Новости за 19.09.2022

Кыргызстандын Куралдуу күчтөрүндө, Улуттук коопсуздук боюнча мамлекеттик комитетине караштуу Чек ара кызматында, укук коргоо органдарында иштеген кызматкерлердин айлык акысы 1-октябрдан тарта көбөйөт. Бул тууралуу жарлыкка президент Садыр Жапаров бүгүн, 19-сентябрда кол койду. "2022-жылдын 1-октябрынан тартып прокуратура кызматкерлерин кошпогондо, Кыргызстандын аскер кызматчыларына жана укук коргоо органдарынын кызматкерлерине кызмат өтөө үчүн үстөктөрү жылдык эмгек акы фондунун 80% чейин жогоруласын", - деп жазылган жарлыкта. Читать дальше...

Кыргыз-тажик чек арасындагы кырдаалга байланыштуу Кыргызстанда элди аскерге мобилизациялоо жүргөн жок. Бул тууралуу Коопсуздук кеңешинин катчысы Марат Иманкулов бүгүн, 19-сентябрда Бишкектеги маалымат жыйынында билдирди.   "Бизде күч жетиштүү. Ошондуктан, элди аскерге мобилизациялаган жокпуз. Эгер керек болсоңор, чакырып алабыз. Бирок азыр бизде күч да, курал-жарак да жетиштүү. Чек араны коргоп алууга дараметибиз жетет". Марат Иманкулов тажик тараптан чек арадан куралдуу күчтөрүн алып кетүүнү дагы да өтүнөрүн айтты. Читать дальше...

Максат - Лейлек районунун Тажикстан менен чектешкен эң четки айылы. Баткендеги соңку чек ара жаңжалдын кесепетинен алдын-ала эсеп боюнча 282 объект талкаланганы расмий кабарланды.

Чек арадагы куралдуу кагылышка байланыштуу 19-сентябрда Кыргызстан аза күтүп жатат. Жаңжалда бери дегенде 59 адам мерт болду. Курман болгон аскерлердин сөөгү жерге берилүүдө. Саламаттык сактоо министрлиги куралдуу кагылышта жарадар болгондордун жалпы саны 163 болгонун билдирди. "Бекмырза октябрда үйлөнмөк эле..." Бекмырза Шарабидин уулу 16-сентябрда чек арадагы куралдуу кагылышта Лейлектеги "Кулунду" чек ара бекетин аткылоодон курман болгон. Маркумдун сөөгү бүгүн, 18-сентябрда Ноокен районундагы... Читать дальше...

Баткенде чек арадагы окуяда талкаланган үйлөрдүн саны 300дөй экенин 19-сентябрда Улуттук коопсуздук боюнча мамлекеттик комитеттин (УКМК) төрагасы Камчыбек Ташиев Баткенде журналисттердин суроолоруна жооп берип жатып билдирди. “Толук эмес маалымат боюнча, 300гө жакын үй жабыркаган. Ошол үй-бүлөлөрдү азыр кайра өзүлөрүнүн үйүнө алып келе албайбыз. Бирок тез арада чара көрүп, алардын үйлөрүн ордуна коюп, алып келебиз”. Үй-жайынан ажырагандар азыр жер-жерлерде ачылган пункттарда баш калкалап турушканын... Читать дальше...

Баткенге тажик тараптан кол салгандардын арасында жарандык кийимчен, сакалчан адамдар жүргөн фактылар боюнча да териштирүү жүрөрүн 19-сентябрда “Биринчи радионун” эфиринде Кыргызстандын Коопсуздук кеңешинин катчысы Марат Иманкулов билдирди. “Биз байкаган бир өзгөчөлүк – алардын чек арачыларынын, куралдуу күчтөрүнүн кызматкерлеринин арасында жарандык кийимчендер, сакалчандар курал-жарак көтөрүп алып аткылап жүрүштү. Ошолор айылдарды кыдырып, тамдарды өрттөштү, жардыра башташты, талап-тоношту. Ушундай... Читать дальше...

