Новости за 23.07.2021

Орусиянын Брянск облусундагы Сельцовское шаардык клиникасынын кызматкерлери кишилерге коронавируска каршы эмделгени тууралуу документти акчага даярдап берип турганы аныкталды. Ал эми вакцинаны жок кылып турушкан. Бул тууралуу облустун губернатору Александр Богомазага шилтеме берип, "Интерфакс" агенттиги кабарлады. Бул факты боюнча кылмыш иши козголду. Тергөөнүн маалыматы боюнча Брянскинин 33 жаштагы тургуну ооруканада программист болуп иштеген таанышына эмдөө тууралуу маалымдаманы базага киргизип, жасалма документ даярдап берүүнү сунуштаган. Читать дальше...

Төрт жылдан бери салынып жаткан Бишкек - Кара-Балта жолу бүтө элек. Жол салуунун кечеңдеп жатышы айдоочулар менен жүргүнчүлөрдүн нааразылыгын жаратып келет. Эл жыш жашаган калктуу пунктарды аралап өткөн бул жол Кыргызстанда салынып жаткан кымбат жолдордун бири экени белгилүү. Транспорт жана коммуникациялар министрлиги Бишкек - Кара-Балта жолу 2022-жылы күзүндө толук бүтөрүн билдирди.

Жапониянын башкалаасындагы Олимп стадиондунда чектелүү сандагы кишилердин катышуусунда ачылыш салтанаты болду. Ачылуу аземине катышуучулар беткап тагынып чыгышты. Бирок Кыргызстандын спортчулары беткап тагынган жок. Токиодогу Олимп оюндары пандемия шартында өтүп жатат.

Токиодогу жайкы Олимпиада оюндарына Кыргызстандан 16 спортчу катышууда. Жаштар иштери, дене тарбия жана спорт агенттиги кыргыз спортчулары бир алтын, эки күмүш жана эки коло медал утат деп божомолдоп турат.

Укук коргоочу Азимжан Аскаровдун абакта каза болгонуна бир жыл болду. Аскаровдун жакындары укук коргоочунун акталышын, анын өлүмүнүн тыкыр иликтенишин талап кылып келишет. “Азимжан Аскаров менен акыркы жолу 3-июлда (ред: 2020-жыл) мекеменин телефону аркылуу сүйлөштүм. Мен жолукканы барам деп жүргөм. Ошол сүйлөшкөндө “келбей тур, карантин болуп калды, кыйналасың” деген болчу. 2010-жылдан бери мага күндөлүк жазат болчу. Анда 8-июлдан бери дене табы көтөрүлүп жатканы жазылган. Ошентип, 25-июлда көз жумду. Читать дальше...

АКШнын Борбордук чалгын башкармалыгынын жетекчиси Уильям Бернс чет өлкөдөгү элчиликтерде иштеген америкалык дипломаттардын "Гавана синдрому" аттуу табышмактуу оорусунун себептерин аныктоо иштери күчөтүлгөнүн билдирди. Бул илдет баш оору, көңүл айнуу жана эс тутумдун жоголушу сыяктуу белгилер менен коштолот. Ал "Гавана синдрому" деген ат менен алгачкы жолу 2016-жылы АКШнын Кубадагы элчилигинде иштеген 10 дипломаттан аныкталган. Ошондон бери АКШнын Кытайдагы, Орусиядагы, Европадагы жана Борбор... Читать дальше...

Беларуста Минск шаардык аткаруу комитетинин чечими менен шаардык юстиция башкармалыгынан мамлекеттик каттоодон өткөн жыйырмага чукул коомдук уюм жоюла турганы кабарланды. Алардын арасында "Имена" кайрымдуулук уюму, медиа боюнча иштеген "Пресс-клуб Беларусь" жана Human Constanta, Lawtrend укук коргоо борборлору бар. Мындан сырткары билим берүүнү, жаштарды жана жаштар демилгелерин колдоо, калкты жумуш менен камсыздоого көмөктөшүү сыяктуу социалдык көйгөйлөр менен иштеген бейөкмөт уюмдар дагы жоюла... Читать дальше...

Вакцина алгандан кийин каза болгон аялдын окуясын атайын комиссия иликтемей болду. 22-июлда маркумдун кызы видео тартып, апасы Sputnik V менен эмделгенденден көп узабай дене табы көтөрүлүп, ооруканада көз жумганын айтып берген. Дарыгерлер өлүмгө эмне алып келгенин так айтуу эрте экенин белгилешет. Комиссия түзүлгөнүн жума күнү саламаттык сактоо жана социалдык өнүктүрүү министринин орун басары Жалалидин Рахматулаев Бишкектеги брифингде билдирди: “Соттук-медициналык экспертиза дайындалды. Анын... Читать дальше...

