Новости за 11.10.2021

Кадамжай районуна караштуу Үч-Коргон айылындагы мүмкүнчүлүгү чектелген балдар үчүн иштеп жаткан атайын көмөкчү жатак мектептин спорт залы кулаганы турат. Бул тууралуу Акыйкатчы институту 11-октябрда аталган жайды жеринен барып, көрүп кабарлады. “Укук кербени” долбоорунун алкагында аймактарды кыдырган топ Үч-Коргондогу жатак мектептин санитардык абалы дурус экенин, тамак-аш мамлекеттик талаптарга жооп берерин аныктап, спорт залы гана кыйроо абалында деген бүтүм чыгарды. "Дубалдардан жарака кеткен жана шыбактары көчүп... Читать дальше...

Кыргызстандын өкмөтү менен Индиянын Тышкы иштер министрлигинин ортосунда эки тараптык кызматташтык боюнча меморандумга кол коюлду. Анын алкагында саламаттыкты сактоо, айыл чарба жана агроөнөр жай, кайра жаралуучу энергия булактары, соода жана кыргыз экономикасынын башка артыкчылыктуу тармактары боюнча социалдык жактан маанилүү долбоорлорду ишке ашыруу үчүн ар бирине 1,5 миллион долларга чейин каражат бөлүнөт. Ошондой эле Индия өкмөтү тарабынан Кыргызстанга 200 миллион доллар жеңилдетилген кредит... Читать дальше...

Кыргыз ССРинин жана Бурят АССРинин эл артисти, "Данакер" орденинин ээси, белгилүү опера ырчысы Ирина Деркембаева 94 жашында акка моюн сунду. Маркумдун сөөгү 11-октябрда Бишкекке коюлду. 1950-1980-жылдар аралыгында опера искусствосуна барандуу салым кошкон Ирина Деркембаева менен коштошуу зыйнатында замандаштары аны кыргыз опера искусствосун негиздөөчүлөрүнүн бири катары эскеришти. Анткени Деркембаеванын чыгармачылык мезгили өткөн кылымдын 50-жылдарынан тартып, 80-жылдарга чейинки кыргыз операсынын гүлдөгөн маалына туш келет. Читать дальше...

Бишкек шаарынын Биринчи май райондук соту камактагы саясатчы Равшан Жээнбековдун 28-ноябрда өтө турган парламенттик шайлоого талапкер катары катталуусуна уруксат берди. Жээнбеков бүгүн, 12-октябрда Жаза аткаруу кызматынын кайтаруучуларынын коштоосунда Борбордук шайлоо комиссиясына барып, арызын тапшырат. Бул тууралуу ал Фейсбуктагы баракчасына жазып, соттун чечимин тиркеген. "Сот менин парламенттик шайлоого Бишкек шаарынын Ленин райондук округунан бир мандаттуу талапкер катары катталууга болгон арызымды канааттандырды. Читать дальше...

Австрияда узак жылдардан бери дипломатиялык кызматтарды аркалап келген Александр Шалленберг 11-октябрда ант берип, канцлердик кызматка киришти. Эки күн мурда Себастьян Курц коррупцияга байланыштуу иликтөөлөрдөн улам канцлердик кызматтан кеткен эле. 52 жаштагы Шалленберг 2019-жылдан бери тышкы иштер министри болуп иштеп келген жана Курцтун консервативдүү Элдик партиясынын мүчөсү болчу. Анын ордуна Тышкы иштер министрлигинин жетекчилигине Австриянын Франциядагы элчиси болуп иштеп келген Майкл Линхарт дайындалды. Читать дальше...

Президент Садыр Жапаров 11-октябрда "Кыргыз Республикасынын Министрлер кабинети жөнүндө" конституциялык мыйзамына кол койду. Документти Жогорку Кеңеш 6-октябрда кабыл алган. Мыйзамга ылайык, Министрлер кабинетинин төрагасы жана анын мүчөлөрү, башка аткаруу бийлик органдарынын жетекчиси кызматына талапкерлер жогорку билимдүү, мамлекеттик же муниципалдык кызматтарда жалпысынан 10 жылдан кем эмес иш тажрыйбасы бар, анын ичинен беш жыл жетекчилик кызматтарда иштеши зарыл. Кыргызстандын жараны болуп... Читать дальше...