Ооганстанды башкарып жаткан “Талибан” кыймылы (Кыргызстанда тыюу салынган) америкалык инженер Марк Фрериксти алмашуу жолу менен АКШга өткөрүп берди. Бул тууралуу талиб өкмөтүнүн тышкы иштер министри Амир Хан Муттаки 19-сентябрда атайын басма сөз жыйынында билдирди. Фрерикс Америкада баңгизат сактоого айыпталып камалып жаткан ооган жараны Хажи Башир Нурзайга алмаштырылган. Аларды алмаштыруу дүйшөмбү күнү таңга жуук Кабулдун аэропортунда өттү. Америкалык жарандын боштондукка чыгарылганы тууралуу маалыматты Кошмо Штаттар расмий бере элек. Читать дальше...

Баткенде, кыргыз-тажик чек арасында кырдаал туруктуу, бирок оор экенин 19-сентябрда Улуттук коопсуздук боюнча мамлекеттик комитеттин (УКМК) төрагасы Камчыбек Ташиев Баткенде журналисттердин суроолоруна жооп берип жатып билдирди: “Кырдаал оор жана стабилдүү. Бүгүнкү күндө “толук коопсуз болду, үйүңөргө кайткыла” деп айта элекмин. Оор техниканы чек арадан алып кетүү процесси жүрүп жатат, коңшулар менен кошо. Кээ бир жерде өтө оор жүрүп жатат. Түзүлгөн комиссия иштеп жатат. Ошол комиссиянын жыйынтыгы... Читать дальше...

Кыргызстандын Башкы прокуратурасы "кыргыз-тажик чек арасындагы куралдуу кол салууга байланыштуу Кылмыш-жаза кодексинин 402-беренеси ("Тынчтыкка каршы кылмыштар") менен кылмыш иши козголду" деп билдирди. Баткен облусунда мекемелер аралык тергөө тобу түзүлүп, иликтөө иштерин жүргүзөрү кабарланды. Тергөө тобунун курамына Ички иштер министрлигинин (ИИМ), Башкы прокуратуранын, Аскер прокуратурасынын, жергиликтүү бийликтен өкүлдөр кирген. Аталган топ куралдуу кол салуудан жабыркаган айылдарда ишин баштады. Читать дальше...

Кыргызстандын коопсуздук кеңешинин катчысы Марат Иманкулов кыргыз бийлиги "Тажикстандын кол салуусун далилдөөчү материалдарды эл аралык деңгээлге алып чыгууга даяр экенин" 19-сентябрда “Биринчи радионун” эфиринде билдирди. Иманкулов Баткендеги окуяны "тажик тараптын агрессиясы жана кылмышы" деп атап, жеринде тийиштүү органдардын өкүлдөрүнөн турган ыкчам тергөө топ иштеп жатканын, бардыгы видео жана фото фиксация болгонун кошумчалап, Кыргызстан маселени дипломатия жолу менен гана чечүүнү көздөрүн кошумчалады... Читать дальше...

Кошмо Штаттардын президенти Жо Байден эгер Кытай тараптан Тайванга кол салуу болсо АКШ аралды коргой турганын кайрадан жарыялады. Бул тууралуу пикирин ал CBS америкалык телекомпаниясына курган маегинде айтты. Байден бул боюнча мурда да кеп кылган. CBS телеканалы белгилегендей, жаңы билдирүүсү кыйла ачыгыраак болду. Журналисттин “америкалык аскерлер Тайванды коргоого түздөн-түз аралашабы?” деген суроосуна, Байден “ооба, эгер кол салуу болсо” деп жооп берди. Америкалык президент жыл башында Токиодо... Читать дальше...

Жарандык активист Өндүрүш Токтонасыров Бириккен Улуттар Уюмунун Бишкектеги кеңсесинин алдында кыргыз-тажик чек арасындагы куралдуу кол салууда курман болгондорду эскерген акция өткөрдү. Ал 19-сентябрда колуна "Түбөлүк жашайсыңар" деген жазуусу бар кагазды кармап турду. "БУУ кыргызстандыктардын аза кайгысын тең бөлүшүп, аскердик кылмыш жасаган Рахмон (Тажикстандын президенти) боюнча ишти Эл аралык сотто калыс кароого көмөктөшүп, кан төгүлгөн аймакка окуяны ийне жибине чейин калыс териштирген көз... Читать дальше...