Учурда Япониянын борборунда Олимпиада оюндарынын ачылышы өтүп жатат. Жаштар иши, дене тарбия жана спорт агенттиги кыргызстандык атлетчилер мелдешке толугу менен даяр экенин кабарлады.

68 миң көрүүчүгө ылайыкташкан стадион дээрлик бош, болгону 950 киши киргизилди. Алар расмий өкүлдөр жана журналисттер.

Бүгүн Япониянын Токио шаарында XXXII жайкы Олимпиада оюндары башталып, расмий ачылышы өтүүдө. Төрт жылда бир жолу өтүүчү бул ири мелдешке Кыргызстандан 16 атлет катышат.

Пандемияга байланыштуу былтыр өтпөй калган Олимп оюндары Жапониянын баш калаасы Токиодо башталды. Калаада эпидемиологиялык кырдаал кооптуу болгондуктан оюндардын ачылыш аземи дагы шаан-шөкөтсүз өтөт деп күтүлүүдө. Уюштуруучулар буга чейин билдиргендей, 68 миң орундуу стадионго болгону 950 көрүүчү киргизилет. 15 дүйнө лидери катышат. Коронавирусту жугузуп алгандардын саны кескин көбөйгөнүнө байланыштуу Токиодо өзгөчө кырдаал режими жарыяланган. Эки апта мурда таймаштарга көрүчүүлөрдү киргизбөө чечими кабыл алынган. Читать дальше...

Америка Кошмо Штаттары ушул айдын башындагы каршылык акцияларын катаал жол менен басып, адам укуктарын одоно бузганы үчүн Кубанын коргоо министри Альваро Лопеса Миераны санкциялык тизмеге кошту. Бул тууралуу АКШнын Финансы министрлиги кабарлады. Мына ушундай эле чектөөлөр Кубанын Ички иштер министрлигинин Улуттук атайын бригадасына (SNB) карата дагы колдонулду. Бул санкциялар коргоо министри Альваро Лопеса Миера менен Улуттук атайын бригаданын АКШдагы банк эсептерине бөгөт коюп, алар менен ар кандай каржылык алака кылууга тыюу салат. Читать дальше...

Орусияга барган кыргызстандыктар 25-июлдан тартып коронавируска тапшырган тесттин жыйынтыгын уюлдук телефондогу “COVID-19cуз саякаттайм” деген тиркеме аркылуу көрсөтүшү керек. Бул тууралуу Кыргызстандын Министрлер кабинети кабарлады. Ага ылайык, Орусия 20-июлда өлкөгө Евразия экономикалык биримдигине (ЕАЭБ) мүчө мамлекеттерден келген жарандарга жаңы талап киргизген. Тесттин жыйынтыгы Орусияга барарга үч күн калгандан кем эмес аралыкты чыгышы шарт. Ал эми аталган уюмга мүчө мамлекеттерге Орусия... Читать дальше...

"Кɵчмɵндɵр жүрүшү" ат жүрүшүнүн республикалык федерациясы" коомдук бирикмесинин башкы машыктыруучусу Жаныбек Дүйшөбаев Кыргызстанда алгачкы ирет аргымактар марафону өтүп жатканын айтты.

Жапониянын баш калаасы Токиодо өтө турган Олимп оюндарынын расмий ачылышына бир нече сааттар калды. Бирок Казакстандын телеканалдары спорттук мелдешти трансляцилоо укугун алганы белгисиз бойдон турат. Спорт иштери боюнча мамлекеттик комитеттин төрагасы Серик Сапиев 23-июль күнү эртең менен "Студия 7" телепрограммасына курган маегинде олимпиаданы чагылдыруу укугун алуу боюнча сүйлөшүүлөр дагы деле жүрүп жатканын айтты. Ал ошондой эле анын жыйынтыгы жакынкы сааттарда белгилүү болорун билдирди. ... Читать дальше...

Кыргызстан Олимпиада оюндарынан канча медаль алышы мүмкүн. Бийлик өкүлдөрүнүн жана букмекерлердин божомолу тууралуу Sputnik Кыргызстандын материалынан окуңуз.

Жапониянын баш калаасы Токиодо өтө турган Олимп оюндарынын ачылыш аземи 23-июлда жергиликтүү убакыт боюнча кечки саат 20:00дө башталат (Бишкек убактысы кечки саат 17:00). Бир жыл кеч өтүп жаткан Токио-2020 оюндарынын ачылыш аземи пандемияга байланыштуу бир топ чектөөлөр менен өткөнү турат. Уюштуруучулар аземдин ачылышы боюнча кеңири маалымат жарыялаган жок. Оюндар өтө турган 68 миң кишиге ылайыкташкан стадиондо болгону 950 адам болот. Дүйнөлүк лидерлерден он бештей гана конок катышары дайын болду. Читать дальше...