Кажы-Сай - Ысык-Көлдүн тескей жээгиндеги саякатчылардын сүйүктүү аймагы. Көгүлтүр көлдүн бул тарабына күңгөйдөгү кымбат мейманкана, клуб, кажы-кужудан качып, табиятты сүйгөндөр көбүрөөк тартылат. Муун алмашып, убакыт өткөн сайын уран калдыктары да унутулуп, эл жашоонун жаңы жолдорун издеп жаткандай.

Жер көйгөйү боюнча Оштон жөө жүрүшкө чыккандар Бишкекке келишти. Шайлоого катышуу үчүн арыз берген 75 партиянын он чактысы тизмесин бекитишти. Кыргызстандын Тышкы иштер министрлиги 249 ооган студентине виза бере турган болду. Алматыда "тыюу салынган уюмдун ишмердигин уюштурган" жана “ага катышкан” деп айыпталган оппозициячыл 13 активистке сот өкүмү чыкты.

Пакистандын түштүк-батышындагы Белужистан провинциясында жолго катылган бомба жарылып, андан Карачиде урду тилинде кабар тараткан "Метро Ньюз 1" телеканалынын журналисти Шахид Зехри мерт болду. Анын кесиптештеринин жана расмий жетекчилердин айтымында, бомба 35 жаштагы Зехри досу менен кошо Пакистандын түндүк-батышындагы Карачи шаарына автоунаа менен бара жаткан учурда жарылган. Бул окуя үчүн чөлкөмдөгү жикчил кыймыл топ катары мүнөздөлгөн "Белужистандын боштондук армиясы" жоопкерчилик алды. ... Читать дальше...

Алматыдагы Алмалы райондук соту "тыюу салынган уюмдун ишмердигин уюштурган" жана “ага катышкан” деп айыпталган оппозициячыл 13 активистке өкүм чыгарды. Алардын айрымдары беш жылга чейин эркинен ажыратылды.

Орусиянын жаза аткаруу мекемеси абактагы оппозициячыл саясатчы Алексей Навальныйды "экстремисттик жана террорчул идеологияны жайылткан" адам катары каттоого алды. Бул тууралуу Навальный 11-октябрда "Инстаграмдагы" барагына жазды. Ал түрмө комиссиясы мындай чечимди бир добуштан колдогонун белгиледи. Орус оппозициясынын лидери жазгандай, ушул эле күнү түрмө жетекчилиги Навальныйды "качып кетүү коркунучундагы" адамдардын тизмесинен чыгарган. Саясатчы жана анын адвокаттары мындай тизмеде турган адамдарды... Читать дальше...

Ооганстандагы талибдердин ислам укугун чечмелегени жана колдонгону мусулмандар калкы басымдуу башка өлкөлөрдөн өтө эле айырмаланат. "Талибан" кыймылы (Кыргызстанда тыюу салынган) түзгөн өкмөт Ооганстанды ислам укугунун негизинде башкара турганын ырастап келет. Андай башкаруу суннилердин катаал шариат түшүндүрмөсүнө негизделген. Ислам укугунун универсалдуу эреже-жоболору жок. Себеби, шариатты негизги беш мектептин өкүлдөрү өз алдынча түшүндүрөт, анын төртөө сунни (суннит) багытында, соңку бешинчиси – шиилер (шиит). Читать дальше...

Президент Садыр Жапаров Министрлер кабинетинин төрагасы-президенттик аппараттын жетекчисинин милдетин аткаруучу кылып Акылбек Жапаровду дайындады. Ушу тапта жаңы өкмөттүн курамы Жогорку Кеңеште каралууда. Жогорку Кеңеш бүгүн 13-октябрда Министрлер кабинетинин төрагасын, анын орун басарларын жана кабинет мүчөлөрүн дайындоого макулдук берүү маселесин карап жатат. Өз сөзүндө өкмөт башчылыкка сунушталган Акылбек Жапаров өлкөгө жаңы экономикалык саясат керек болуп жатканын айтты: “Анын негизинде таза эмгек... Читать дальше...