Баткен облусунун элин колдоо эсебине 19-сентябрь саат 10:00гө карата 26 миллион 72 миң 750 сом чогулду. Бул тууралуу Кыргызстадын Каржы министрлигинин Борбордук казыналыгы билдирди. Бул сумма кыргыз-тажик чек арасындагы куралдуу кол салууда жабыркагандарга көмөк көрсөтүү үчун ачылган атайын эсептеги каражат.   Кыргыз-тажик чек арасындагы калабада жабыркаган Баткен облусуна жана кагылыштан улам аргасыз жер которгон адамдарга гуманитардык жардам чогултуу, жөнөтүү бардык аймактарда уланып жатат. Читать дальше...

Президент Садыр Жапаров жарандарга кайрылып, кыргыз-тажик чек арасындагы соңку куралдуу кагылышка байланыштуу интернеттеги чагым алдырбоого чакырды. Ал 19-сентябрь аза күтүү күнүнө карата кайрылуусунда анын кесепетинен кайсы бир өлкөлөр менен алака-катышка доо кетиши ыктымалдыгын эскертти. "Бүгүнкү күндө ок атышуу токтогону менен интернет мейкиндигинде чагымчыл сөздөр жаңырууда. Мындай чыр-чатактын чекесин кыйытып, элдин аң-сезимин бурмалоого багытталган кеп-сөздөр белгилүү бир максатта – меймандос элибиздин карым-катышта болуп... Читать дальше...

Кыргыз гидрометкызматы 20-сентябрга караган түнү Ысык-Көл облусунун тоолуу райондорунда өткүн өтө турганын кабарлады. Күндүз Ысык-Көлдүн көпчүлүк аймагында, Нарын облусунун айрым жерлеринде, Чүй, Ош, Жалал-Абад, Талас, Баткен облустарынын тоолуу райондорунда жамгыр жаайт. Батыш тараптан жел согуп турат. Абанын температурасы: Баткен, Ош, Жалал-Абад облустарында түнкүсүн 12...17, күндүз 28...32, Чүй өрөөнүндө түнкүсүн 12...17, күндүз 27...32, Талас жергесинде түнкүсүн 7...12, күндүз 25...30... Читать дальше...

Президент Садыр Жапаров кыргыз-тажик чек арасындагы соңку куралдуу кагылышка байланыштуу аза күтүү күнүндө билдирүү жасады. Анда мекен чегинде мерт болгон жоокерлерди баатыр деп атап, алардын эрдигин эл унутпасын айтты жана ата-энелерине таазим кылды. Мекен чегин коргоо – ары жооптуу, ары сыймыктуу ыйык милдет. Ошентсе да, эр жигиттерибиз эл-жеринин чегин коргоп жатып, кандары забын болгонуна ар бирибиздин жүрөгүбүз сыздап турат. Ушундай азамат уулдарыбыз турганда биздин чепти эч ким буза албайт. Читать дальше...

Кыргыз-тажик чек арасындагы куралдуу кол салуудан улам зыян тарткан ондогон мектептерде окууну улантуу мүмкүн болбой турат. Билим берүү жана илим министринин орун басары Надира Жусупбекованын айтымында, Лейлек районунда Тажикстан менен чектеш аймактарда жайгашкан 26 мектепте, 30 бала бакчада, Баткен районундагы 8 мектепте жана бир бала бакчада, Баткен шаарындагы бардык мектептерде окуу процесси баштала элек. Жусупбекова Жогорку Кеңештин Социалдык саясат комитетинде берген маалыматка ылайык, Баткен... Читать дальше...

Баткендеги соңку чек ара жаңжалдын кесепетинен алдын-ала эсеп боюнча 282 объект талкаланды. Бул тууралуу Министрлер кабинетинин төрагасы, соңку куралдуу кол салуудан талкаланган аймактарды калыбына келтирүү жана өнүктүрүү боюнча мамлекеттик комиссиянын башчысы Акылбек Жапаров "Азаттыкка" билдирди. Анын айтымында, учурда комиссия ишин баштап, жаңжалда келтирилген чыгымды эсептеп жатат. "Алдын-ала эсеп боюнча 282 объект талкаланган. Анын ичинде социалдык объекттер, аскердик казармалар, жеке турак-жайлар бар. Читать дальше...

