Новости за 11.02.2022

“Азаттык” радиосу Кыргызстандын эгемендигинин 30 жылдыгына карата “Эрктүү элдин эгемендиги” аттуу китеп чыгарды. Ага 2002-жылдан бери “Азаттыктын” интернет сайтына жарыяланган маанилүү макала, маектер, талкуулар менен иликтөөлөр жана башка материалдар топтолду. 11-февралда китептин бет ачарында “Эркин Европа/Азаттык” радиосунун кыргыз кызматынын директору Венера Жуматаева китепке Кыргызстандын эгемендик жылдарындагы тарыхый окуялар киргизилгенин айтты. “30 жылдык эгемендик тарыхыбызда элдин келечеги... Читать дальше...

Эл аралык тест агенттиги көркөм муз тебүүчү орусиялык Камила Валиеванын былтыр 25-декабрда тапшырган допинг-анализинде тыюу салынган триметазидин препараты табылганын бышыктады. Эл аралык Олимпида комитети Валиеваны Бээжин оюндарына катыштыруу чечимин Спорттук арбитражда талашарын билдирди. Чечим кыз-келиндер арасындагы жарыш баштала турган 15-февралга чейин кабыл алынууга тийиш. Орусиянын Олимпиада комитети "тест кышкы оюндар учурунда алынбагандыктан, анын командалык мелдештеги көрсөткүчү автоматтуу... Читать дальше...

Орусия Кыргызстан менен Тажикстандын чек ара талашын жөнгө салууда өз тажрыйбасы менен бөлүшүүгө даяр. Бул тууралуу орус тышкы иштер министринин орун басары Андрей Руденкого таянып ТАСС агенттиги кабарлады. Дипломат мисал катары Орусия-Казакстан чек арасынын делимитациясын келтирди. Руденко кыргыз-тажик чегиндеги тынч эмес кырдаал Москванын кабатырлануусун жаратарын, талашты сүйлөшүү жолу менен чечүү керектигин кошумчалады. Дипломаттын айтымында, делимитиация жана демаркация маселеси чечилмейин, кагылуушулар болбойт деген кепилдик жок. Читать дальше...

Улуттук коопсуздук боюнча мамлекеттик комитет (УКМК) Жогорку Кеңештин мурдагы депутаты 2 млн. АКШ доллар өлчөмүндө алдамчылыкка шектелип кармалганын маалымдады. УКМК шектүүнүн инициалын А.А. деп берген. Бишкектин Биринчи май райондук соту ал Алиярбек Абжалиев экенин тастыктады. Атайын кызматтын маалыматына ылайык, шектүүгө каршы ишкер арыз жазган. “Текшерүүнүн жыйынтыгында арыз ээсинин жүйөлөрү тастыкталып, алынган материалдар бул факты боюнча Кыргыз Республикасынын Кылмыш-жаза кодексинин 209-беренеси... Читать дальше...

Адамдын иммундук таңсыктык вирусун (ВИЧ) биринчи болуп аныктаган франциялык вирусолог, Нобел сыйлыгынын ээси Люк Монтанье 89 жашында Париждеги ооруканада көз жумду. 1983-жылы окумуштуу профессор Франсуаз Барр-Синусси менен бирге ВИЧти ачкан. 2008-жылы аларга бул ачылыш үчүн медицина жана физиология тармагында Нобел сыйлыгы ыйгарылган. Монтанье күчтүү иммунитет "бир нече жумада" ВИЧти өз алдынча жеңе алат, аутизмге бактериялар алып келет, аны антибиотик менен дарыласа болот" деген сөздөрү үчүн илим чөйрөсүндө катуу сынга кабылып келгени бар.

АКШнын Мамлекеттик департаменти америкалыктарга Украинадан мүмкүн болушунча тезирек чыгып кетүү кеңешин берди.  “Орусиянын кол салуу коркунучу өскөндүгү жана COVID-19га байланышкан кырдаалдан улам Украинага барбай тургула”, - деп айтылат 10-февралдагы кеңеш-билдирүүдө. Мамдеп кошумчалагандай, “Украинада жүргөндөр коммерциялык каттамдар же башка жолдор менен чыгып кетүүгө тийиш”. АКШнын тышкы саясий мекемеси Орусия кошуна өлкөсүнө каршы “аскердик аракет көрө турган болсо, тоз-тополоң, кагылышуулар чыгып кетиши ыктымал” деп эсептейт. Читать дальше...