Президент Садыр Жапаров Министрлер кабинетинин төрагасы-президенттик аппараттын жетекчисинин милдетин аткаруучу кылып Акылбек Жапаровду дайындады. Жаңы өкмөттүн курамы ушу тапта парламенттин тиешелүү комитетинде каралууда. Акылбек Жапаровду жаңы Конституцияга ылайык Министрлер кабинетинин төрагасы-президенттик аппараттын жетекчиси кызматына сунуштаганын мамлекет башчы Садыр Жапаров 12-октябрда жарыялады. Ал социалдык түйүндөрдөгү расмий баракчасына Жапаров өлкө экономикасын кризистен алып чыгууга убада бергени менен түшүндүрдү. Читать дальше...

“Азаттыктын” өкмөттөгү ишенимдүү булактарынан белгилүү болгондой, жакынкы күндөрү кыргыз өкмөтүндө кадрдык өзгөрүүлөр күтүлүп жатат. Тактап айтканда, өкмөттүн курамы алмашып, Министрлер кабинетинин төрагалыгына учурдагы экономика жана финансы министри Акылбек Жапаровдун талапкерлиги каралып жатканы кабарланды. Президент Садыр Жапаровдун бийликке келгенине де-факто бир жыл болуп, парламенттик шайлоо босогодо турганда өкмөттү жетектөө Акылбек Жапаровго тапшырылып жатканына эмне себеп болду? “Азаттыктын”... Читать дальше...

Талас шаарындагы Kerben Palace мейманканасында ээнбаштык кылган шектүү кармалды. Бул тууралуу Талас облустук милициясынын басма сөз кызматы билдирди. Маалыматка караганда, окуя 11-октябрь күнү таңкы саат 4төр чамасында  болгон. 38 жаштагы жаран мейманкананын эшиктерин сындырып, чатак салган. Мындан сырткары  эки автоунаанын айнектерин талкалаган. Окуя тууралуу журналист Авланбек Жумабаев социалдык тармактарга жазып чыгып, шектүүнүн милицияда иштей турганын билдирген. Милиция бул маалыматты четке какты. Читать дальше...

Кыргызстандын мурдагы президенти Алмазбек Атамбаев парламенттик шайлоого талапкер катары катышпоону чечти. Ал "Социал-демократтар" партиясынын бара турган талапкерлерди сүрөп турат. Бул тууралуу аталган партиянын лидери Темирлан Султанбеков өзүнүн Facebook баракчасына жазып, Атамбаев менен бул маселе боюнча бир нече ирет кеңешип чыкканын белгилеген. Анын айтымында, партияны мурдагы президенттин уулу, Бишкек шаардык кеңешиндеги фракциянын лидери Кадырбек Атамбаев баштап барат. "Социал-демократтар" талапкерлердин толук тизмесин түзө элек. Читать дальше...

Голландиялык студенттер Күндөн алган энергия менен жүргөн дөңгөлөк үстүндөгү үй жасашты. Эми Эйндховен технологиялык университетинин студенттери ашканасы, керебети бар бул унаа менен саякатка жөнөшөт.

Кыргыз өкмөтүнүн Соттук өкүлчүлүк борбору кабарлагандай, Кыргызстан 8-октябрда Penwell Business Limited компаниясынын Кыргызстанга каршы эл аралык арбитраждык сотко берген доосунда утуп чыкты. Доогер талап кылган 298 миллион доллар өлчөмүндөгү кенемтени сот толугу менен канааттандырган жок. Буга кошумча, арбитраждык соттук кеңеш доогер Кыргызстанга инвестиция алып барууда жергиликтүү өнөктөштөрүнүн жардамы менен бир нече ирет коррупциялык иш-аракеттерге барганын аныктады. Penwell Business Limited... Читать дальше...