Тажикстандын Жогорку экономикалык соту Литванын Skyroad Leasing авиакомпаниясынын "Тажик Эйр" мамлекеттик компаниясына доосун канааттандырды. 22-июлда Тажикстандын Жогорку экономикалык сотунун судьясы Бахтиёр Наимзода Душанбе шаардык экономикалык сотунун чечими жокко чыгарылып, Литванын арбитраждык сотунун чечимин кайра кароонун негизинде литвалык Skyroad Leasing авиакомпаниясынын дооматы негиздүү деп табылганын жарыялады. Душанбе шаардык экономикалык соту 2019-жылы 12-апрелдеги чечими менен... Читать дальше...

Президент Садыр Жапаров Ички иштер министрлигине (ИИМ) мас айдоочуларды аныктоо үчүн текшерүүнү күчөтүүнү жана айрыкча Ысык-Көлгө кошумча күч тартууну тапшырды. “ИИМ жайкы туристтик мезгилде жолдордо адамдардын коопсуздугун камсыз кылуу чараларын күчөтүшү керек. Мамлекет башчысы мас абалында унаа башкарган айдоочуларды аныктоо жана Ысык-Көлгө кошумча күч тартууну тапшырды. Мындан тышкары, жолдордогу кыймылга, эрежелерди сактоого көзөмөлдү күчөтүү тапшырылды”, - деп айтылат президенттин басма сөз кызматы тараткан маалыматта. Читать дальше...

Президент Садыр Жапаров 23-июлда Бишкек шаарындагы Bishkek Park соода борборунда ачылган эмдөө түйүнүндө коронавируска каршы кытайдын Sinopharm вакцинасын алды. Өлкө башчысы андан кийин элге кайрылып, эмдөөдөн өтүүгө чакырды. Ошондой эле, вакцинацияга байланыштуу жалган маалыматтарга ишенбөө керектигин айтты.

Казакстанда соңку суткада коронавирус инфекциясынын жаңы 6 119 учуру лабораториялык жактан тастыкталды. Бул Казакстанда пандемия башталгандан берки эң көп көрсөткүч болду. Өткөн аптада коронавирус илдетинин суткалык өсүүсү күн сайын беш миң кишинин тегерегинде болгон. Ошентип, көпчүлүк бир кыйла төмөндөтүлгөн деп эсептеген статистикалык эсеп боюнча Казакстанда коронавирус жугузуп алгандардын саны 2020-жылдын март айынан бери 516 117ге жетти. Казакстандын Саламаттык сактоо министрлиги коронавирус... Читать дальше...

Тажикстан 100 миңге чейин ооган бозгундарын кабыл алып, өлкөгө жайгаштыра аларын жарыялады. Учурда Ооганстандын түндүгүндөгү Тажикстан менен чектешкен райондорунун көпчүлүгү "Талибан" кыймылынын колунда экени белгиленди. Таджикистандын Өзгөчө кырдаалдар комитетинин төрагасынын орун басары Эмомали Иброхимзода качкындарды кабыл алууда маселе жаралса, тажик бийлиги эл аралык уюмдарга кайрыларын билдирди. Ал ооган качкындары үчүн азык-түлүк сактоочу кампалар Хорог менен Кушани райондорунда курулуп жатканын билдирди. Читать дальше...

Буга чейин ЖМКлардын бири Олимпиадага барчу делегациянын курамына аткаминерлер, жадагалса депутаттар дагы киргенин жазган.

Ысык-Көлдүн жээги, “Аалам” эс алуу жайынын пляжы. Тээ тоо башынан кылайып чыккан ай нуру көлгө чагылып бир керемет. Качандыр бир кезде уккан ырдын кайрыктары жандүйнөгө жылуу сезимди пайда кылат. Айтылуу Ат-Башынын Босого жайлоосунда “Кожожаш” кинотасмасы тартылып атканда жергиликтүү тургун Бурма апанын боз үйүндө даңазалуу ырчы Сагийпа Чечейбаева менен жолдошу Асанбек аба болуп чогуу туруп калдык. Күүгүмдө Бурма апа: - Ыя, Сагийпа бу сенин ырдаганыңды радиодон эле угабыз. Бир үнүңдү созуп койчу өз үнүңдү жаныңдан угайын? Читать дальше...