Орусияда курулуштарда иштеген мигранттарды абакта жаткан жергиликтүү жарандар менен алмаштыруу демилгеси кайрадан козголду. Анын тарапкерлери бул аракет соттолгондорду кадимки турмушка кайтарып, жумуш менен камсыз болуусуна жардам берет деп эсептешет. Бирок эксперттер камакта жаткандар адистешкен мигранттардын ордун баса албай турганын айтып, бул идеянын ишке ашарынан күмөн санашат. Кайрадан көтөрүлгөн маселе Абак жайларда камалып жаткан жарандарды курулуштарга жана башка тармактарга жумушка... Читать дальше...

Эл аралык өнүктүрүү боюнча америкалык агенттиктин (ЮСАИД) колдоосу менен Кыргызстанда сот реформасына багытталган “Укук булагы” долбоору башталды. Анын максаты - өлкөдө соттордун ишинин ачыктыгын жогорулатуу жана коррупцияны азайтуу. Жаңы долбоордун ачылышына 11-февралда Жогорку соттун төрагасы Замирбек Базарбеков, “Укук булагы” долбоорунун жетекчиси Фред Хьюстон катышты. Долбоорду ишке ашыруу 2026-жылга чейин уланып, ага ЮСАИД тарабынан 9 миллион доллар бөлүнөт. Кыргызстанда сот системасы коомчулуктун сынына кабылган тармактардын бири. Читать дальше...

Орусия президенти Владимир Путин казак мамлекет башчысы Касым-Жомарт Токаев менен кездешүүдө Москва Январь окуяларында кошуна өлкөгө "тирек-таяныч" болуп бергенин билдирди. Орусия баштаган Жамааттык коопсуздук келишими уюму (ЖККУ) Токаевдин өтүнүчү менен эки миңден ашуун бейпилдик аскерлерин жиберген. Казак президенти "сырттан кол салуу" болгонун айткан эле. 10-февралда Москвадагы сүйлөшүүлөрдө Путин ошол версияны колдоп, Казакстан "ички кырдаалдан пайдаланып кеткен эл аралык бандалардын курмандыгы болгонун" айтты. Читать дальше...

Коронавируска каршы эмдөөдөн өткөн жарандардан 11-февралдан тарта Кыргызстанга киргенде ПЧР-тесттин анализинин жыйынтыгы талап кылынбайт. Министрлер кабинетинин басма сөз кызматы мындай чечим 10-февралда өкмөттө коронавируска каршы күрөшүү боюнча штабдын кеңешмесинде кабыл алынганын билдирди. Мындан ары Кыргызстанга кирген учурда жарандар ПЧР-тест тууралуу маалымдаманы, же эмдөөдөн өткөндүгү тууралуу сертификатты көрсөтүшү керек. Кыргызстан былтыр 1-декабрда өлкөгө киргендердин бардыгын эмделгенине... Читать дальше...

Башкы прокуратура Жогорку Кеңештеги “Бүтүн Кыргызстан” фракциясынын лидери, депутат Адахан Мадумаров протокол иши боюнча күбө катары эле өтүп жатканын кабарлады. Бул тууралуу “Азаттыкка” мекеменин басма сөз кызматынын башчысы Сирожиддин Камолидинов билдирди. “Азыр күбө макамында. Себеби, Адахан Мадумаров Жогорку Кеңештин депутаты. Адахан Мадумаровду жоопко тартуу боюнча биринчи уруксат алыш керек (Жогорку Кеңештен-ред.). Андан кийин кылмыш жоопкерчилиги квалификация болуп айыпкер катары жоопкерчиликке тартылат. Читать дальше...

Жалал-Абад облусунун Ноокен районунун Сакалды айылында 100 батирлүү социалдык турак жайлардын курулушу 90 пайызга аяктады. Бул тууралуу президенттин Жалал-Абад облусундагы өкүлчүлүгүнүн басма сөз кызматы билдирди. Шаарчадагы иштердин жүрүшү менен Кыргыз Республикасынын президентинин Жалал-Абад облусундагы ыйгарым укуктуу өкүлү Абсаттар Сыргабаев таанышып чыкты. Облус өкүлү айылдагы коомдун аялуу катмарындагы муктаж, жалгыз бой жана кѳп балалуу энелер үчүн бул ири долбоордун алкагында курулган социалдык турак жайларда... Читать дальше...