Интернационал - Лейлек районунун Кулунду айыл аймагынындагы чек арадагы айыл. Баткендеги соңку чек ара жаңжалдын кесепетинен алдын-ала эсеп боюнча 282 объект талкаланды. Бул тууралуу Министрлер кабинетинин төрагасы Акылбек Жапаров "Азаттыкка" билдирди.

Баткенде кыргыз-тажик чек арасындагы куралдуу кол салууда курман болгон беш кишинин тек-жайы тактала элек. Бул тууралуу саламаттык сактоо министринин орунбасары Жаркынбек Касымбеков Жогорку Кеңештин Социалдык саясат комитетинин жыйынында билдирип, сөөктөр өлүкканада экенин кошумчалады. Расмий маалыматка ылайык, куралдуу кол салууда 59 кыргызстандык набыт болуп, бери дегенде 163 киши жараат алды. Буга байланыштуу 19-сентябрда Кыргызстан аза күтүүдө. Саламаттык сактоо министри Гүлнара Баатырова Баткенде жабыркагандарга дары-дармектер... Читать дальше...

Ош шаардык Ички иштер башкармалыгы кыргыз-тажик чек арасындагы куралдуу кол салуудан жаралган кырдаалдан пайдаланып, жеке кызыкчылыгы үчүн каражат чогулткан шылуундардан этият болууга чакырды. Мындай билдирүү шаардык милициянын Фейсбуктагы баракчасына жарыяланды. Анда көчөдө, соода түйүндөрүндү, ишкана-мекемелерди аралап "Баткенге жардам" деген жазуусу бар баштыкча же кутуча көтөрүп жүргөн кишилерге жардам көрсөтпөө керектигин эскертилген. Бирок андай шылуундар каерде жүргөнү тууралуу конкреттүү мисал келтирилген эмес. Читать дальше...

Лейлек районунун Интернационал айылындагы "Достук" базары. Бул базар 16-17-сентябрдагы кыргыз-тажик чек арасындагы куралдуу кол салуу учурунда толук өрттөнүп кеткен.

Саламаттык сактоо министрлиги 19-сентябрь, саат 09.00го карата маалымат берип, кыргыз-тажик чек арасындагы куралдуу кагылышта жарадар болгондордун жалпы саны 163 болгонун билдирди. Анда 19-сентябрга караган түнү дагы 19 адам ооруканаларга кайрылып, 12си амбулатордук дарыланууга жөнөтүлгөнү айтылат. Чек арадагы соңку куралдуу кагылышта бери дегенде 59 адам мерт болду. Буга байланыштуу 19-сентябрда Кыргызстан аза күтүүдө. Бул күнү өлкөдө, чет өлкөдөгү дипломатиялык жана консулдук мекемелердин имараттарында Кыргызстандын туусу ылдый түшүрүлөт. Читать дальше...

Ички иштер министрлигинин (ИИМ) билдиришинче, кыргыз-тажик чек арасындагы соңку куралдуу кагышта мерт болгондордун төрт ИИМдин Ички аскерлеринин кызматкерлери. Мындан улам күч түзүмү улук сержант Дурус Каныбек уулунун, кенже сержант Манас Баатырбековдун, улук сержант Ачылбек Ташбековдун жана катардагы жоокер Айбек Абдилабековдун туугандарына жана жакындарына көңүл айтты. Чек арадагы соңку куралдуу кагылышта бери дегенде 59 адам мерт болуп, дагы 144 киши жараат алды. 140 миңден ашуун адам коопсуз жайга убактылуу көчүрүлдү. Читать дальше...

16-17-сентябрдагы кыргыз-тажик чек арасындагы куралдуу кагылышта мерт болгон кыргызстандыктардын саны 59 адамга жетти, алардын бири 15 жаштагы окуучу кыз.