COVID-19 диагнозу менен медициналык кызматкерлер арасында ... Читать дальше...

Мексиканын Саламаттык сактоо министрлиги 14-ноябрда акыркы бир күндө 5 860 адамдан коронавирус аныкталып, бул оору жалпы бир миллион 3 253 кишиге жукканын кабарлады.  635 бейтап каза болуп, COVID-19 илдетинен көз жумгандардын жалпы саны 98 миң 259 кишиге жеткен. Муну менен Мексика адам өлүмү боюнча АКШ, Бразилия жана Индиядан кийинки эле төртүнчү орунга чыкты. Сөз болуп жаткан өлкө бир миллион кишиге коронавирус жуккан 11 мамлекеттин катарына киргени менен Европа өлкөлөрүнө салыштырмалуу кайрадан чектөө чараларын киргизүүнү карай элек. Читать дальше...

Коронавируска каршы республикалык ыкчам штабдын бүгүнкү, 15-ноябрдагы маалыматына караганда, кечээтен бери бул илдеттен үч адам каза болду. Алардын экөө Бишкек шаарынан, бирөө Ош облусунда. Жалпысынан март айынан бери көз жумгандардын саны 1 199 кишиге жетти. Соңку бир күн ичинде вирус дагы 551 адамдан табылды. Алардын эң көбү Бишкек шаарында – 147 киши жана Чүй облусунда 104, Жалал-Абад облусунда 77, Ысык-Көлдө 62, Баткен облусунда 54 бейтап. Оору жуккандардын жалпы саны 66 504 адамга жетти. Читать дальше...

Арменияда 14-ноябрда оппозициялык «Мекен» партиясынын лидери, Улуттук коопсуздук кызматынын мурдагы жетекчиси Артур Ванецян кармалды. Ал Армениянын премьер-министри Никол Пашинянды өлтүрүүгө даярдык көргөн деп шек саналууда. Анын адвокаты Лусин Сахакян Ванецяндын ата-энесинин батиринде тинтүү жүргүзүлгөнүн кабарлады. Тергөөчүлөр «Мекен» партиясынын лидеринин өз үйүнүн дарегин билбегендиктен, тинткен эмес. Адвокаттын айтымында, Артур Ванецян ишемби күнү Улуттук коопсуздук кызматынын Тергөө башкармалыгына... Читать дальше...

Орусия Кыргызстанга каржылык жардам көрсөтүүнү этап-этабы менен ишке ашырат. Бул тууралуу 14-ноябрда Кыргызстандын биринчи вице-премьер-министри Артем Новиковдун Орусиянын президентинин администрациясынын жетекчисинин орун басары Дмитрий Козак менен жолугушуусунда айтылды. Кыргыз өкмөтүнүн басма сөз кызматы тараткан маалыматка ылайык, Москвада өткөн жолугушууда эки тарап Кыргызстандагы коомдук-саясий кырдаалды талкуулашты. Кыргызстанда 4-октябрдагы парламенттик шайлоонун баштапкы жыйынтыгына... Читать дальше...

Каныбек Исаковдун капыс дүйнө салышы жаамы журттун кабыргасын кайыштырды. Ал ириде мыкты уюштуруучу, айкөл адам, таланттуу адабиятчы эле. Каргашалуу апаат кыргыздын дагы бир азаматын алып тынары, улуттук милдетти аркалачу инсандын минтип мертинип каларын ким ойлоптур? Арман дүйнө деген ушул экен, бүгүн бар, эртең жок. Университет Каныбек Исаков республикадагы белгилүү окуу жайын заманбап даражага жеткирип, Борбор Азиядагы саналуу университеттердин катарына кошуп, кийин министр болуп, зоболосу көтөрүлгөндө баштагы калыбынан жазбады... Читать дальше...

Садыр Жапаров президенттин милдетин аткаруучу кызматын тапшырып бергенден кийин, Конституцияга ылайык, президенттин милдетин аткара баштаган спикер Талант Мамытов 14-ноябрда кайрылуу жасады. Анда Кыргызстан 4-октябрда өткөн парламенттик шайлоодон кийинки саясий кризистен чыкканы, ушул тапта укук коргоо органдары, соттор, мамлекеттик жана жергиликтүү өз алдынча башкаруу органдары штаттык режимде иштеп жатышканы айтылат. Ал чакан жана орто бизнести коргоо, өнүктүрүү иштери колго алынганын, тышкы... Читать дальше...