Тажикстанда Дарваз жана Ванж аймагын Тоолуу Бадахшан автоном облусунан бөлүү демилгеси көтөрүлүүдө. Стратегиялык изилдөөлөр борбору ички чек араны өзгөртүү өлкө кызыкчылыгына жооп бербейт деген менен Дүйшөмбүнүн анын автоном макамын жоюу аракети деп белгиленди. Мындай билдирүүлөр Тоолуу Бадахшанда ажырым күчөп, өкмөттүк күчтөр менен жергиликтүү элдин мамилеси чыңалып турган учурга туура келди. Тажикстандын телерадиоберүү комитетинин жетекчиси Кыргызстан менен болгон чек ара чатагын жана Хорогдогу... Читать дальше...

Октябрь райондук прокуратурасы Бишкек мэриясынын “Бишкек жүргүнчүлөр автотранспорт ишканасынын” эки кызматкерине карата айыптоо актысын бекитип, ишти Октябрь райондук сотуна жиберди. Бул тууралуу Башкы прокуратуранын басма сөз кызматы билдирди. Алар Кылмыш-жаза кодексинин “Ишенип берилген мүлктү ыйгарып алуу же коротуу”, “Кызматтык жасалмачылык” беренелери менен айыпталып жатат. Башкы көзөмөл органы тараткан маалыматка ылайык, шектүүлөр автобустардын айдоочуларынан күн сайын түшкөн акчаны ишкананын кассасынан чыгарып алып турган. Читать дальше...

Белгилүү кикбоксчу Канатбек Сыдыгалиев 44 жаш курагында көз жумду. Бул тууралуу Кыргызстандын Кикбоксинг федерациясы кабарлады. Канатбек Сыдыгалиев 1978-жылы 18-январда Талас районунун Арал айылында туулган.   Ал 1999- 2000-жылдары кикбоксинг боюнча Евразиянын чемпиону болуп, 2000-жылы Европа чемпионатынын коло байгесин алган. 1999 жана 2001-жылдары Дүйнө чемпиондугунда күмүш, 2003-жылы коло медал алган. 2003-жылкы профессионалдар арасында Европа чемпиону болгон. Сыдыгалиев Germes Profee... Читать дальше...

Казакстандагы экс-президентb Нурсултан Назарбаевдин керт башына сыйынуу кесепети Татарстанга да тийди. Казак бийлиги азыр эми аз-аздан арылууга аракеттенген бул адатка Казанда жети жыл мурда катуу каршылык болгон. Назарбаевдин ысымын көчөгө ыйгарууга жарандар каршы чыгып, бирок ал толкун күч менен басылып, нааразылыкка карабай бийлик өз планын ишке ашырган. Азыр Казанда бул маселе кайрадан талкууга түшкөнү кабарланды. "Тирүү Назарбаевди ысымын ыйгаруу - тирукмуш жорук" Казан шаардык аткаруу... Читать дальше...

Соңку бир суткада (11-февралга карата) Кыргызстанда коронавирус 69 адамдан жаңы аныкталды. Алардын басымдуу бөлүгү Бишкек шаарында – 31 киши. Саламаттык сактоо министрлиги вирустан дагы үч бейтап каза болгонун билдирди. Ушуну менен өлкөдө COVID-19 жуккандардын жалпы саны 199 миңден ашты, 2920 адам каза болуп, 192 миңден көп киши сакайып чыкты. Ушул күндөрү 585 бейтап ооруканаларда, 2597 адам үйүндө дарыланууда. Бир сутка ичинде коронавирус дагы бир медициналык кызматкерге жукту. Жалпысынан... Читать дальше...

Сейсмология институтунун маалыматына ылайык, 10-февралда саат 14:44тө Ош облусунда очогунда күчү 4,5 баллга жеткен жер титирөө болгон. Бул тууралуу Өзгөчө кырдаалдар министрлиги (ӨКМ) билдирди. Жер титирөө Алай районунун Сары-Таш, Арча-Булак айылдарында төрт балл, Сары-Могол, Кара-Киндик, Бор-Дөбө, Талды-Суу, Ак-Босого, Кызыл-Алай, Кичи-Каракол айылдарында үч баллга жеткен. Сопу-Коргон, Жергетал, Көлдүк, Чий-Талаа айылдарында 2,5 балл, Чоң-Алай районунун Чоң-Каракол айылында үч балл, Кара-Кабак... Читать дальше...