АКШ Доха шаарында өткөн Вашингтондун өкүлдөрүнүн “Талибан” кыймылы менен эки күндүк сүйлөшүүсү “ачык жана адискөйлүк” маандайда жүргөнүн билдирди. 9-10-октябрда өткөн сүйлөшүүнүн өзөгүн коопсуздук, терроризм сыяктуу Ооганстанга байланыштуу талылуу маселелер түздү. Мамлекеттик департаменттин басма сөз катчысы Нед Прайстын 10-октябрдын кечинде тараткан билдирүүсүндө: “Кошмо Штаттардын делегациясы коопсуздук, терроризм коркунучуна, америкалык жана башка чет элдик жарандардын, биздин ооган өнөктөштөрдүн аман-эсен чыгып кетишине басым жасады”... Читать дальше...

"Улуттар биримдиги" партиясынын 11-октябрда Бишкекте өткөн курултайы жыйынтыкталды. Анда парламенттик шайлоого катышуу үчүн 54 талапкердин тизмеси такталып, бекитилди. Тизмени аталган партиянын лидери Мелис Мырзакматов баштап барат. Бул тууралуу "Кыргызстан Элдик-Демократиялык саясий партиясынын" лидери Артур Медетбеков "Азаттыкка" билдирди. Тизменин алдыңкы сабында Артур Медетбеков, Нарындын мурдагы губернатору Бейшен Болотбеков, "Ар-Намыс" партиясынан юрист Андрей Иванов, "Көзөмөл" кыймылынын жетекчиси Айбек Турганбаев... Читать дальше...

Ош шаары менен Папан айыл өкмөтүн байланыштырган негизги автожолдогу көпүрө кулады. Көпүрө 11-октябрь күнү көмүр ташыган автоунаа  өтүп бара жатканда кулаганын "Азаттыкка" айыл өкмөт башчы Нурзаман Алимбеков тастыктады. Алимбеков жүргүнчүлөр Ноокат, Кара-Сөгөт айылдары аркылуу айланып каттап жатканын кошумчалады. Бул көпүрө Папан айыл өкмөтүнө караштуу аймакка кире бериште, Ош - Папан жолун бириктирген негизги чоң жолдо жайгашкан. Өзгөчө кырдаалдар министрлигинин маалыматына караганда, оор... Читать дальше...

Ички иштер министринин биринчи орун басары Сүйүн Өмүрзаков кызматын тапшырды. Бул тууралуу 11-октябрда министрликтин басма сөз кызматы билдирди. Мекеменин маалыматына караганда, Өмүрзаков парламенттик шайлоого катышары белгилүү болду. Аны ИИМден узатуу иш-чарасына президенттик администрациянын Коргоо, укук тартиби жана өзгөчө кырдаалдар бөлүмүнүн башчысы Адилет Жанузаков, ички иштер министри Улан Ниязбеков, башкармалыктардын башчылары катышты. Министрлер кабинетинин тескемеси менен Өмүрзаков... Читать дальше...

Жаңы рейтинг Норвегиянын Осло шаарында өткөн спорттук күрөштүн түрлөрү боюнча дүйнө чемпионаты жыйынтыкталгандан кийин жарыяланды.

Кашмирдин Нью-Дели көзөмөлдөгөн аймагында жоочулар менен атышуудан индиялык беш аскер мерт болду. Бул тууралуу Индиянын армиясы 11-октябрда билдирди. Маалыматка ылайык, окуя аскерлер Суранкоте аймагында согушкерлерди издөө операциясын өткөрүп жаткан учурда болгон. Жоокерлер токойлуу жерде аткылоого кабылган. Армия аларды атайын тик учак менен эвакуациялоого аргасыз болгон. Өткөн аптада Индиянын аскерлери Кашмирдеги Сринагар шаарында текшерүүлөрдү күчөткөн. Буга аймактагы кол салуулардын күчөгөнү себеп болгон. Читать дальше...